2010 جىلعى 30 شىلدە, استانا قالاسى.
“كرەديتتىك وقىتۋ تەحنولوگياسى بويىنشا وقۋ ۇدەرىسىن ۇيىمداستىرۋدىڭ ەرەجەسىن بەكىتۋ تۋرالى” قازاقستان رەسپۋبليكاسى ءبىلىم جانە عىلىم ءمينيسترى مىندەتىن اتقارۋشىنىڭ 2007 جىلعى 22 قاراشاداعى № 566 بۇيرىعىنا وزگەرىستەر مەن تولىقتىرۋلار ەنگىزۋ تۋرالى”
ء“بىلىم تۋرالى” قازاقستان رەسپۋبليكاسى زاڭىنىڭ 5-بابىنىڭ 25) تارماقشاسىنا سايكەس بۇيىرامىن:
1.“كرەديتتىك وقىتۋ تەحنولوگياسى بويىنشا وقۋ ۇدەرىسىن ۇيىمداستىرۋدىڭ ەرەجەسىن بەكىتۋ تۋرالى” قازاقستان رەسپۋبليكاسى ءبىلىم جانە عىلىم ءمينيسترى مىندەتىن اتقارۋشىنىڭ 2007 جىلعى 22 قاراشاداعى № 566 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5043 تىركەلگەن جانە “زاڭ گازەتىنىڭ” 2008 جىلعى 25 قانتارداعى № 12 (1238) سانىندا جاريالانعان)) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن كرەديتتىك وقىتۋ تەحنولوگياسى بويىنشا وقۋ ۇدەرىسىن ۇيىمداستىرۋ ەرەجەسىندە:
6 - تارماقتا:
3) تارماقشادا “قورىتىندى اتتەستاتتاۋدىڭ” دەگەن سوزدەر “ارالىق اتتەستاتتاۋ” دەگەن سوزدەرمەن اۋىستىرىلسىن;
8) تارماقشادا ء“تيىستى ءبىلىم دەڭگەيىندەگى” دەگەن سوزدەر الىنىپ تاستالسىن;
9) تارماقشادا “ارالىق اتتەستاتتاۋدى وتكىزۋدىڭ نىساندارى ءبىلىم الۋشىلاردىڭ ءبىلىمىن ءمودۋلدى-رەيتينگتىك تەكسەرۋ جانە ەمتيحان بولىپ تابىلادى: جازباشا, تەستىلەۋ, اۋىزشا, بىرىكتىرىلگەن” دەگەن سوزدەر الىنىپ تاستالسىن;
11) تارماقشا مىناداي رەداكتسيادا جازىلسىن:
“11) ءبىلىم الۋشىلاردىڭ وقۋ جەتىستىكتەرىن باقىلاۋ (ول اعىمدىق, رۋبەجدىك جانە قورىتىندى) – جوعارى وقۋ ورنى ءوزى ايقىندايتىن باقىلاۋدىڭ ءارتۇرلى نىسانىمەن جانە اتتەستاتتاۋمەن ءبىلىم الۋشىلاردىڭ وقۋ جەتىستىكتەرىن تەكسەرۋ;”;
23) تارماقشا مىناداي رەداكتسيادا جازىلسىن:
“23) ءبىلىم الۋشىلاردىڭ ۇلگەرىمىنە اعىمدىق باقىلاۋ – اكادەميالىق كەزەڭ ىشىندە, كەستەگە سايكەس وقىتۋشىلار وتكىزەتىن اۋديتوريالىق جانە اۋديتوريالاردان تىس ساباقتاردا ستۋدەنتتەردىڭ ءبىلىمىن كاسىپتىك وقۋ باعدارلاماسىنا سايكەس جۇيەلى تۇردە تەكسەرۋ;”;
مىناداي مازمۇنداعى 27) – 29) تارماقشامەن تولىقتىرىلسىن:
“27) وقۋ جەتىستىكتەرىن باعالاۋدىڭ بالدىق رەيتينگتىك ارىپتىك جۇيەسى حالىقارالىق تاجىريبەدە قابىلدانعان ارىپتىك جۇيەگە سايكەس كەلەتىن جانە ءبىلىم الۋشىلاردىڭ رەيتىنگىن بەلگىلەۋگە مۇمكىندىك بەرەتىن بالل تۇرىندەگى ءبىلىم دەڭگەيىن باعالاۋ جۇيەسى;
