موڭعوليادا ۇلى حۋرالعا سايلانعان دەپۋتاتتاردىڭ ءبىرى – حالىق ءارتىسى, ءانشى جاۆحالان ساماند پارلامەنت عيماراتىنا اتپەن كەلدى. ول بۇعان دەيىن دەپۋتاتتىق ۇگىت-ناسيحات بارىسىندا اۋىل-ايماقتى وگىز اربامەن ارالاپ, ەلدى تاڭعالدىرعان بولاتىن.
ەندى, مىنە, ول دەپۋتاتتاردىڭ انت بەرۋ راسىمىنە اتپەن كەلىپ, ەلدى تاعى دا دۇرلىكتىرىپ وتىر. سول ءۇشىن ونى كەيبىر ادامدار «ءارتىس دەسە ناعىز حالىق ءارتىس» دەيدى. ال ءانشى بۇعان ەش قىسىلمايدى. كەرىسىنشە, ول اتقا وتىرىپ, اۋىل-ايماقتى وگىز اربامەن ارالاسام, موڭعول ەلىنىڭ ەجەلدەن كەلە جاتقان سالت-ءداستۇرىن ساقتايتىن حالىق قالاۋلىسى ەكەنىمدى كورسەتىپ ءجۇرمىن, دەگەندى ايتادى.
بيىلعى پارلامەنت سايلاۋىندا حالىق ءارتىسى موڭعول حالىقتىق پارتياسى اتىنان سايلاندى. بۇل پارتيا سايلاۋدا جەڭىسكە جەتىپ, 76 ورىننىڭ 63-ءىن يەلەندى.
داستان كەنجالين,
«ەگەمەن قازاقستان»