2010 جىلعى 27 قاراشا, استانا قالاسى
ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن ءتارتىبىن بەكىتۋ تۋرالى
«ءورت قاۋىپسىزدىگى تۋرالى» قازاقستان رەسپۋبليكاسىنىڭ 1996 جىلعى 22 قاراشاداعى زاڭىنىڭ 25-2-بابىنا سايكەس بۇيىرامىن:
1. قوسا بەرىلىپ وتىرعان ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن ءتارتىبى بەكىتىلسىن.
2. قازاقستان رەسپۋبليكاسى توتەنشە جاعدايلار مينيسترلىگىنىڭ ورتكە قارسى قىزمەت كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
2) مەملەكەتتىك تىركەۋدەن كەيىن ونىڭ رەسمي جاريالانۋىن جانە قازاقستان رەسپۋبليكاسى توتەنشە جاعدايلار مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ توتەنشە جاعدايلار ۆيتسە-ءمينيسترى ج.ا. سمايلوۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى جانە 2011 جىلعى 8 قاڭتاردان باستاپ تۋىنداعان قاتىناستارعا قولدانىلادى.
مينيستر ۆ. بوجكو.
قازاقستان رەسپۋبليكاسى توتەنشە جاعدايلار ءمينيسترىنىڭ 2010 جىلعى «27» قاراشا № 414 بۇيرىعىمەن بەكىتىلگەن
ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن ءتارتىبى
1. وسى ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن ءتارتىبى (بۇدان ءارى – شارتتار) «ءورت قاۋىپسىزدىگى تۋرالى» قازاقستان رەسپۋبليكاسىنىڭ 1996 جىلعى 22 قاراشاداعى زاڭىنا سايكەس ءازىرلەنگەن جانە ءورت قاۋىپسىزدىگى سالاسىنداعى ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن ءتارتىبىن انىقتايدى.
2. وقىتۋ مامانداندىرىلعان وقۋ ۇيىمدارىندا جۇزەگە اسىرىلادى.
3. كۋرستاردا ساباقتار وتكىزۋ ءۇشىن تارتىلاتىن مامانداندىرىلعان وقۋ ورتالىقتارىنىڭ وقىتۋشى قۇرامىندا «ءورت قاۋىپسىزدىگى» ماماندىعى بويىنشا جوعارى ءبىلىمى, مەملەكەتتىك جانە (نەمەسە) مەملەكەتتىك ەمەس ورتكە قارسى قىزمەتتەردە كەمىندە ون جىل جۇمىس ءوتىلى بولۋى قاجەت.
4. جوعارى ءبىلىمى جانە مەملەكەتتىك جانە (نەمەسە) مەملەكەتتىك ەمەس ورتكە قارسى قىزمەتتەردە كەمىندە بەس جىل جۇمىس ءوتىلى بار تۇلعالار كۋرستىڭ تىڭداۋشىلارى بولادى.
5. تۇلعالار ء(وتىنىش يەلەرى) مامانداردى دايارلاۋ جونىندەگى كۋرس تىڭداۋشىلارىنىڭ تىزىمىنە قوسۋ تۋرالى ءوتىنىش ۇسىنادى. ءوتىنىش ەركىن تۇردە بەرىلەدى.
6. تۇلعالار ء(وتىنىش يەلەرى) وتىنىشكە مىناداي قۇجاتتاردى:
1) جەكە باسىن كۋالاندىراتىن قۇجاتتىڭ كوشىرمەسىن;
2) جوعارى ءبىلىم تۋرالى ديپلومنىڭ كوشىرمەسىن;
3) ەڭبەك كىتاپشاسىنىڭ كوشىرمەسىن نەمەسە ەڭبەك ءوتىلىن راستايتىن وزگە قۇجاتتى ۇسىنادى.
7. كۋرس باعدارلاماسىن 1-قوسىمشاعا ساي ۇلگىلىك وقۋ جوسپارىنا سايكەس 72 ساعات كولەمىندە ءورت قاۋىپسىزدىگى سالاسىنداعى ۋاكىلەتتى ورگان بەكىتەدى.
