2016 جىلعى 13 قاڭتار,استانا قالاسى
مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى دەربەستەندىرىلگەن
ەسەپكە الۋدى جانە ولاردىڭ الەۋمەتتىك اۋدارىمدارى مەن الەۋمەتتiك تولەمدەرىن جۇرگىزۋ قاعيدالارىن بەكىتۋ تۋرالى
«مىندەتتى الەۋمەتتىك ساقتاندىرۋ تۋرالى» 2003 جىلعى 25 ساۋىردەگى قازاقستان رەسپۋبليكاسى زاڭىنىڭ 11-بابىنىڭ 12-4) تارماقشاسىنا سايكەس بۇيىرامىن:
1. قوسا بەرىلىپ وتىرعان مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى دەربەستەندىرىلگەن ەسەپكە الۋدى جانە ولاردىڭ الەۋمەتتىك اۋدارىمدارى مەن الەۋمەتتiك تولەمدەرىن جۇرگىزۋ قاعيدالارى بەكىتىلسىن.
2. الەۋمەتتىك قامسىزداندىرۋ جانە الەۋمەتتىك ساقتاندىرۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسى نورماتيۆتىك قۇقىقتىق اكتiلەرiنiڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا باسپا جانە ەلەكتروندىق تۇردە جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى س.ق. جاقىپوۆاعا جۇكتەلسىن.
4. وسى بۇيرىق 2016 جىلعى 1 ناۋرىزدان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ
مىندەتىن اتقارۋشى ب. نۇرىمبەتوۆ
«كەلىسىلدى»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى
_____________ ءا. يسەكەشەۆ
2016 جىلعى 20 قاڭتار
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2016 جىلعى 13 قاڭتارداعى №15 بۇيرىعىمەن بەكىتىلگەن
مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى دەربەستەندىرىلگەن ەسەپكە الۋدى جانە ولاردىڭ الەۋمەتتىك اۋدارىمدارى مەن الەۋمەتتiك تولەمدەرىن جۇرگىزۋ قاعيدالارى
1. وسى مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى دەربەستەندىرىلگەن ەسەپكە الۋدى جانە ولاردىڭ الەۋمەتتىك اۋدارىمدارى مەن الەۋمەتتiك تولەمدەرىن جۇرگىزۋ قاعيدالارى (بۇدان ءارى – قاعيدالار) «مىندەتتى الەۋمەتتىك ساقتاندىرۋ تۋرالى» 2005 جىلعى 25 ساۋىردەگى قازاقستان رەسپۋبليكاسى زاڭىنىڭ (بۇدان ءارى – زاڭ) 11-بابىنىڭ 12-4) تارماقشاسىنا سايكەس ازىرلەندى جانە الەۋمەتتىك اۋدارىمدار جۇرگىزىلگەن جانە الەۋمەتتىك تولەمدەر جۇزەگە اسىرىلعان مىندەتتى الەۋمەتتىك ساقتاندىرۋ جۇيەسىنە ءاربىر قاتىسۋشى تۋرالى مالىمەتتەردى دەربەستەندىرىلگەن ەسەپكە الۋدى جۇرگىزۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) «ازاماتتارعا ارنالعان ۇكىمەت» مەملەكەتتىك كورپوراتسياسى (بۇدان ءارى – مەملەكەتتىك كورپوراتسيا) – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ, «ءبىر تەرەزە» قاعيداتى بويىنشا مەملەكەتتىك قىزمەتتەر كورسەتۋگە وتىنىشتەر قابىلداۋ جانە كورسەتىلەتىن قىزمەتتى الۋشىعا ولاردىڭ ناتيجەلەرىن بەرۋ جونىندەگى جۇمىستاردى ۇيىمداستىرۋ, سونداي-اق ەلەكتروندىق نىساندا مەملەكەتتىك قىزمەتتەر كورسەتۋدى قامتاماسىز ەتۋ ءۇشىن قازاقستان رەسپۋبليكاسى ۇكiمەتiنiڭ شەشiمi بويىنشا قۇرىلعان زاڭدى تۇلعا;
