قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ تۋرالى
ەلدىڭ الەۋمەتتىك-ەكونوميكالىق جانە قوعامدىق-ساياسي دامۋىن اقپاراتتىق تۇرعىدان قامتاماسىز ەتۋ ىسىندەگى بۇقارالىق اقپارات قۇرالدارىنىڭ ەلەۋلى ءرولىن ەسكەرە وتىرىپ, قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ ۇسىنىمىن قاراي كەلىپ:
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى بەرىلسىن:
پاتتەەۆ ءشامشيددين اشەنقوجا ۇلىنا – «تۇركىستان» گازەتىنىڭ باس رەداكتورىنا, وتاندىق جۋرناليستيكانىڭ دامۋىنا قوسقان ەلەۋلى شىعارماشىلىق ۇلەسى ءۇشىن;
كۋرياتوۆ ۆلاديمير گەننادەۆيچكە – «كازاحستانسكايا پراۆدا» رەسپۋبليكالىق گازەتىنىڭ ساياسات ءبولىمىنىڭ رەداكتورىنا, ەلدىڭ قوعامدىق-ساياسي ومىرىندەگى وزەكتى ماسەلەلەردى تەرەڭ ءارى جان-جاقتى جاريالاپ, كورسەتكەنى ءۇشىن;
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى تاپسىرىلسىن:
يبرايموۆ مۇحتار سەيتقاسىم ۇلىنا – «حابار» اگەنتتىگى» اكتسيونەرلىك قوعامىنىڭ تىلشىسىنە, الەۋمەتتىك-ەكونوميكالىق جانە قوعامدىق-ساياسي رەفورمالاردى, مەملەكەت باسشىسىنىڭ باستامالارىن جاريالاپ-كورسەتكەنى ءۇشىن;
لياحوۆسكايا ۆەرا اندرەەۆناعا – «سۆوبودا سلوۆا» قوعامدىق-ساياسي اپتالىعىنىڭ تىلشىسىنە, رەسپۋبليكانىڭ الەۋمەتتىك-مادەني ومىرىنە ارنالعان جاريالانىمدارى ءۇشىن;
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى جاريالانسىن:
«دويچە الگەماينە تسايتۋنگ» گازەتى شىعارماشىلىق ۇجىمىنا – قوعامدىق كەلىسىمدى نىعايتۋعا قوسقان ۇلەسى, جالپىۇلتتىق بىرلىكتى قامتاماسىز ەتۋ ءجونىندەگى مەملەكەتتىك ساياساتتىڭ جۇزەگە اسىرىلۋىن جاريالاپ, كورسەتكەنى ءۇشىن;
«سىر مەديا» جاۋاپكەرشىلىگى شەكتەۋلى سەرىكتەستىگىنىڭ شىعارماشىلىق ۇجىمىنا – الەۋمەتتىك-ەكونوميكالىق وزگەرىستەردىڭ ىسكە اسىرىلۋىن, مەملەكەتتىك ءتىل مەن ۇلتتىق مادەنيەتتى دامىتۋدى بەلسەندى تۇردە جاريالاپ, كورسەتكەنى ءۇشىن;
«قازاق راديوسى» راديوستانتسياسىنىڭ شىعارماشىلىق ۇجىمىنا – الەۋمەتتىك-ەكونوميكالىق رەفورمالاردى ىسكە اسىرۋدىڭ بارىسىن, مەملەكەتتىك ءتىلدى جانە ۇلتتىق مادەنيەتتى دامىتۋ ماسەلەلەرىن جان-جاقتى جاريالاپ, كورسەتكەنى ءۇشىن;
«ريكا-تۆ» تەلەكومپانياسى شىعارماشىلىق ۇجىمىنا – وڭىرلىك جۋرناليستيكانى دامىتۋعا قوسقان ەلەۋلى ۇلەسى ءۇشىن.
وسى وكىم بۇقارالىق اقپارات قۇرالدارىندا جاريالانسىن.
قازاقستان رەسپۋبليكاسىنىڭ پرەزيدەنتى ن.نازارباەۆ
استانا, اقوردا, 2016 جىلعى 23 ماۋسىم. № 99