تاياۋدا ءار توقسان سايىن شىعىپ تۇرۋدى ۇردىسكە اينالدىرا باستاعان «The Astana times» (www.astanatimes.kz) باسىلىمىنىڭ كەزەكتى ءنومىرى جارىق كوردى. باستاماشىسى – سىرتقى ىستەر مينيسترلىگى, ال شىعارۋشىلارى – «كازاحستانسكايا پراۆدا» جانە «ەگەمەن قازاقستان» گازەتتەرىنىڭ جۋرناليستەرى بولىپ تابىلاتىن اپتالىق اعىلشىن تىلىندە ءازىرلەنگەن. كولەمى 16 بەتتىك, ءتۇرلى-ءتۇستى سۋرەتتەرمەن اسەم بەزەندىرىلگەن ونىڭ العاشقى ءنومىرى بىلتىرعى جىلعى 1-2 جەلتوقساندا جارىق كورگەن-ءتىن. ول استانادا وتكەن ەقىۇ سامميتىنە ارنالىپ ەدى. ال مىنا ءنومىر ەلىمىزدە تۇڭعىش رەت ءوتىپ جاتقان ءۇىى قىسقى ازيا ويىندارىنا ارنالىپ وتىر.
مۇندا حالىقارالىق وليمپيادا كوميتەتىنىڭ پرەزيدەنتى جاك روگگەمەن سۇحبات بار. سودان كەيىن استانا جانە الماتى قالالارىنىڭ اكىمدەرى يمانعالي تاسماعامبەتوۆ پەن احمەتجان ەسىموۆتىڭ گازەت تىلشىلەرىمەن اڭگىمەلەرى بەرىلگەن. ازياداعا كەلگەن شەتەلدىك قوناقتار مەن تۋريستەر سونداي-اق وسى اپتالىقتان حالقىمىزدىڭ سالت-داستۇرىنەن حابار بەرەتىن ەتنوگراف س.كەنجەاحمەت ۇلىنىڭ «دالا داستارقانى» ماقالاسىمەن, رەسپۋبليكامىزدىڭ اسەم تابيعاتى تۋرالى ايتىلعان تىلشىلەردىڭ «ءانشى قۇم», «شارىن شاتقالى», «بايقوڭىر» جانە «كەندىرلى» سياقتى كوپتەگەن قىزىقتى ماتەريالدارىمەن تانىسا الادى.
داستان كەنجالين.