2) الەۋمەتتiك اۋدارىمدار – ءوزi ءۇشiن الەۋمەتتiك اۋدارىمدار جۇرگiزiلگەن مiندەتتi الەۋمەتتiك ساقتاندىرۋ جۇيەسiنە قاتىسۋشىعا, ال اسىراۋشىسىنان ايىرىلعان جاعدايدا ونىڭ اسىراۋىندا بولعان وتباسى مۇشەلەرiنە قازاقستان رەسپۋبليكاسىنىڭ مىندەتتى الەۋمەتتىك ساقتاندىرۋ تۋرالى زاڭناماسىنا سايكەس الەۋمەتتiك تولەمدەر الۋ قۇقىعىن بەرەتiن, مەملەكەتتiك الەۋمەتتiك ساقتاندىرۋ قورىنا تولەنەتiن, زاڭدا بەلگiلەنگەن مiندەتتi تولەمدەر;
3) الەۋمەتتىك اۋدارىمدار جۇرگىزىلگەن مىندەتتى الەۋمەتتىك ساقتاندىرۋ جۇيەسىنە قاتىسۋشى – الەۋمەتتىك اۋدارىمدار تولەنەتىن جانە زاڭدا كوزدەلگەن الەۋمەتتىك قاتەر جاعدايلارى باستالعان كەزدە الەۋمەتتىك تولەمدەردى الۋعا قۇقىعى بار جەكە تۇلعا;
4) الەۋمەتتiك تولەمدەر – الەۋمەتتىك تولەمدەردى الۋشىنىڭ پايداسىنا مەملەكەتتىك الەۋمەتتىك ساقتاندىرۋ قورى جۇزەگە اسىراتىن تولەمدەر;
5) الەۋمەتتiك تولەمدi الۋشى – الەۋمەتتىك قاتەر تونگەنگە دەيىن قورعا ول ءۇشىن الەۋمەتتiك اۋدارىمدار جۇرگiزiلگەن نە ءوزىن-ءوزى جۇمىسپەن قامتىعان ادام رەتىندە ولاردى ءوزi تولەگەن جانە قور وعان قاتىستى الەۋمەتتiك تولەمدەر تاعايىنداۋ تۋرالى شەشiم شىعارعان جەكە تۇلعا, ال مiندەتتi الەۋمەتتiك ساقتاندىرۋ جۇيەسiنiڭ ءوزi ءۇشiن الەۋمەتتiك اۋدارىمدار جۇرگiزiلگەن قاتىسۋشىسى بولىپ تابىلاتىن ادام قايتىس بولعان جاعدايدا – قايتىس بولعان (coت حابار-وشارسىز كەتتi دەپ تانىعان نەمەسە قايتىس بولدى دەپ جاريالاعان) اسىراۋشىنىڭ اسىراۋىندا بولعان وتباسى مۇشەلەرi;
6) دەربەستەندىرىلگەن ەسەپكە الۋ – الەۋمەتتىك اۋدارىمدار جۇرگىزىلگەن جانە الەۋمەتتىك تولەمدەر جۇزەگە اسىرىلعان مىندەتتى الەۋمەتتىك ساقتاندىرۋ جۇيەسىنە ءاربىر قاتىسۋشى تۋرالى مالىمەتتەردى ەسەپكە الۋدى ۇيىمداستىرۋ جانە جۇرگىزۋ;
7) دەرەكقور – مىندەتتى الەۋمەتتىك ساقتاندىرۋ جۇيەسىنىڭ ءاربىر قاتىسۋشىسى (الۋشى) بويىنشا دەرەكتەردى قامتيتىن ۋاكىلەتتى ورگاننىڭ اقپاراتتىق جۇيەسى;
8) مەملەكەتتىك الەۋمەتتىك ساقتاندىرۋ قورى (بۇدان ءارى – قور) – الەۋمەتتىك اۋدارىمداردى شوعىرلاندىرۋدى جانە مىندەتتى الەۋمەتتىك ساقتاندىرۋ جۇيەسىنە قاتىسۋشى بولعان اسىراۋشىسىنان ايىرىلعان جاعدايدا, ونىڭ اسىراۋىنداعى وتباسى مۇشەلەرىن قوسا العاندا, وعان قاتىستى الەۋمەتتىك قاتەر جاعدايى باستالعان مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تولەمدەر تاعايىنداۋدى جانە جۇزەگە اسىرۋدى جۇرگىزەتىن زاڭدى تۇلعا;
9) ۋاكىلەتتى ورگان – قوردىڭ قىزمەتىنە رەتتەۋ, باقىلاۋ جانە قاداعالاۋ فۋنكتسيالارىن جۇزەگە اسىراتىن مەملەكەتتىك ورگان.
3. مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى, الەۋمەتتىك اۋدارىمداردى (ونىڭ ىشىندە قاتە اۋدارىلعان الەۋمەتتىك اۋدارىمداردى قايتارۋ) جانە الەۋمەتتىك تولەمدەردى دەربەستەندىرىلگەن ەسەپكە الۋدى مەملەكەتتىك كورپوراتسيا تۇراقتى تۇردە جۇزەگە اسىرادى.
4. الەۋمەتتىك اۋدارىمدار جۇرگىزىلگەن مىندەتتى الەۋمەتتىك ساقتاندىرۋ جۇيەسىنە قاتىسۋشىلاردى دەربەستەندىرىلگەن ەسەپكە الۋ مىناداي:
1) جەكە سايكەستەندىرۋ ءنومىرى (بۇدان ءارى – جسن);
2) تەگى, اتى, اكەسىنىڭ اتى (بار بولسا);
3) تۋعان كۇنى;
4) جىنىسى;
5) تۇرعىلىقتى مەكەنجايى;
6) جەكە باسىن كۋالاندىراتىن قۇجاتتىڭ سەرياسى جانە ءنومىرى, قۇجاتتىڭ بەرىلگەن كۇنى جانە بەرگەن ورگاننىڭ اتاۋى;
7) جەكە باسىن كۋالاندىراتىن قۇجاتتىڭ ءنومىرى جانە بەرىلگەن كۇنى, ازاماتتىعى وزگەرگەنى تۋرالى, ازاماتتىعىن وزگەرتۋ تۋرالى مالىمەتتەردى قامتيدى.
بۇدان باسقا, كەلىپ تۇسكەن كۇنىن, جىبەرىلگەن كۇنىن, قۇجاتتىڭ ءنومىرىن, كۇنىن, تولەم تاعايىنداۋ كودىن (بۇدان ءارى – تتك), جىبەرۋشىنىڭ اتاۋىن, جىبەرۋشىنىڭ جسن/بسن (بيزنەس سايكەستەندىرۋ ءنومىرى), الۋشىنىڭ اتاۋىن, تولەمنىڭ جالپى سوماسىن, الەۋمەتتىك اۋدارىمداردىڭ سوماسىن, مارتەبەسىن, الەۋمەتتىك اۋدارىمدار جۇرگىزىلەتىن كەزەڭدى (جىلى, ايى, ايلار) كورسەتە وتىرىپ, اۋدارىلعان الەۋمەتتىك اۋدارىمداردىڭ جانە (نەمەسە) ءوسىمپۇلداردىڭ سومالارى تۋرالى, سونداي-اق نورماتيۆتىك قۇقىقتىق اكتىلەردە بەلگىلەنگەن تارتىپپەن قاتە اۋدارىلعان الەۋمەتتىك اۋدارىمداردى جانە (نەمەسە) ءوسىمپۇلداردى قايتارۋ تۋرالى مالىمەتتەردى قامتيدى.