28) ترانسفەرت جانە كرەديتتەردى جيناقتاۋدىڭ ەۋروپالىق جۇيەسى (تكەج) – ستۋدەنتتىڭ وقۋ جۇكتەمەسىن انىقتاۋعا نەگىزدەلگەن, وقىتۋ ناتيجەلەرىنىڭ تەرميندەرىندە كورسەتىلگەن باعدارلامانىڭ ماقساتتارىنا قول جەتكىزۋ ءۇشىن قاجەتتى جۇيە;
29) ەكى ديپلومدىق ءبىلىم – ەكى تەڭ باعالى ديپلوم (Double Major) نەمەسە ءبىر نەگىزگى جانە ەكىنشى قوسىمشا ديپلوم (Major ءMىnor) الۋ ماقساتىندا ەكى وقۋ جوسپارى بويىنشا پاراللەلدى ءبىلىم الۋ مۇمكىندىگى;”;
35-تارماق مىنانداي رەداكتسيادا جازىلسىن:
“35. ءبىلىم الۋشىلاردىڭ ارالىق اتتەستاتتاۋىن ۇيىمداستىرۋ جانە وتكىزۋ وفيس رەگيستراتورعا جۇكتەلەدى. ارالىق اتتەستاتتاۋدى باعالاۋ اتالعان وقۋ ءپانى بويىنشا ءبىلىمدى قورىتىندى باعالاۋدىڭ 30 %-ىنان كەم ەمەس قۇرايدى.”;
مىناداي مازمۇنداعى 35-1 – 35-4 تارماقتارمەن تولىقتىرىلسىن:
“35-1. ءپان بويىنشا قورىتىندى باعالاۋ رۇقسات بەرۋ رەيتينگى باعاسىن جانە قورىتىندى باقىلاۋدى قامتيدى.
وڭ قورىتىندى باعا ءتيىستى ءپان بويىنشا بەلگىلەنگەن كرەديت سانىمەن يگەرىلگەن كرەديتتەردى تولىقتىرۋعا نەگىز بولادى جانە ستۋدەنتتىڭ ترانسكريپىنە جازىلادى.
ءبىلىم الۋشىلار قورىتىندى باقىلاۋدان (ەمتيحاننان) “قاناعاتتانارلىقسىز” دەگەن باعا العان جاعدايدا ءپان بويىنشا قورىتىندى باعا ەسەپتەلمەيدى.
قورىتىندى باقىلاۋدا قاناعاتتانارلىق باعانى كوتەرۋ ماقساتىندا قايتا تاپسىرۋعا رۇقسات ەتىلمەيدى.
35-2. “قاناعاتتانارلىقسىز” باعاسىن وڭ باعاعا قايتا تاپسىرۋ ءۇشىن ستۋدەنت كەلەسى اكادەميالىق كەزەڭدەرىنىڭ بىرىندە نەمەسە جازعى سەمەستردە سول ءپان بويىنشا وقۋ جۇمىس جوسپارىندا قاراستىلعان بارلىق ساباق تۇرلەرىنە قايتا قاتىسىپ, رۇقسات الادى جانە قورىتىندى باقىلاۋ تاپسىرادى.
35-3. قورىتىندى باقىلاۋدىڭ باعاسىمەن كەلىسپەيتىن ءبىلىم الۋشىلار ەمتيحان وتكىزىلگەن كۇننەن كەيىنگى كۇننەن كەشىكتىرمەي اپەللياتسياعا بەرەدى.
جوو باسشىسىنىڭ بۇيرىعىمەن ەمتيحان سەسسياسى كەزەڭىنە (ارالىق اتتەستاتتاۋ) اپەللياتسيالاناتىن پاندەرگە ماماندىعى سايكەس كەلەتىن وقىتۋشىلاردان اپەللياتسيالىق كوميسسيا قۇرىلادى.
35-4. ءوتۋ بالىنىڭ تومەنگى دەنگەيىن جيناعان جانە كەلەسى كۋرسقا اۋىستىرىلعان اكادەميالىق بەرەشەگى بار ءبىلىم الۋشىلار سول ءپاندى اقىلى نەگىزدە قايتا وقىپ, اكادەميالىق قارىزدارىن جويۋى ءتيىس.”;
مىناداي مازمۇنداعى 39-1, 39-2 تارماقتارمەن تولىقتىرىلسىن:
“39-1. وفيس رەگيستراتور ەمتيحان سەسسيالارىنىڭ قورىتىندىسى بويىنشا جازدىق سەمەستر ناتيجەلەرىن ەسەپكە الا وتىرىپ, ستۋدەنتتىڭ وقۋ جەتىستىكتەرى دەڭگەيىنىڭ ورتاسالماق باعاسى بولاتىن ءوتۋ بالىن ەسەپتەيدى.
