[caption id="attachment_52564" align="aligncenter" width="560"] فوتو: rbc.ua[/caption]
قىتايدا تولاسسىز جاۋعان جاڭبىردىڭ سوڭى سۋ تاسقىنىنا ۇلاستى. اسپاناستى ەلىنىڭ سولتۇستىگىندە تابيعات اپاتىنان كەم دەگەندە 75 ادام وپات بولدى.
segodnya.ua اقپارى بويىنشا, ءىز-ءتۇزسىز جوعالىپ كەتكەندەردىڭ قاتارى 70 ادامنان اسقان ەكەن.
مالىمەتتەرگە قاراعاندا, قىتاي استاناسىندا توسىن تابيعات اپاتىنان اۋە رەيستەرى كەيىنگە شەگەرىلدى. سونىمەن قاتار, تەمىر جولدار دا ۋاقىتشا ءوز جۇمىسىن توقتاتتى. ونداعان مىڭ تۇرعىندار قاۋىپتى ايماقتان كوشىرىلدى.
ايتا كەتەيىك, العاشقى جارتىجىلدىقتا وسىعان ۇقساس توتەنشە جاعدايلاردان 576 ادام قازا تاپقان ەكەن. سونىمەن قاتار, 600-گە جۋىعى ءىز-ءتۇزسىز جوعالىپ كەتكەن.
وسىدان بىرەر اپتا بۇرىن يانتسزى وزەنى تاسىپ, 300-گە جۋىق ادام وپات بولىپ, 93 ادام حابار-وشارسىز كەتكەن. 1508 وكرۋگ پەن 28 پروۆينتسيادا سۋ تاسقىنى بولۋ مۇمكىندىگى الدىن الا حابارلانعان بولاتىن. ال جالپى شىعىن كولەمى 147 ميلليارد يۋان, ياعني 22 ميلليارد دوللاردى قۇراعان.
ايان ءابدۋالي