كەلەر جىلى استانا قالاسىندا وتەتىن حالىقارالىق «ەكسپو» كورمەسىنە بيلەت ساتۋ قىزۋ قارقىن الدى. باس-اياعى 20 كۇننىڭ ىشىندە بەس مىڭنان اسا بيلەت ساتىلدى. بۇل تۋرالى كەشە «استانا ەكسپو-2017» ۇك» اق باسقارما توراعاسىنىڭ ورىنباسارى ەربول شورمانوۆ ءمالىم ەتتى.
«وزدەرىڭىز بىلەتىندەي, 10 ماۋسىمنان باستاپ كورمەگە ونلاين-بيلەتتەر ساتىلا باستادى. جيىرما كۇن ىشىندە 5204 بيلەت ساتىلسا, ونىڭ 10 پايىزىن شەتەل ازاماتتارى ساتىپ العان», – دەپ حابارلادى ە.شورمانوۆ.
ونىڭ مالىمدەۋىنشە, تۋريستىك اگەنتتىكتەر دە كورمەنىڭ بيلەتتەرىن جاپا-تارماعاي ساتىپ الىپ جاتقان كورىنەدى. «تۋريستىك سالانىڭ سۋبەكتىلەرى زور قىزىعۋشىلىق تانىتىپ وتىر, سول پرومو-كەزەڭ باستالعان 10 ماۋسىمنان بەرى تۋريستىك وپەراتورلار مەن رەسەللەرلەر 200 مىڭنان اسا بيلەت ساتىپ العان», – دەپ حابارلادى ە.شورمانوۆ.
«ەگەمەن-اقپارات»