شىمكەنتتە جوعالعان 14 جاسار وقۋشى قىز تابىلدى

فوتو: تۆك

بۇدان بۇرىن شىمكەنت قالاسىندا ليليا احمەتوۆا ەسىمدى 14 جاسار مەكتەپ وقۋشىسىنىڭ كەنەت جوعالىپ كەتكەنىن حابارلاعان ەدىك. ەندى جەرگىلىكتى تۆك تەلەارناسىنىڭ مالىمەتىنشە, سول قىز 22 ماۋسىم كۇنى تابىلعان. بۇل تۋرالى اقپاردى ارنا رەداكتسياسىنا قىزدىڭ اناسى – ناتاليا الىموۆا جەتكىزگەن. ونىڭ تەلەفون ارقىلى ايتۋىنشا, بىرنەشە كۇن بويى پوليتسەيلەر مەن ەرىكتىلەردى دۇرلىكتىرگەن 8-سىنىپ وقۋشىسى سول ۋاقىتتىڭ بارىندە ءبىر تۋىستارىنىڭ ۇيىندە ءجۇرىپتى-ءمىس... بىراق قىزدىڭ ەشكىممەن سويلەسكىسى كەلمەيتىن كورىنەدى. «بۇل وقيعا تۋرالى انىق-قانىعىن كەيىن حابارلايمىز», - دەپ جازادى تەلەارنا ءتىلشىسى. ەسكە سالا كەتەيىك, ماۋسىمنىڭ 15-نە قاراعان ءتۇنى شىمكەنتتەگى چاپاەۆ كەنتىندە ليليا احمەتوۆا ۇيدەن شىعىپ كەتكەننەن قايتاپ ورالماعان. تۋعان-تۋىستارى ليليانى الدىمەن وزدەرى ىزدەيدى. تابىلماعاسىن 17 ماۋسىم كۇنى ءال-فارابي پوليتسيا بولىمىنە كەلىپ حابارلايدى. 36 جاستاعى قالا تۇرعىنىنىڭ ايتۋىنشا, 15 ماۋسىمعا قاراعان ءتۇنى 2002 جىلى تۋعان قىزى ليليا احمەتوۆا قۇربىسىنىڭ ۇيىنە كەتىپ, قايتىپ ورالماعان. ءبىر انىقتالعانى, ءجاسوسپىرىم قىز بۇعان دەيىن دە ۇيىنەن كەتىپ جۇرگەن ەكەن. باقتيار تايجان.