سەنىمگە سەرپىن

ەلباسى نۇرسۇلتان نازارباەۆ­تىڭ «بولاشاقتىڭ ىرگەسىن بىرگە قا­لاي­مىز» اتتى جولداۋى وبلىستىق اكتيۆ جي­ى­نى­نا ارقاۋ بولدى. وندا ايماق باس­شى­سى سەرىك احمەتوۆ بايانداما جاساپ, بۇل باعدارلامالىق قۇجاتتا ايقىن­دالعان ءبىرىنشى كەزەكتە اتقا­رى­لاتىن ءىس-شارالاردى ورتاعا سالدى. ءسوز ورايىندا ايتىلعانداي, ءوت­كەن جىلى ماشينە جاساۋ, مەتاللۋرگيا سالاسىن جاڭعىرتۋ بويىنشا جۇرگىزىل­گەن ىستەر مەن جوبالار بي­ىل ودان ءارى ورىستەيدى. 74 ميلليارد تەڭگەگە ەسەپتەلگەن 14 جاڭا جوبا ىسكە اسىرىلادى. مۇنىڭ ءوزى ءبىر جاعىنان 2,5 مىڭعا جۋىق ادامنىڭ ەڭبەككە قامتىلۋىنا مۇمكىندىك بەرەتىندىگىمەن ماڭىزدى. ەكونوميكانى ارتاراپتاندىرۋعا باعىتتالعان قارىشتى قادام قاتا­رىنا اۋىل شارۋاشىلىعىن الداعى ون جىلدا دامىتۋدىڭ باعدار­لا­ما­سى جاتادى. ۇلت كوشباسشىسى جول­داۋىندا العا قويىلعانداي, تۇر­عىن­داردىڭ تۇرمىسىن جاقسارتۋ, سو­عان جول اشۋ ءۇشىن كۇش-قابىلەتتى ءتيىمدى جۇمىلدىرۋ باستى نازاردا ۇستالا­تىندىعى اتالدى. جيىندا كوپ جىل­دان وبلىسقا تانىمال ازامات, سوتسياليستىك ەڭبەك ەرى, بۇ­رىنعى شوپان, بۇگىن « باتىر» شارۋا قوجالىعىنىڭ جەتەكشىسى سايلاۋ ءبىلالوۆ الدىمەن ءسوز الىپ, ەلى­مىزدىڭ كوز الدىمىزدا تانىعىسىز ءوز­گە­رۋى قازاقستان پرەزيدەنتى نۇر­سۇل­تان نازارباەۆتىڭ ەرەن ەڭبەگى مەن كورەگەندىك ساياسا­تىنىڭ, دانا­لىق باسشىلىعىنىڭ ارقاسىندا ەكە­نىن جەتكىزدى. وبلىستىق ءماسليحاتتىڭ دەپۋ­تا­تى حاديشا وسپانوۆا, «ساران» شاح­تاسىنىڭ كەنشىسى جۇمامۇرات بەگاليەۆ, قاراعاندى ماشينە جاساۋ زاۋىتىنىڭ ديرەكتورى بولات كەنجين, قالالىق №4 ەمحانانىڭ مەڭ­گەرۋشىسى سالتانات شايداروۆا وي-پىكىرلەرى دە جولداۋدان تۋىن­داي­تىن ماقسات-مىندەتتەرگە توعىستى. ايقىن نەسىپباي, قاراعاندى.