ورال ونكولوگيا ورتالىعى حالىقارالىق ستاندارتتارعا ساي

بۇگىنگى كۇن تەك ءبىر ايماقتىڭ عانا ەمەس, سو­نىمەن بىرگە, رەس­پۋب­ليكانىڭ ونكولوگيالىق ەمدەۋ جۇيەسىندەگى ەستە قالاتىن تاريحي كۇن­دەر­دىڭ ءبىرى بولىپ قال­ماق. ورال قالاسىن­دا­عى ءسانى مەن ساۋلەتى كەلىسكەن جاڭا ءزاۋلىم ون­كولو­گيا­لىق ورتالىق­تىڭ اشىلۋ ءراسىمى كەزىندە قازاق ونكولوگيا جانە راديولوگيا عىلىمي-زەرت­تەۋ ينس­تيتۋتىنىڭ ديرەكتورى, مەديتسينا عىلىمدارىنىڭ دوك­تورى, اكادەميك جەتكەرگەن ار­زىقۇ­لوۆ وسىلاي دەپ مالىمدەدى. بۇ­دان ءارى ول رەسپۋبليكادا تەڭ­دەسى, بالاماسى جوق جاڭا ەمدەۋ ورنى وبلىس ونكولوگتارىنىڭ بارلىق كۇش-جىگەرى مەن كاسىبي شەبەرلىكتەرىن ۇيلەستىرە الا­تىن ورتالىق بولا الاتىنى جونىندە وي ساباقتادى. ەلباسى ءوزىنىڭ بيىلعى جول­داۋىندا اۋرۋدىڭ الدىن الۋ مەن پروفيلاكتيكالىق جۇمىستاردى ساۋاتتى ۇيىمداستىرۋ جونىندە ۇكى­مەت پەن دەنساۋلىق ساقتاۋ ۆە­دومستۆوسىنىڭ الدىنا اسا جا­ۋاپ­تى مىندەتتەر قويدى. ادام ءولى­مىن تومەندەتۋگە اپاراتىن جول­دىڭ باسى بۇل. ءولىم كوپ جاعدايدا ونكولوگيالىق اۋرۋ­لار­دىڭ اسقى­نىپ كەتۋىنەن ور­ىن الا­تىنى بەلگىلى. ال مۇنداي توپتاعى دەرت­تەر­دىڭ الدىن الۋ­عا بولاتىنى بۇعان دەيىن ءال­ەم­دىك مە­ديتسينا ءتاجىري­بە­سىندە تو­لىق ءدا­لەل­­دەنگەن. ياعني, قا­تەرلى ىسىكتەر ەرتە ساتىسىندا انىق­تال­سا, ادام ءومى­رىنە ەشقان­داي قاۋىپ تۋعىزبايدى. ورالدا اشىلعان ونكولو­گيا­لىق ورتالىقتىڭ ەڭ باستى ار­تىق­شى­لىعى وسىندا. مۇنداعى حا­لىق­ارالىق ستاندارتتارعا ساي جاڭا مەديتسينالىق قوندىرعى­لار ادام ومىرىنە قاۋىپتى كەسەلدى ەرتە سا­تىسىندا انىقتاۋعا مۇمكىندىك بەرەدى. ونكولوگ ما­مانداردىڭ ءما­لىم­دەۋىنشە, مۇن­دا قويىلعان ءبىر­قاتار ساندىق اپپاراتتاردى ەلدىڭ وزگە ءوڭىر­لەرىنەن كەزدەستىرە ال­ماي­سىز. سولاردىڭ ءبىرى – قولعا بايقالا بەرمەيتىن ايەلدەردىڭ ءسۇت  بەزدەرىن­دەگى ىسىكتەردى انىقتاۋعا, سون­داي-اق قاتەرلى كەسەلدەردىڭ وزگە تۇرلەرىنە زەرتتەۋ جۇرگىزگەن كەز­دە دە قاتەلىك جىبەرمەيتىن