قالا جانە اۋداندار اكىمدەرى, وبلىستىق ءماسليحات دەپۋتاتتارى, وبلىستىق باسقارمالار مەن دەپارتامەنتتەر, ۇكىمەتتىك ەمەس ۇيىمدار, ەتنومادەني بىرلەستىكتەر جەتەكشىلەرى سوعىس جانە ەڭبەك ارداگەرلەرى قاتىسقان اكتيۆتە ەلباسى نۇرسۇلتان نازارباەۆتىڭ «بولاشاقتىڭ ىرگەسىن بىرگە قالايمىز» اتتى قازاقستان حالقىنا جولداۋى جانە ودان تۋىندايتىن مىندەتتەر تۋرالى بايانداما جاساعان وبلىس اكىمى ەلەۋسىن ساعىندىقوۆ اڭگىمەسىنىڭ القيسساسىندا وسىنداي وي ءوربىتتى. جولداۋدا ايقىندالعان ءبىرىنشى كەزەكتە اتقارىلاتىن جانە ۇزاق مەرزىمدى باسىم باعىتتاردى جۇزەگە اسىرۋدىڭ جەرگىلىكتى بيلىككە ۇلكەن مىندەتتەر جۇكتەيتىنىن جەتكىزدى. ءوڭىر باسشىسى جينالعانداردىڭ نازارىن تاۋەلسىز قازاقستاننىڭ قول جەتكەن تابىستارى جانە بولاشاقتاعى دامۋ جولدارى ايقىندالعان باعدارلامالىق قۇجاتتىڭ نەگىزگى تۇيىندەرىنە اۋداردى.
– ەلباسىنىڭ بيىلعى جولداۋى بۇرىنعىلاردان وزگەرەك. وندا ەكونوميكالىق دامۋ مەن الەۋمەتتىك ىلگەرىلەۋدىڭ ناقتى جولدارى ايقىن كورىنىس تاپقان. سوندىقتان دا جولداۋ بىردەن حالىقتىڭ كەڭ قولداۋىنا يە بولىپ, جۇرەكتەرگە جىلى جول تارتتى. وبلىس حالقى دا ەل تاۋەلسىزدىگىنىڭ 20 جىلدىعى قارساڭىندا جاريالانعان جولداۋدى قىزۋ قولداۋدا. ەلىمىزدىڭ ەكونوميكالىق وركەندەۋى ءبىزدىڭ ءوڭىردىڭ دامۋىمەن تىعىز بايلانىستى. تەك ءوتكەن جىلى عانا ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا 24 جوبا ىسكە قوسىلدى. بۇل ەلىمىز بويىنشا جۇزەگە اسىرىلعان جوبالاردىڭ 18 پايىزى دەگەن ءسوز. ءبىزدىڭ ءوڭىر شىن مانىندە ەلىمىزدى يندۋستريالاندىرۋدا كوشباسشى بولىپ تابىلادى. ءبىز ەكونوميكالىق دامۋ قارقىنىن باسەڭدەتپەيمىز, 2014 جىلعا دەيىن وبلىستا جۇزگە جۋىق ءىرى كاسىپورىن پايدالانۋعا بەرىلەدى, – دەدى ەلەۋسىن ناۋرىزباي ۇلى.
ءوڭىر باسشىسى اۋدان اكىمدەرىنە اقتوبەلىك اگرارشىلاردىڭ مۇمكىندىگى مەن باي تاجىريبەسىن ەسەپكە الا وتىرىپ, ەتتىك مال شارۋاشىلىعىن دامىتۋدى قاداپ تاپسىردى. ول سونداي-اق ەلباسى العا قويعان ەكونوميكالىق جاڭارتۋدىڭ تۇپكى ماقساتى – ادامداردىڭ ءومىر دەڭگەيىن كوتەرۋ جانە جاڭا جۇمىس ورىندارىن اشۋ ەكەنىن اتاپ ءوتتى
مەملەكەت باسشىسى ءوزىنىڭ جولداۋىندا ادامداردىڭ باقۋاتتى تۇرمىسىن نىعايتۋ ارقىلى ەلىمىزدىڭ تۇراقتى جانە ۇدەمەلى دامۋىن قامتاماسىز ەتەمىز دەۋى دە سوندىقتان, دەپ ءتۇيدى ويىن ءوڭىر باسشىسى. اكتيۆتە وبلىستا تۇرعىن ءۇي-كوممۋنالدىق شارۋاشىلىعىن دامىتۋ, تۇرعىنداردى ساپالى اۋىز سۋمەن قامتاماسىز ەتۋ, ءبىلىم جانە دەنساۋلىق ساقتاۋ سالالارىن جاڭعىرتۋ باعدارلامالارىن جۇزەگە اسىرۋ ءجايى دە اڭگىمە بولدى. ەلەۋسىن نۋرىزباي ۇلى ەل تاۋەلسىزدىگىنىڭ 20 جىلدىعىن مەرەكەلەۋگە دە باسا نازار اۋداردى.
اقتوبەلىكتەر ەلباسى العا قويعان مىندەتتەردىڭ مۇلتىكسىز ورىندالاتىنىنا سەنىم ءبىلدىردى.
ساتىبالدى ءساۋىرباي.
اقتوبە.