2015 جىلعى 25 جەلتوقسان, استانا قالاسى
ەڭبەك تورەلىگى تۋرالى ۇلگىلىك ەرەجەنى بەكىتۋ تۋرالى
قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 16-بابىنىڭ 21) تارماقشاسىنا سايكەس بۇيىرامىن:
1. قوسا بەرىلىپ وتىرعان ەڭبەك تورەلىگى تۋرالى ۇلگىلىك ەرەجە بەكiتiلسiن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-مينيسترi ب.ب.نۇرىمبەتوۆقا جۇكتەلسiن.
4. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتiك دامۋ مينيسترiنiڭ
2015 جىلعى 25 جەلتوقسانداعى №1018 بۇيرىعىمەن بەكىتىلگەن
ەڭبەك تورەلىگى تۋرالى ۇلگىلىك ەرەجە
1. جالپى ەرەجەلەر
1. ەڭبەك تورەلىگى ۋاقىتشا جۇمىس ىستەيتىن تاتۋلاستىرۋ كوميسسياسىندا كەلىسىمگە كەلمەگەن كەزدە ەڭبەك داۋىن شەشۋ ءۇشىن ۋاكىلەتتى ادامداردى تارتا وتىرىپ ۇجىمدىق ەڭبەك داۋىنىڭ تاراپتارى قۇراتىن ورگان.
2. ەڭبەك تورەلىگى ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسى پرەزيدەنتىنىڭ اكتىلەرىن, قازاقستان رەسپۋبليكاسىنىڭ ەڭبەك كودەكسىن, قازاقستان رەسپۋبليكاسىنىڭ زاڭدارىن جانە وزگە دە نورماتيۆتىك قۇقىقتىق اكتىلەرىن باسشىلىققا الادى.
2. ەڭبەك تورەلىگىنىڭ مىندەتتەرى مەن فۋنكتسيالارى
3. ەڭبەك تورەلىگىنىڭ مىندەتتەرى:
ۇجىمدىق ەڭبەك داۋىن سوتقا دەيىن رەتتەۋ;
ۇجىمدىق ەڭبەك داۋىن قاراۋ كەزىندە قىزمەتكەرلەر جانە جۇمىس بەرۋشىلەردىڭ ەڭبەك قۇقىقتارىنىڭ جانە زاڭدى مۇددەلەرىنىڭ قورعالۋىن قامتاماسىز ەتۋ بولىپ تابىلادى.
4. ەڭبەك تورەلىگى وزىنە جۇكتەلگەن نەگىزگى مىندەتتەرگە سايكەس مىناداي فۋنكتسيالاردى ورىندايدى:
ەگەر ونىڭ الدىندا ۇجىمدىق ەڭبەك داۋى تاتۋلاستىرۋ كوميسسياسىندا رەتتەلمەگەن بولسا, ۇجىمدىق ەڭبەك داۋىن ونىڭ ءمانى بويىنشا قارايدى;
مەملەكەتتىك ورگاندارمەن ءوزارا ءىس-قيمىل جاسايدى;
ۇجىمدىق ەڭبەك داۋىنىڭ تاراپتارىنا ۇجىمدىق ەڭبەك داۋىنىڭ تۋىنداۋ سەبەپتەرى مەن جاعدايلارىن جويۋ جونىندە ۇسىنىستار ەنگىزەدى;
ءوز قۇزىرەتى شەگىندە قارالاتىن ۇجىمدىق ەڭبەك داۋى بويىنشا تاراپتار ءۇشىن مىندەتتى شەشىمدەر قابىلدايدى.
3. ەڭبەك تورەلىگىن قۇرۋ ءتارتىبى
5. ەڭبەك تورەلىگىن ۇجىمدىق ەڭبەك داۋىنىڭ تاراپتارى تاتۋلاستىرۋ كوميسسياسىنىڭ جۇمىسى توقتاتىلعان كۇننەن باستاپ بەس جۇمىس كۇنى ىشىندە قۇرادى.
6. ەڭبەك تورەلىگى مۇشەلەرىنىڭ سانى, ونىڭ دەربەس قۇرامى, ەڭبەك داۋىن قاراۋ ءتارتىبى تەپە-تەڭدىك نەگىزدە تاراپتاردىڭ كەلىسىمىمەن ايقىندالادى.
ەڭبەك تورەلىگى كەمىندە بەس ادامنان تۇرادى.
