ءبىر قىزمەتكە ەكى ءتۇرلى باعا
ماسكەۋدىڭ «دومودەدوۆو» اۋەجايىنداعى جارىلىستى جاساعان جانكەشتىلەردى ىزدەستىرۋ شارالارى اياقتالىپ قالدى. باق-تاردىڭ بەيرەسمي دەرەكتەرگە سۇيەنگەن حابارلارىنا قاراعاندا, ونى جاساعان ينگۋشەتيا تۇرعىنى ماگومەد ەۆلوەۆ بولىپ شىقتى.
بىراق بۇل حاباردى رەسمي ورگاندار ءالى قۋاتتاعان جوق. پرەزيدەنت د.مەدۆەدەۆ فەدەرالدىق قاۋىپسىزدىك پەن تەرگەۋ قىزمەتى باسشىلارىمەن بولعان كەزدەسۋدەن كەيىن ولاردىڭ جۇمىستارىنا بىرقاتار سىندار ايتتى. سونىڭ ىشىندە تەرگەۋ تولىق اياقتالماي جاتىپ, قىلمىسكەرلەردىڭ اتتارىن جاريالاۋىن وزدەرىنە پيار جاساۋ دەپ باعالادى. ال پرەمەر-مينيستر ۆ.پۋتين «ورت» تەلەارناسىنىڭ جۋرناليستەرىنە بەرگەن سۇحباتىندا ولاردىڭ جۇمىستارىنا جاقسى باعا بەردى.