8. كۋرستاردىڭ ساباق كەستەسى وقۋ باستالعانعا دەيىن 10 كۇن بۇرىن كەشىكتىرىلمەي قۇرىلادى جانە ونى مامانداندىرىلعان وقۋ ۇيىمىنىڭ باسشىسى بەكىتەدى.
9. تىڭداۋشىلاردىڭ وقۋ جۇكتەمەسىنىڭ كولەمى اپتاسىنا 36 ساعات ءدارىس وقۋ جۇمىسىنان اسپاۋى قاجەت. تىڭداۋشىلاردىڭ وقۋ جۇكتەمەسىنىڭ جالپى كولەمى ءدارىس جانە دارىستەن تىس (دەربەس) دايىندىقتىڭ بارلىق تۇرلەرىن قوسا العاندا, اپتاسىنا 54 ساعاتتان اسپاۋى قاجەت. تىڭداۋشىلاردىڭ دەربەس دايىندىعى ءۇشىن كۇن سايىن كەمىندە ءۇش ساعات بولىنەدى.
10. اكادەميالىق ساعاتتىڭ ۇزاقتىعى 50 مينۋتتى قۇرايدى.
11. وقۋ توبى 15 ادامنان اسپايتىن سانمەن قۇرىلادى.
12. تىڭداۋشىلاردى وقۋعا قابىلداۋ مامانداندىرىلعان وقۋ ۇيىمى باسشىسىنىڭ بۇيرىعىمەن جۇرگىزىلەدى.
13. تىڭداۋشىلار ساباق بارىسىندا قاعاز (ەلەكتروندى) تاسىعىشتاردا وقۋ-ءادىستەمەلىك ماتەريالىمەن قامتاماسىز ەتىلەدى.
14. قورىتىندى اتتەستاتتاۋدى ەمتيحان كوميسسياسى كەشەندى تەستىلەۋ ەمتيحانى ءتۇرىندە جۇزەگە اسىرادى, ونىڭ قۇرامىن مامانداندىرىلعان وقۋ ۇيىمىنىڭ باسشىسى انىقتايدى. تەستىلەۋ كارتاسىندا كەمىندە 30 سۇراق بولۋى قاجەت.
15. تولىق وقىتۋ كۋرسىنان وتپەگەن تىڭداۋشىلار قورىتىندى اتتەستاتتاۋعا جىبەرىلمەيدى.
16. دۇرىس جاۋاپ كەمىندە 80% بولعاندا تەستىلەۋ سىناعىنىڭ ناتيجەلەرى وڭ دەپ سانالادى. تەستىلەۋ سىناعى ناتيجەلەرىنىڭ دۇرىس جاۋابى 80% كەم تىڭداۋشىلار كەلەسى توپتىڭ قۇرامىندا ءبىر ايدان كەيىن مەرزىمدە قايتا تەستىلەۋدەن وتەدى.
تەستىلەۋ سىناعىنىڭ ناتيجەلەرى حاتتامامەن رەسىمدەلىپ, كوميسسيا مۇشەلەرى قول قويادى جانە تىڭداۋشىلارعا مالىمدەنەدى.
17. قورىتىندى اتتەستاتتاۋدى ويداعىداي تاپسىرعان تۇلعالارعا شارتتاردىڭ 2-قوسىمشاسىنا سايكەس نىسان بويىنشا ءورت قاۋىپسىزدىگى سالاسىنداعى ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان وتكەنى تۋرالى سەرتيفيكات بەرىلەدى.
ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن تارتىبىنە 1-قوسىمشا
نىسان
ساراپتاۋ ۇيىمدارى ءۇشىن مامانداردى ارنايى وقىتۋ كۋرستارىنىڭ ۇلگىلىك وقۋ جوسپارى
№
تاقىرىپ اتاۋى
ونىڭ ىشىندە
بارلىق
ساعات
دارىستەر
پراكتي-
كالىق
ساباقتار
1.