5. الەۋمەتتىك تولەمدەردى الۋشىلاردى ەسەپكە الۋ دەرەكقوردا ەسەپتە تۇرعان الەۋمەتتىك تولەمدەر تاعايىندالعان الۋشىلاردىڭ جالپى سانى بويىنشا جۇرگىزىلەدى. سونداي-اق الەۋمەتتىك تولەمدەر تاعايىندالعان, بىراق تولەنبەيتىن (توقتاتىلا تۇرعان, مەرزىمى بويىنشا ەسەپتەن الىنعان, بىراق تولەمدەردى ۇزارتۋ تۋرالى شەشىمدەرى جوق) الەۋمەتتىك تولەمدەردى الۋشىلار ەسەپكە الىنۋعا ءتيىس.
6. الەۋمەتتىك تولەمدەردى الۋشىلاردى ەسەپكە الۋ مىناداي:
1) جۇگىنگەن كۇن;
2) الەۋمەتتىك قاتەر باستالعان كۇن;
3) الەۋمەتتىك تولەم تاعايىنداۋ تۋرالى شەشىمنىڭ كۇنى;
4) الەۋمەتتىك تولەمنىڭ مەرزىمى اياقتالعان كۇن;
5) مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى تۋرالى;
6) الەۋمەتتىك اۋدارىمدار جۇرگىزىلگەن تابىستىڭ ورتاشا ايلىق مولشەرى;
7) الەۋمەتتىك تولەمنىڭ ءتۇرى تۋرالى;
8) ەڭبەك ەتۋ قابىلەتىنەن ايىرىلۋ دارەجەسى تۋرالى;
9) اسىراۋىنداعى ادامداردىڭ سانى تۋرالى;
10) جۇمىسسىز رەتىندە ەسەپكە الۋعا قويۋ تۋرالى;
11) ەڭبەك ەتۋگە قابىلەتسىز كۇندەردىڭ سانى تۋرالى;
12) بالا تۋ كەزەكتىلىگى تۋرالى;
13) تاعايىندالعان الەۋمەتتىك تولەمنىڭ مولشەرى تۋرالى;
14) جۇمىسىنان ايىرىلعان جاعدايدا تولەنەتىن الەۋمەتتىك تولەم تاعايىندالعان مەرزىم تۋرالى دەرەكتەردى قامتيدى.
7. مەملەكەتتىك كورپوراتسيا:
دەرەكقورعا مالىمەتتەردى جانە وزگەرىستەردى ۋاقتىلى ەنگىزەدى;
كەلىپ تۇسكەن الەۋمەتتىك اۋدارىمداردىڭ جانە (نەمەسە) ءوسىمپۇلداردىڭ سومالارى تۋرالى (ونىڭ ىشىندە قاتە اۋدارىلعان الەۋمەتتىك اۋدارىمداردى قايتارۋ تۋرالى), الۋشىلارعا جۇزەگە اسىرىلعان الەۋمەتتىك تولەمدەر تۋرالى مالىمەتتەردى دەربەستەندىرىلگەن ەسەپكە الۋدى قامتاماسىز ەتەدى;
دەربەس دەرەكتەر جانە ولاردى قورعاۋ تۋرالى قازاقستان رەسپۋبليكاسى زاڭناماسىنىڭ تالاپتارىنا سايكەس دەرەكقوردا قامتىلعان مالىمەتتەردىڭ قۇپيالىلىعىن قامتاماسىز ەتەدى;
اي سايىن, زاڭنىڭ 11-بابىنىڭ 2) تاراقشاسىندا بەلگىلەنگەن تارتىپپەن ۋاكىلەتتى ورگانعا مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى (الۋشىلار), الەۋمەتتىك اۋدارىمدار مەن الەۋمەتتىك تولەمدەر تۋرالى اقپاراتتى ۇسىنادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 17 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13094 بولىپ ەنگىزىلدى.