قازاقستان پرەزيدەنتى نۇرسۇلتان نازارباەۆ بىرىككەن ۇلتتار ۇيىمىنىڭ باس حاتشىسى پان گي مۋنمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
اڭگىمە بارىسىندا بۇۇ باس حاتشىسى ەلباسىن 28 ماۋسىمدا نيۋ-يوركتە وتكەن بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگى سايلاۋىنداعى قازاقستاننىڭ ايقىن جەڭىسىمەن قۇتتىقتادى.
پان گي مۋن داۋىس بەرۋدىڭ ناتيجەسى قازاقستان پرەزيدەنتى جۇرگىزىپ كەلە جاتقان ەلىمىزدىڭ بەلسەندى ءارى سىندارلى سىرتقى ساياساتىنا بەرىلگەن جوعارى باعا ەكەنىن ەرەكشە اتاپ ءوتتى.
مەملەكەت باسشىسى بۇل وقيعا قازاقستاننىڭ عانا ەمەس, بۇعان دەيىن بۇۇ-نىڭ وسىنداي نەگىزگى ورگانىنا وكىلدىك ەتىپ كورمەگەن بۇكىل ورتالىق ازيا ءوڭىرىنىڭ تابىسى ەكەنىن ايتتى.
نۇرسۇلتان نازارباەۆ بۇۇ قاۋىپسىزدىك كەڭەسىنە ەلىمىزدىڭ ءمۇشەلىگىن بۇكىل الەمدىك قوعامداستىق مۇشەلەرى الدىنداعى زور جاۋاپكەرشىلىك رەتىندە قابىلدايتىنىن مالىمدەدى.