ماقتاارال اۋدانى ەكونوميكاسىنىڭ كۇرەتامىرى بولىپ تابىلاتىن اۋىل شارۋاشىلىعىندا تىڭ جوبالار, وركەندى ىستەر قانات جايىپ, جاڭا يننوۆاتسيالىق ءادىس-ءتاسىلدەر بويىنشا جۇمىس ءجۇرگىزۋگە باسا ءمان بەرىلۋدە.
بيىل اۋداندا 136,4 مىڭ گەكتار سۋارمالى ەگىستىكتىڭ 83,5 مىڭ گەكتارىنا ماقتا ءشيتى ورنالاستىرىلسا, 27 مىڭ گەكتارىنا باقشا, 4,8 مىڭ گەكتارىنا كوكونىس, تاعى باسقا داقىلدار ەگىلدى.
– قازىردىڭ وزىندە اۋدان ديقاندارى مول ءونىمدى ساۋداعا شىعارىپ ۇلگەردى, – دەيدى ءدىلدابەكوۆ اۋىلدىق وكرۋگى ديقاندارىنىڭ قاۋىن القابىندا جولىققان اۋدان اكىمى جامانتاي بەيسەنباەۆ بىزبەن اڭگىمەسىندە.
– باعا ديقاندار ءۇشىن وتە ءتيىمدى بولىپ تۇر. قاۋىن-قاربىز ەلىمىزدىڭ سولتۇستىك وبلىستارىنا جانە الىس-جاقىن شەت مەملەكەتتەرگە جونەلتىلۋدە.
دىلدابەكوۆ جانە ەراليەۆ اۋىل وكرۋگتەرى ديقاندارى ءبىز بارعان كۇنى ماسكەۋ جانە بەلورۋسسياعا العاشقى ونىمدەرىن جونەلتتى.
اسقار ومارحانوۆ,
جۋرناليست
وڭتۇستىك قازاقستان وبلىسى,
ماقتاارال اۋدانى