[caption id="attachment_48734" align="aligncenter" width="560"] kaztag.kz[/caption]
بۇگىن حالىقارالىق اۋىر اتلەتيكا فەدەراتسياسىنىڭ قازاقستاندىق ءۇش اۋىر اتلەتتى ۇزاق جىلدارعا ديسكۆاليفيكاتسيا جاساعانى بەلگىلى بولدى.
قازتاگ اقپارىنا قاراعاندا, بۇل تىزىمگە الماس وتەشوۆ, جاسۇلان قادىرباەۆ جانە ەرمەك ءومىرتاي كىرگەن. ولار بۇعان دەيىن دوپينگ قولداندى دەگەن ك ۇلىكپەن 2015 جىلى حيۋستوندا وتكەن الەم چەمپيوناتىنان شەتتەتىلگەن ەدى. سول كەزدە بۇل تىزىمدە 17 سپورتشى بولدى.
ەندى فەدەراتسيانىڭ تۇپكىلىكتى شەشىمىمەن ءومىرتاي مەن وتەشوۆ 4 جىلعا جارىستاردان شەتتەتىلسە, بۇعان دەيىن ءبىر رەت ديسكۆاليفيكاتسيا العان قادىرباەۆ 8 جىلعا وسىنداي جازا الدى. ولاردىڭ بارلىعىنىڭ سپورتتىق ناتيجەلەرى جويىلدى.
ەسكە سالا كەتەيىك, بۇعان دەيىن سۆەتلانا پودوبەدوۆا, مايا مانەزۆا, ءزۇلفيا چينشانلو جانە يليا يلين تىيىم سالىنعان پرەپاراتتاردى قولداندى دەپ حابارلانعان ەدى. ولارعا ءازىر ەشقانداي جازا بەلگىلەنگەن جوق.
تالعات رايىمبەك.