مۇباراك تاقتا قانشا وتىرماق؟

ەگيپەتتەگى ەكى اپتاعا سوزىلعان پرەزيدەنت حوسني مۇباراكتىڭ كەتۋىن تالاپ ەتكەن قارسىلىق شەرۋىنىڭ قىزۋى وسى اپتادا باسىلاتىن سياقتى. ويتكەنى, جەكسەنبى كۇنى ەل ۇكىمەتى العاش رەت وپپوزيتسيا وكىلدەرىن كەزدەسۋگە شاقىرىپ, كەلىسسوز جۇرگىزدى. كەلىسسوزدە ۇكىمەت تارابىنا ۆيتسە-پرەزيدەنت ومار سۇلەيمەن باسشىلىق ەتتى. ول وكىمەت پەن وپپوزيتسيا اراسىندا كەلىسىم كوميسسياسىن قۇرىپ, زاڭدىلىقتارعا ەنگىزىلەتىن وزگەرىستەردى ازىرلەۋ تۋرالى كەلىسىمگە قول جەتكىزدى. كەلىسىم كوميسسياسى ءوز جۇمىسىن ناۋرىز ايىندا باستاماق. ءسويتىپ, وتقا ماي قۇيۋشى جاقتار قانشا ۇرلەپ باقسا دا «ەگيپەت رەۆوليۋتسياسى» ءوز شەشىمىن تابۋعا بەت العان سىڭايلى. كۇردەلى كەزدە ەلدى يەسىز تاستاماعان ح.مۇباراكتىڭ ارەكەتىن قازىر بىرجاقتى باعالاۋ دا قيىن. كاتىن وقيعاسى ۇمىتىلمايدى پولشانىڭ قازىرگى پرەزيدەنتى برونيسلاۆ كوموروۆسكي ءساۋىر ايىندا نكۆد قان­ىشەرلەرى جازىقسىز اتىپ ولتىرگەن پولياك وفيتسەرلەرىنىڭ رۋحىنا باس يۋ ءۇشىن سمولەنسك وبلىسىنداعى كاتىنعا بارا­مىن دەپ شەشىپ وتىر. بىلتىر وسى وقيعانىڭ 70 جىلدىعىن اتاپ وتۋگە بارعان پولشا پرەزيدەنتى لەح كاچينسكيدىڭ قايعىلى اپاتقا ۇشىراعانى بەلگىلى. «وفيتسەرلەردىڭ رۋحىنا باس يۋ شاراسى وسى اپاتتىڭ تاساسىندا قالىپ قويدى, ەندى 71 جىلدىعىندا سول ولقىلىقتى تۇزەتۋىمىز كەرەك», دەيدى قازىرگى پرەزيدەنت. نە دەرىن بىلمەي قالعان سىڭايلى جۋىردا وڭتۇستىك كورەيانىڭ سارى تەڭىزدەگى ەنپحوندو ارالىنا جەڭىل كەمەمەن اۋىپ بارعان سولتۇستىككورەيالىق بالىقشىلاردى باق ساياسي باسپانا سۇراۋ ءۇشىن قاشىپ كەلگەندەر دەپ جاريالاپ ۇلگەرگەن-ءتىن. بىراق 31 بالىقشىنىڭ بىردە-ءبىرى ساياسي باسپانا سۇراماق تۇگىل, وزدەرىن ەلدەرىنە تەزىرەك قايتارۋدى ءوتىنىپ وتىر ەكەن. كحدر-ءدى ورىنسىز قارالاۋعا سىلتاۋ تابا الماي جۇرگەندەر بۇل وتىنىشتەن كەيىن نە دەرىن بىلمەي وتىرعان سىڭايلى. ۇشاق ۇرلىعىنىڭ جاڭا ءتۇرى ۆەنەسۋەلادا كولىك ايداپ كەتۋدىڭ جاڭا ءتۇرى شىعىپتى. وسىنداعى سيۋداۋ-بوليۆار قالاسىنداعى اۋەجايدىڭ اۋماعىنا كىرگەن قارۋلى ادامدار ونىڭ انگارىنان ەكى بىردەي جەڭىل موتورلى ۇشاقتى قۋىپ كەتكەن. بەتتەرىنە بەتپەردە جامىلعان ولار الدىمەن كۇزەتشىنى سوققىعا جىققان. سوسىن انگاردا تۇرعان سەssna-U206 ماركالى ەكى جەڭىل ۇشاقتى دالاعا يتەرىپ شىعارىپ, ەكەۋىنە دە وت الدىرىپ, بەلگىسىز جاققا ۇشىپ كەتكەن. بىلەتىن ادامداردىڭ ايتۋىنا قاراعاندا, بۇل ىسكە وسىندا قىزمەت ەتەتىندەردىڭ قاتىسى بار سياقتى. ويتكەنى, ۇرلانعان ءبىر ۇشاقتىڭ اقاۋى بولعان ەكەن, ۇرىلار سوعان قاراماي وعان وت الدىرعان. قىسقا قايىرىپ ايتقاندا: *مەكسيكادا سوڭعى 50 جىلدا بولماعان اياز تۇر. اۋانىڭ تەمپەراتۋراسى مينۋس 18-21 گرادۋسقا جەتكەن, سونىڭ سالدارىنان ەلەكترستانسالارى ىستەن شىققان. ازىرگە 6 ادامنىڭ ءۇسىپ ولگەنى بەلگىلى بولىپ وتىر. *قىرعىزستاندا بيىل تۇماۋدىڭ قارقىنى قاتتى. سوڭعى اپتادا وعان التى مىڭنان ارتىق ادام ۇشىراپ وتىر. ەلدىڭ مەديتسينا ورىندارى قولدارىنان كەلگەنشە جانتالاسىپ ارەكەت ەتۋدە. *ماسكەۋ تۇبىندەگى تەمىر جول ستانسالارىندا كەش­قۇرىم ايەلدەرگە شابۋىل جاساپ, توناۋمەن اينالىس­قاندار ۇستالعان. ولار وزبەكستاننىڭ ەكى ازاماتى بولىپ شىققان. *اتاقتى «سۋدزۋكي» اۆتوزاۋىتىنىڭ 2010 جىلدىڭ اياعىنداعى تازا تابىسى 31 پايىزعا ءوسىپتى. بۇل جەتىستىككە ول ازياعا اۆتوموبيل ساتۋدىڭ ارتۋى ارقاسىندا جەتىپ وتىر ەكەن. ينتەرنەت ماتەريالدارى نەگىزىندە ازىرلەندى.