[caption id="attachment_48768" align="aligncenter" width="560"] فوتو: vk.com[/caption]
bbc.com-نىڭ حابارلاۋىنشا, فۋتبولدان ارگەنتينا كومانداسىنىڭ كاپيتانى ليونەل مەسسي ۇلتتىق قۇراماداعى مانسابىن اياقتادى.
«مەن ءۇشىن ۇلتتىق قۇراماداعى مانسابىم اياقتالدى. قولىمنان كەلگەننىڭ ءبارىن جاسادىم. الايدا, چەمپيون اتانا الماعانىمىز جانىما قاتتى باتىپ وتىر», – دەدى 29 جاستاعى «بارسەلونا» فۋتبول كلۋبىنىڭ شابۋىلشىسى. بۇل تۋرالى امەريكا كۋبوگى ءتۋرنيرىنىڭ فينالدىق ويىنىنداعى جەڭىلىسىنەن كەيىن مالىمدەدى.
مەسسي «بارسەلونامەن» بىرگە 8 رەت يسپانيا چەمپيونى اتانىپ, 4 رەت چەمپيوندار ليگاسىندا جەڭىسكە جەتكەن. يسپانيالىق كلۋبتىڭ ساپىندا 531 ويىنعا قاتىسىپ, 453 گول سوققان.
ارگەنتينا قۇراماسىنداعى جالعىز جەتىستىگى – 2008 جىلى وليمپيادا ويىندارىندا التىن مەدالى. ال 2007, 2015, 2016 جىلدارى امەريكا كۋبوگىنىڭ, 2014 جىلى الەم چەمپيوناتىنىڭ فينالىندا ونەر كورسەتىپ, جەڭىلىس تاپقان. سونىمەن بىرگە, 55 گولمەن ۇلتتىق قۇرامانىڭ ۇزدىك سۇرمەرگەنى اتاندى.
«بۇل وسىمەن مەنىڭ ءتورتىنشى فينالىم. جەڭىسكە جەتۋ ءۇشىن بارىمدى سالدىم. بىراق دەگەنىمە جەتە المادىم. سوندىقتان, ءبارىن اياقتاۋ كەرەك دەگەن شەشىمگە كەلدىم», – دەدى بەس دۇركىن «التىن دوپ» يەگەرى.
ايان ءابدۋالي.