كولىك جانە كوممۋنيكاتسيا مينيسترلىگىندە پرەزيدەنتتىڭ قازاقستان حالقىنا جولداۋىنىڭ نەگىزگى قاعيداتتارىن جۇزەگە اسىرۋ ءجونىندەگى مىندەتتەرگە ارنالعان القا ءماجىلىسى بولىپ ءوتتى.
كولىك جانە كوممۋنيكاتسيا ءمينيسترى ابىلعازى قۇسايىنوۆ بيىلعى جولداۋدا قويىلعان مىندەتتەردىڭ ماڭىزدىلىعىن اتاپ ءوتىپ, كولىك-كوممۋنيكاتسيا كەشەنىندەگى باسىم باعىتتارعا جانە وسى كەزگە دەيىن قول جەتكەن جەتىستىكتەرگە توقتالدى. سوڭعى 20 جىلدىڭ ىشىندە كولىك سالاسىندا جالپى قۇنى 1,5 ترلن. تەڭگەنى قۇرايتىن 57 جوبا ءجۇزەگە اسىرىلۋدا. حالىقارالىق قارجى ينستيتۋتتارىنان 644,95 ملرد. تەڭگە نەمەسە 4,4 ملرد. اقش دوللارى كولەمىندە زايمدار تارتىلدى.
2010 جىلعى قىركۇيەكتە كولىك ينفراقۇرىلىمىن دامىتۋدىڭ 2010-2014 جىلدارعا ارنالعان جاڭا سالالىق باعدارلاماسى قابىلداندى.
باعدارلاما شەڭبەرىندە جالپى قۇنى 2,8 ترلن. تەڭگەنى قۇرايتىن 58 ينفراقۇرىلىمدىق جوبا جۇزەگە اسىرىلاتىن بولادى. ولاردىڭ ءىشىندە ەڭ ماڭىزدىلارى «باتىس ەۋروپا – باتىس قىتاي» حالىقارالىق كولىك ءدالىزى, «قورعاس – جەتىگەن» ءجانە «وزەن – تۇركىمەنستانمەن مەملەكەتتىك شەكارا» تەمىر جول جەلىسى جوبالارى. ەل تاۋەلسىزدىگىنىڭ 20 جىلدىعىنا قاراي 2011 جىلعى جەلتوقساندا اتالعان جوبالاردى پايدالانۋعا بەرۋ جوسپارلانۋدا.
الەۋمەتتىك سالانى جاڭعىرتۋ ءماسەلەسىنە وراي مينيسترلىكتىڭ الدىنا قازىرگى تاڭدا ەرەكشە سۇرانىسقا يە ازاماتتىق اۆياتسيا جانە تەڭىز كولىگى ءۇشىن مامانداردى دايىنداۋ مىندەتى قويىلدى.
ەلىمىزدىڭ دەنساۋلىق ساقتاۋ ءجۇيەسىن جاقسارتۋ جانە مىڭداعان وتانداستارىمىزدىڭ ءومىرىن ساقتاپ قالۋ ماقساتىندا وزەكتى ماسەلەلەردىڭ ءبىرى – كولىكتىك مەديتسينانى دامىتۋ. وسىعان وراي, 2010 جىلى جاڭا الەۋمەتتىك جوبا – «دەنساۋلىق» اتتى ەكى ارنايى مامانداندىرىلعان مەديتسينالىق-دياگنوستيكالىق پويىزدار رەسپۋبليكامىزدىڭ تۇكپىر-تۇكپىرىن ارالادى. بيىل 3 مەديتسينالىق پويىزدى اتتاندىرۋ جوسپارلانۋدا. ۋاقتىلى مەديتسينالىق قىزمەت كورسەتۋدى قامتاماسىز ەتۋ ءۇشىن 16 تىكۇشاقتى جانە اەروموبيلدى گوسپيتالدەردى جۇمىلدىرۋ قاجەت.
جول بويىندا دارىگەرلىك-قۇتقارۋ پۋنكتتەرىن ورنالاستىرۋ كارتاسىن جاساۋ قاجەت. سونىمەن قاتار, ماسەلەنى تۇبەگەيلى شەشۋ ماقساتىندا جول-كولىك اپاتتارى ءجيى بولاتىن جالپى ۇزاقتىعى 2,3 مىڭ كم. اۆتوموبيل جولدارىن 2015 جىلعا قاراي 1-ءشى تەحنيكالىق كاتەگورياعا وتكىزۋ جوسپارلانۋدا.
«ەگەمەن اقپارات».