الماتى وبلىسىنا قاراستى قاراساي اۋدانىندا جوعالىپ كەتكەن اۋداندىق اۋرۋحانا مەدبيكەسى گۇلنار ەسەناليەۆانىڭ ءولى دەنەسى تابىلدى. 7sunews.kz اقپارىنا قاراعاندا, ول باقىتسىزدىق جاعدايىندا كەزدەيسوق قازا تاپقان.
ىزدەستىرۋشىلەر مەدبيكەنىڭ دەنەسىن قاسكەلەڭ وزەنىنىڭ ارناسىنان تاپقان.
ول 18 ماۋسىم كۇنى مەديتسينا قىزمەتكەرلەرىنىڭ مەرەكەسىنە بايلانىستى وتكىزىلگەن كورپوراتيۆتىك كەشتەن كەيىن جۇمباق جاعدجايدا جوق بولىپ كەتكەن.
پوليتسيا مەدبيكەنىڭ جوعالۋىنا وراي بىرنەشە ۆەرسيانى قاراستىرىپ كوردى. سونىڭ ىشىندە باقىتسىز وقيعا دەگەن بولجام كوبىرەك ويعا الىندى. سول جوعالىپ كەتەتىن كۇنى ارىپتەستەرى وزەن جاعاسىنان ونىڭ سۋمكاسىن تاۋىپ العان. ەرتەسىنە ۇلكەن ۇلى ءبىر تۋفليىنە كەزىككەن.
پوليتسيا قىزمەتكەرلەرى مەن ەرىكتىلەر ونى قاسكەلەڭ وزەنىنىڭ جاعاسىنان ىزدەسە, قۇتقارۋشىلار وزەن ارناسىن قاراعان. ناتيجەسىندە مارقۇمنىڭ دەنەسى ونىڭ سۋعا قۇلاعان جەرىنەن ەكى شاقىرىم تومەن اۋماقتان تاۋىپ العان.
گۇلنار ەسەناليەۆانىڭ سوڭىندا ءبىرى 22-دەگى, ەكىنشىسى 11-دەگى ەكى ۇلى قالدى.
نۇربول الدىباەۆ.