قازاقستان رەسپۋبليكاسىندا ءورت قاۋىپسىزدىگى سالاسىندا قاتەرلەردى تاۋەلسىز باعالاۋ جۇيەسىن قۇقىقتىق
قامتاماسىز ەتۋ.
2
2
-
2.
قازاقستان رەسپۋبليكاسىندا ءورت
قاۋىپسىزدىگى سالاسىندا قاتەرلەردى
تاۋەلسىز باعالاۋ جۇرگىزۋ ەرەجەسى.
2
2
-
3.
ءورت قاتەرى. تەحنيكالىق جۇيەلەردىڭ
سەنىمدىلىگى.
4
2
2
4.
جارىلىس-ءورت جانە ءورت قاۋىپتىلىگى
بويىنشا وندىرىستەردىڭ ساناتتارىن
ەسەپتەۋ ادىستەمەسى.
6
2
4
5.
عيماراتتار, قۇرىلىستار جانە ولاردىڭ ءورت كەزىندەگى توزىمدىلىگى .
6.
ءۇي-جايدا, عيماراتتا ءورت بولعان
كەزدە قاۋىپتى فاكتورلاردىڭ دامۋىن
باعالاۋ جانە بولجاۋ ادىستەرى.
6
4
2
2
4
2
7.
ءورت كەزىندە ادامداردى
عيماراتتاردان قاۋىپسىز
ەۆاكۋاتسيالاۋدى قامتاماسىز ەتۋ.
8
2
6
8.
قورعاۋ وبەكتىسىندە ءورت
قاۋىپسىزدىگىن قامتاماسىز ەتۋ
جونىندەگى ۇيىمداستىرۋشىلىق
شەشىمدەر.
2
2
9.
10.
تۇتىننەن قورعاۋ جۇيەسى.
قورعاۋ وبەكتىسىنىڭ ءورت قاۋىپتىلىگىن
تالداۋ ادىستەمەسى
2
6
2
2
4
11.
وندىرىستىك عيماراتتار ءۇشىن ءورت
قاتەرىن ەسەپتەۋ ادىستەمەسى.
8
2
6
12.
قوعامدىق عيماراتتار ءۇشىن ءورت
قاتەرىن ەسەپتەۋ ادىستەمەسى.
6
2
4
13.
ءورت قاۋىپسىزدىگىن قامتاماسىز ەتۋ
نۇسقالارىنىڭ تيىمدىلىگىن باعالاۋ
ادىستەمەسى.
4
2
2
14.
قولدانبالى كومپيۋتەرلىك
باعدارلامالاردى پايدالانا
وتىرىپ, ءورت قاتەرلەرى شاماسىن
ەسەپتەۋ.
8
2
6
15.
وبەكتىنىڭ ءورت قاۋىپسىزدىگى
نورمالارىنىڭ تالاپتارىنا
سايكەستىگى تۋرالى ساراپتاما
قورىتىندىسىن دايىنداۋ.
2
2
16.
قورىتىندى باقىلاۋ.
2
2
17.
بارلىعى
72
28
44
ساراپتاۋ ۇيىمدارى ءۇشىن مامانداردىڭ ارنايى وقىتۋ كۋرستارىنان ءوتۋ شارتتارى مەن تارتىبىنە 2-قوسىمشا
نىسان
______________________________________________________
(وقۋ ۇيىمىنىڭ اتاۋى)
سەرتيفيكات
№ ______________________
(سەرتيفيكاتتىڭ ءنومىرى)
وسى سەرتيفيكات
______________________________________________________
ت.ا.ءا.)
ءورت قاۋىپسىزدىگى سالاسىنداعى قاتەرلەردى تاۋەلسىز جونىندەگى ساراپتاۋ
(اتاۋى)
ۇيىمدارى ءۇشىن مامانداردى ارنايى وقىتۋ كۋرستارىنان وتكەنىن راستايدى
___________________________ _____________
(وقۋ ۇيىمى باسشىسىنىڭ ت.ا.ءا.) (قولى)
م.و.
________________________
(سەرتيفيكاتتى بەرگەن داتاسى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 5 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6726 بولىپ ەنگىزىلدى.