سلوۆاكيانىڭ اسىرە وڭشىل پارتياسى ەلدىڭ ەۋرووداقتان شىعۋ جونىندە رەفەرەندۋم وتكىزۋگە قول جينايتىن پەتيتسياسى ىسكە قوسىلدى.
ريا «نوۆوستي» اقپارىنا قاراعاندا, حالىق پارتياسى مۇنى ۇلىبريتانيادا 23 ماۋسىم كۇنى وتكەن رەفەرەندۋمنىڭ قورىتىندىسىنا قاناعاتتانعاندىقتان باستاعان. ەندى رەفەرەندۋم ءجۇرۋى ءۇشىن كەمىندە 350 مىڭ قول جينالۋى ءتيىس. سول كەزدە پەتيتسيانىڭ رەفەرەندۋم وتكىزۋگە كۇشى جەتەدى.
« ۇلىبريتانيا ازاماتتارى بريۋسسەلدىڭ ديكتاتۋراسىنان باس تارتۋعا شەشىم قابىلدادى. سلوۆاكياعا دا ەۋروپانىڭ باتىپ بارا جاتقان «تيتانيگىن» تاستاپ شىعاتىن ۋاقىت كەلدى», - دەلىنگەن پارتيانىڭ مالىمدەمەسىندە.
ماۋسىمنىڭ 25-ءى كۇنى فينليانديادا دا ەلدى ەۋرووداقتان شىعارۋدى ماقسات تۇتاتىن رەفەرەندۋم وتكىزۋ ءۇشىن پەتيتسياعا قول قويۋ شاراسى باستالىپ كەتتى.
ەسكە سالا كەتەيىك, وسىنىڭ الدىندا ۇلىبريتانيادا وتكەن رەفەرەندۋمدا داۋىس بەرۋشىلەردىڭ 51,9 پايىزى ەلدىڭ ەۋرووداق قۇرامىنان شىعۋىن قالاعان ەدى.
تالعات رايىمبەك.