كۋرستان كۋرسقا كوشىرۋ ءۇشىن ءوتۋ بالىنىڭ تومەنگى دەڭگەيىنىڭ كولەمىن جوو-نىڭ ءوزى بەلگىلەيدى.
39-2. ەڭ تومەنگى ءوتۋ بالىن الا الماعان ءبىلىم الۋشىلار وقۋ كۋرسىن قايتا وقۋعا قالدىرىلادى.
كۋرس باعدارلاماسىنان تولىعىمەن ءوتىپ, بىراق بەلگىلەنگەن ءوتۋ بالىنىڭ ەڭ تومەنگى دەڭگەيىنە جەتە الماعان ءبىلىم الۋشىلارعا ءوزىنىڭ ورتاشا ۇلگەرىم بالىن (GPA) جوعارىلاتۋى ءۇشىن جازعى سەمەستردە بەلگىلى ءبىر پاندەردى (مەملەكەتتىك ەمتيحان تاپسىرىلاتىن “قازاقستان تاريحى” پانىنەن باسقا) بەلگىلەنگەن ءتارتىپ بويىنشا, اقىلى تۇردە قايتا وقۋىنا جانە سول پاندەردەن قايتا ەمتيحان تاپسىرۋىنا مۇمكىندىك بەرىلەدى.
وقۋ كۋرسىنا قايتا قالدىرىلعان ءبىلىم الۋشىلار بۇرىن قابىلدانعان جەكە وقۋ جوسپارى نەمەسە جاڭا جەكە وقۋ جوسپارى بويىنشا ءبىلىم الا الادى.”;
41-تارماق مىنانداي رەداكتسيادا جازىلسىن:
“41. ەمتيحاندار مەن سارالانعان سىناقتاردى ا, ا - “وتە جاقسى”, ۆ-, ۆ, ۆ+ - “جاقسى” دەگەن باعاعا تاپسىرعان جانە وقىتۋدىڭ بارلىق كەزەڭىندە ۇلگەرىمىنىڭ ورتا بالى 3,5- تەن كەم بولماسا, سونداق-اق مەملەكەتتىك ەمتيحان مەن ديپلوم جۇمىسىن (جوباسىن) ا, ا- “وتە جاقسى” باعاعا تاپسىرعان ءبىلىم الۋشىعا ۇزدىك ديپلوم (اسكەري دايارلىعى بويىنشا باعاسىن ەسكەرمەگەندە) بەرىلەدى.”;
مىناداي مازمۇنداعى 42-تارماقپەن تولىقتىرىلسىن:
“42. ەكى ديپلومدى ءبىلىم بەرۋ باعدارلاماسىن جۇزەگە اسىراتىن جوعارى وقۋ ورىندارى شەتەلدىك جوعارى وقۋ ورىندارىمەن يگەرىلگەن كرەديتتەردى قايتا سىناقتان ءوتكىزۋدى جوو-سەرىكتەستە قازاقستاندىق كرەديتتەرگە جانە تكەج بارابار جۇزەگە اسىرۋى قاجەت”;
مىناداي مازمۇنداعى 43-تارماقپەن تولىقتىرىلسىن:
“43. ستۋدەنتتەردى اۋىستىرۋ جانە قايتا قالپىنا كەلتىرۋ كەزىندە وقۋ كۋرسى پرەرەكۆەزيتتەردى ەسكەرە وتىرىپ ايقىندالادى.”.
2. جوعارى جانە جوعارى وقۋ ورنىنان كەيىنگى ءبىلىم دەپارتامەنتى (گ.ن.دوعالوۆا) بەلگىلەنگەن تارتىپپەن::
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن ءوتۋىن قامتاماسىز ەتسىن;
2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن.
3. وسى بۇيرىقتىڭ ورىندالۋىن باقىلاۋ ۆيتسە-مينيستر م.سارىبەكوۆكە جۇكتەلسىن.
4. وسى بۇيرىق العاش رەت رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ج.تۇيمەباەۆ.
–––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 23 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6406 بولىپ ەنگىزىلدى.