[caption id="attachment_48803" align="aligncenter" width="560"] فوتو: vk.com[/caption]
يسلانديا قۇراماسىنىڭ جانكۇيەرى وزگە دە جانكۇيەرلەرمەن بىرگە نيتستسا قالاسىندا ءوتىپ جاتقان انگليا-يسلانديا اراسىنداعى كەزدەسۋگە بارۋ ءۇشىن Boeing 737 ۇشاعىن جالعا الدى.
Mirror باسىلىمى حابارلاعانداي, گرەتار سيگۋردارسون لاينەرگە 140 000 فۋنت ستەرلينگ تولەدى. بۇل جاڭالىقتى ول ءوزىنىڭ facebook الەۋمەتتىك جەلىسىندەگى جەكە پاراقشاسىندا بيلەتتەردى ساتۋ ءۇشىن جاريالاعان ەكەن. اقپارات تاراعان ساتتە-اق بارلىعى ساتىلىپ كەتتى.
ۇشاق بورتىنا باس-اياعى 180 جولاۋشى سيادى. لاينەر ماتچ اياقتالىسىمەن كەرى قايتادى.
inform.kz-ءتىڭ مالىمەتتەرى بويىنشا, بۇگىن ويىن كەزىندە ستاديوندا يسلانديانىڭ 8 مىڭعا جۋىق جانكۇيەرى بولادى.
ايان ءابدۋالي.