قون­دىرعى. ونكولوگيالىق اۋرۋلار­دى ەمدەۋ كەزىندە وتا جاساۋمەن بىرگە, حيميالىق جانە ساۋلەمەن ەمدەۋ تاسىلدەرى قولدانىلادى. ور­تا­لىق­تا وسى ەمدەۋ تۇرلە­رى­نىڭ جاڭا مۇمكىندىكتەرىن پايدا­لا­نۋعا دا بارلىق جاعدايلار بار. – مەديتسينا مەكەمەلەرىندە اتالعان اۋرۋلاردى ەمدەپ شىق­قاننان كەيىن, كوپ جاعدايلاردا ولاردى ودان ءارى ساۋىقتىرۋ ءما­سە­لەلەرى شەتقاقپاي, قاعابە­رىس­تەۋ قالىپ كەلگەنىن دە اشىق اي­تۋعا تۋرا كەلەدى. ياعني, ول  ەمنەن كەيىنگى پسيحولو­گيا­لىق اسەر ەتۋ مەن ىقپال جاساۋ تاسىلدەرى بولماق. ورال ونكولوگيالىق ور­تالىعىن­دا­عى­ ونداعان ورىندار وسى­عان ار­نالعان. بۇل – وتە قاجەت شارا. مۇنداي جاع­دايدا ەم ناتيجەسى ەكى ەسەگە دەيىن ار­تادى, – دەدى گازەت تىلشىسىنە ەل­دىڭ باس ونكو­لوگى ج.ارزىقۇلوۆ.  – جاڭا ورتالىقتا ەمدەۋ مەن ساۋ­ىقتىرۋعا قاجەتتى بارلىق جاع­دايلار بار ەكەن.  ءبىز, رەسپۋبليكا ونكولوگتارى راك اۋ­رۋ­لا­رىن ەرتە ساتىدا انىقتاۋ باع­دار­لاماسىن قول­عا الىپ وتىر­مىز. بۇل ىستەردىڭ تۇكپى ءناتي­جە­لەرى 2015 جىلعا دەيىن كورىنىس تا­بۋعا ءتيىس. بۇعان ورالدىق ون­كو­لوگتاردىڭ تولىق مۇمكىندىك­تەرى بار. قاجەتتى مامانداردى الما­تى­دا, استانادا نەمەسە وسى ورتا­لىقتىڭ وزىندە دايارلاۋعا, قاي­تا دايارلاۋعا بو­لادى. بۇعان ءوز تارا­پىمىزدان قاجەتتى كو­مەك­تەر بەرۋگە ءازىرمىز. جاڭا ەمدەۋ ورنى رەس­پۋبليكانىڭ باتىس وڭىرىندە ونكولوگيالىق اۋ­رۋلار­دى  ەمدەيتىن ۇلكەن ورتا­لىققا اينالا الا­تىنىنا سەنىمىم مول. بولاشاقتا ورال ونكولوگيا ور­تالىعى بازا­سىندا حالىق­ارا­لىق زەرتتەۋلەر جۇرگىزۋ دە ويى­مىزدا بار, – دەدى بۇدان ءارى جەتكەرگەن انەس ۇلى. ورالداعى بالاماسى جوق جا­ڭا ورتالىق جونىندەگى بۇل ما­تە­ريا­لىمىزدى ەلدىڭ باس ونكو­لو­گىنىڭ وسى ويلى پىكىرىمەن ءتۇي­ىندەگەندى ءجون كورەمىز. ءتاۋ­ەل­سىزدىككە تار­تىل­عان تاماشا تار­تۋ دەپ, مىنە, وسىنى ايتىڭىز. تەمىر قۇسايىن, باتىس قازاقستان وبلىسى. سۋرەتتە: ورتالىقتىڭ اشى­لۋ راسىمىنەن كورىنىستەر. سۋرەتتەردى تۇسىرگەن رافحات حالەلوۆ.