ەڭبەك تورەلىگىنىڭ قۇرامىنا مەملەكەتتىك ەڭبەك ينسپەكتورى, ۇجىمدىق ەڭبەك داۋلارىنىڭ الدىن الۋ جانە ولاردى شەشۋ ءۇشىن ەڭبەك تورەلىگى جونىندەگى كەڭەستىڭ وكىلى, ال قاجەت بولعان كەزدە ماماندار, ساراپشىلار قوسىلادى.
قىزمەتكەرلەردىڭ قازاقستان رەسپۋبليكاسىنىڭ ەڭبەك زاڭناماسىن قولدانۋ ماسەلەلەرى بويىنشا تالاپتارىن قاراۋ كەزىندە تاتۋلاستىرۋ كوميسسياسىنىڭ مۇشەلەرى ەڭبەك تورەلىگىنىڭ قۇرامىنا كىرمەيدى.
7. ەڭبەك تورەلىگىن تورەلىك مۇشەلەرىنىڭ قاتارىنان سايلاعان توراعا باسقارادى.
8. ەڭبەك تورەلىگى تۋرالى ەرەجە ۇجىمدىق ەڭبەك داۋى تاراپتارىنىڭ كەلىسىمىمەن بەكىتىلەدى.
4. ۇجىمدىق ەڭبەك داۋىن قاراۋ ءراسىمى
9. ۇجىمدىق ەڭبەك داۋىن قاراۋ ءراسىمىن (نىسان, شەشىمنىڭ مازمۇنى, ۇجىمدىق ەڭبەك داۋىن قاراۋدى توقتاتا تۇرۋ مۇمكىندىگى, ۇجىمدىق ەڭبەك داۋىنىڭ تاراپتارىنا جانە الەۋمەتتىك ارىپتەستىك ورگاندارىنا شەشىمدى تاپسىرۋ, وتىرىستاردى شاقىرۋدى جانە وتكىزۋدى ۇيىمداستىرۋ) ەڭبەك تورەلىگى ايقىندايدى جانە ول ۇجىمدىق ەڭبەك داۋى تاراپتارىنىڭ نازارىنا جەتكىزىلەدى.
10. ۇجىمدىق ەڭبەك داۋىن ەڭبەك تورەلىگى ۇجىمدىق ەڭبەك داۋى تاراپتارى وكىلدەرىنىڭ مىندەتتى تۇردە قاتىسۋىمەن, ال قاجەت بولعاندا باسقا دا مۇددەلى ادامدار وكىلدەرىنىڭ قاتىسۋىمەن قارايدى.
11. ەڭبەك تورەلىگى ءوز قۇزىرەتى شەگىندە:
ۇجىمدىق ەڭبەك داۋى تاراپتارىنان وسى داۋدى قاراۋعا قاجەتتى اقپاراتتى الادى;
ەڭبەك تورەلىگى پروتسەسىنە قاتىسۋ ءۇشىن لاۋازىمدى ادامداردى جانە ۇيىمداردىڭ باسقا دا قىزمەتكەرلەرىن, ال قاجەت بولعان جاعدايدا ساراپشىلاردى جانە كونسۋلتانتتاردى شاقىرادى;
ۇجىمدىق شارتتاردا, كەلىسىمدەردە قامتىلعان نورمالارعا قۇقىقتىق باعا بەرەدى.
12. ەڭبەك تورەلىگىنىڭ شەشىمى ول قۇرىلعان كۇننەن باستاپ جەتى جۇمىس كۇننەن كەشىكتىرىلمەي تورەلىك مۇشەلەرىنىڭ قاراپايىم كوپشىلىك داۋىسىمەن قابىلدانادى.
ەڭبەك تورەلىگىنىڭ ءبىر نەمەسە بىرنەشە مۇشەسى دالەلدى سەبەپتەرمەن بولماعان كەزدە داۋىس بەرۋ قۇقىعىن بەرۋگە, سول سياقتى باسقا ادامدار ءۇشىن ۇجىمدىق ەڭبەك داۋى تاراپتارى اكتىلەرىنىڭ نەگىزىندە داۋىس بەرۋگە جول بەرىلەدى.
ەڭبەك تورەلىگى مۇشەلەرىنىڭ داۋىستارى تەڭ بولىنگەن كەزدە توراعانىڭ داۋىسى شەشۋشى بولىپ تابىلادى. دالەلدى شەشىم جازباشا نىساندا جازىلادى جانە وعان تورەلىك مۇشەلەرىنىڭ بارلىعى قول قويادى.
13. ەڭبەك تورەلىگىنىڭ شەشىمى ۇجىمدىق ەڭبەك داۋى تاراپتارىنىڭ ورىنداۋى ءۇشىن مىندەتتى بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12634 بولىپ ەنگىزىلدى.