قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا تولىقتىرۋلار مەن وزگەرىستەر ەنگىزۋ تۋرالى
1-باپ. قازاقستان رەسپۋبليكاسىنىڭ مىنا كونستيتۋتسيالىق زاڭدارىنا تولىقتىرۋلار مەن وزگەرىستەر ەنگىزىلسىن:
1. «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 17-18, 114-قۇجات; قازاقستان رەسپۋبليكاسى پارلامەنتىنىڭ جارشىسى, 1997 ج., № 12, 192-قۇجات; 1998 ج., № 7-8, 71-قۇجات; № 22, 290-قۇجات; 1999 ج., № 10, 340-قۇجات; № 15, 593-قۇجات; 2004 ج., № 7, 45-قۇجات; 2005 ج., № 7-8, 17-قۇجات; 2006 ج., № 23, 138-قۇجات; 2007 ج., № 12, 85-قۇجات; 2009 ج., № 2-3, 5-قۇجات; 2010 ج., № 11, 55-قۇجات):
1) مىناداي مازمۇنداعى 51-1-باپپەن تولىقتىرىلسىن:
«51-1-باپ. رەسپۋبليكا پرەزيدەنتىنىڭ كەزەكتەن تىس سايلاۋى
1. پرەزيدەنتتىڭ كەزەكتەن تىس سايلاۋى رەسپۋبليكا پرەزيدەنتىنىڭ شەشىمىمەن تاعايىندالادى جانە تاعايىندالعان كۇنىنەن باستاپ ەكى اي ىشىندە وتكىزىلەدى.
2. كەزەكتەن تىس سايلاۋدان كەيىنگى پرەزيدەنتتىڭ كەزەكتى سايلاۋى بەس جىل وتكەن سوڭ وسى كونستيتۋتسيالىق زاڭدا بەلگىلەنگەن مەرزىمدە جاريالانادى.»;
2) مىناداي مازمۇنداعى 66-1-باپپەن تولىقتىرىلسىن:
«66-1-باپ. رەسپۋبليكا پرەزيدەنتىنىڭ كەزەكتەن تىس سايلاۋىن وتكىزۋ
پرەزيدەنتتىڭ كەزەكتەن تىس سايلاۋى وسى كونستيتۋتسيالىق زاڭدا پرەزيدەنتتىڭ كەزەكتى سايلاۋى ءۇشىن بەلگىلەنگەن قاعيدالارعا سايكەس وتكىزىلەدى. سايلاۋ ءىس-شارالارىن وتكىزۋ مەرزىمىن ورتالىق سايلاۋ كوميسسياسى ايقىندايدى.».
2. «قازاقستان رەسپۋبليكاسىنىڭ پرەزيدەنتى تۋرالى» 1995 جىلعى 26 جەلتوقسانداعى قازاقستان رەسپۋبليكاسىنىڭ كونستيتۋتسيالىق زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 24, 172-قۇجات; قازاقستان رەسپۋبليكاسى پارلامەنتىنىڭ جارشىسى, 1999 ج., № 10, 343-قۇجات; 2006 ج., № 23, 137-قۇجات; 2007 ج., № 12, 82-قۇجات; 2010 ج., № 11, 55-قۇجات):
1) 3-باپتىڭ 2-تارماعى مىناداي رەداكتسيادا جازىلسىن:
«2. انت بەرۋ قاڭتاردىڭ ەكىنشى سارسەنبىسىندە وتكىزىلەدى.
پرەزيدەنت كەزەكتەن تىس سايلاۋدا سايلانعان جاعدايدا نە كونستيتۋتسيانىڭ 48-بابىندا كوزدەلگەن جاعدايدا پرەزيدەنت وكىلەتتىگىن قابىلداعاندا, انت بەرۋ پرەزيدەنتتىك سايلاۋ قورىتىندىسى جاريالانعان نە رەسپۋبليكا پرەزيدەنتىنىڭ وكىلەتتىگىن قابىلداعان كۇننەن باستاپ ءبىر اي ىشىندە وتكىزىلەدى. بۇل جاعدايلاردا انت بەرۋ كۇنىن رەسپۋبليكانىڭ ورتالىق سايلاۋ كوميسسياسى ايقىندايدى.
انت بەرۋ سالتاناتتى جاعدايدا پارلامەنت دەپۋتاتتارىنىڭ, كونستيتۋتسيالىق كەڭەس مۇشەلەرىنىڭ, جوعارعى سوت سۋديالارىنىڭ, سونداي-اق رەسپۋبليكانىڭ بارلىق بۇرىنعى پرەزيدەنتتەرىنىڭ قاتىسۋىمەن وتكىزىلەدى.»;
2) 4-باپتا:
1-تارماقتىڭ ەكىنشى بولىگى الىپ تاستالسىن;
مىناداي مازمۇنداعى 1-1-تارماقپەن تولىقتىرىلسىن:
«1-1. كەزەكتەن تىس سايلاۋدا سايلانعان رەسپۋبليكا پرەزيدەنتىنىڭ وكىلەتتىگى كەزەكتەن تىس سايلاۋدان كەيىن بەس جىلدان سوڭ جەلتوقساننىڭ ءبىرىنشى جەكسەنبىسىندە وتكىزىلۋگە ءتيىس كەزەكتى سايلاۋدا سايلانعان رەسپۋبليكا پرەزيدەنتى لاۋازىمىنا كىرىسكەنگە دەيىن جۇزەگە اسىرىلادى.».
2-باپ. وسى كونستيتۋتسيالىق زاڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ
استانا, اقوردا, 3 اقپان, 2011 جىل
№ 404- ءىV-قرز