ايازدى كۇندە جۇرەك جىلۋىن سەزىنەمىز

لەبىز

ازياداعا قاتىسۋشى ەلدەردىڭ سپورتشىلارىمەن بىرگە قولىنا قالام ۇستاعان ارىپتەستەرىمىز دە كەلگەنى بەلگىلى. وسى كۇندەرى ەلىمىزدە ازيا ويىندارىن ناسيحاتتاۋمەن 2000-عا جۋىق شەتەل جۋرناليستەرى جۇمىس ىستەۋدە. كەشە بىزگە سولاردىڭ ىشىندە ازياداعا ەڭ كوپ سپورتشىلاردىڭ ءبىرىن اكەلگەن قىتاي ەلىنىڭ جۋرناليستەرىمەن اڭگىمەلەسۋدىڭ ءساتى تۇسكەن ەدى. دون لون دجان, سين حۋا اق­پارات اگەنتتىگىنىڭ ءتىلشىسى: – استاناعا وسىمەن ەكىنشى كەلۋىم. ءار كەلگەن ساپارىم مەن ءۇشىن ءساتتى بولىپ ءجۇر. ويتكەنى, كەلگەن سايىن بۇل قالادان, وسى ەلدەن كادىمگىدەي جاقسى اسەر الىپ قايتامىن. بۇل ەلدىڭ دامۋى تۇراقتى. ەكونوميكالىق, الەۋ­مەت­تىك دامۋ, ساياسي قۇرىلىمدىق العا جىلجۋ تۋرالى بۇگىنشە ءسوز قوزعاماي-اق قويايىق. جالعىز ازيا­دا توڭىرەگىندە, اشىلۋ سالتا­ناتى جايىندا عانا ايتىپ وتسەك, ەلدىڭ بارلىق دامۋ قارقىنى بىردەن-اق كوزگە كورىنىپ تۇرادى. العان اسەرىمدى «تاڭ قالدىق», «ءتانتى بولدىق», «مۇنداي بولا­دى دەپ كۇتپەگەن ەدىك» دەگەن وسى ءۇش سوزبەن بارلىق ازياداعا قاتىستى پىكىرىمدى جەتكىزگىم كەلەدى. بۇل تەك مەنىڭ پىكىرىم ەمەس, كەشە باسقا دا شەتەلدىك تىلشىلەرمەن وتىرىپ سويلەسكەنىمىزدە ولار­دىڭ ءبارى ازيادانىڭ ويداعىداي, ءسان-سالتاناتتى تۇردە ءوتىپ جات­قان­دىعىن ايتقان بولاتىن. قاراپ وتىر­سام, بارلىق ۇيىمداس­تى­رى­لۋ جۇمىستارىندا سونداي ءبىر ۇقىپتىلىق, جاۋاپكەرشىلىك بار. سىزبەن جولىعاردان بۇرىن باسپا­سوز ورتالىعىنىڭ ۇيىمداستىرعان ءبىر انكەتالىق ساۋالناما پاراعىن تولتىرىپ ەدىم. مۇنىڭ وزىنەن جۇمىستاردىڭ جوسپارلى, جۇيەلى ءوتىپ جاتقانىن كورۋگە بولادى. ازيا وليمپيادالىق كەڭەسىنىڭ پرەزيدەنتى شەيح احماد ءال-فاحد اس ساباحتىڭ: «قازاقستان 2022 جىل­عى قىسقى وليمپيا ويىن­دارىن قابىلداۋعا دايىن» – دەپ ايتقان ءسوزىنىڭ ءوزى كوپ نارسەنى اڭعارتسا كەرەك. بۇدان بۇرىن چانچۋن قالا­سىندا وتكەن قىسقى ازياداعا قازاقستاننان ءبىر توپ جۋرناليست كەلگەن بولاتىن. سول كەزدە قازاق­ستاندىق ارىپتەستەرىممەن سويلە­سىپ, ولار بىزبەن, ءبىز ولارمەن سپورت­قا قاتىستى جاڭالىقتارمەن ءبولىسىپ جۇردىك. جالپى, ارىپتەس­تەر ارا­سىندا وسىنداي سىيلاستىق بولعا­نىنا نە جەتسىن دەگىم كەلەدى. ازيادا كەزىندە حوك پرەزيدەنتى جاك روگگەنىڭ 2022 جىلى قىسقى وليمپيادانىڭ قازاقستاندا وتە­تى­نىن قولدايتىنىن ايتقاندا, بىزبەن بىرگە جۇرگەن باسقا ەلدەردىڭ دە جۋرناليستەرى بۇل باستامانى شىڭ كوڭىلمەن جىلى قابىلدادى. مەنىڭ ويىمشا, سىزدەردىڭ ەل­دەرى­ڭىز وليمپيادا سياقتى ءتورت جىل­دا ءبىر  اينالىپ كەلەتىن باي­راقتى باسەكەنى وتكىزۋگە لايىق. ليۋ چان, حاربين كۇندەلىكتى گازەت باسىلىمدارى اكتسيونەرلىك قوعامى سپورت ءبولىمىنىڭ ءتىلشىسى: – مەن ءوزىم وليمپيا ويىن­دارىنىڭ كوپتەگەن اشىلۋ سال­تاناتتارىنا قاتىسقانمىن. ۇزاق­قا بارماي-اق, 2008 جىلدا بەي­جىڭدە وتكەن جازعى وليمپيا­دانىڭ اشىلۋ سالتاناتى ءالى دە ءبارىمىزدىڭ ەسىمىزدەن كەتە قوي­ماعان شىعار. مەنىڭ جازىپ-سىز­عاندارىم سپورت سالاسىنا تىكەلەي قاتىستى بولعاندىقتان, ونىڭ ءۇس­تىنە كوپتەگەن اشىلۋ ءراسىم­دەرىن­دە بولعاندىعىمنان استا­نا­­داعى قىسقى ازيادانىڭ اشى­لۋ سالتا­نا­تىن بەيجىڭدە وتكەن وليمپيادامەن تەڭەستىرىپ ايتۋعا بولادى. دايىندىق دەڭگەيلەرى مەن وتكىزۋ شەبەرلىكتەرىنە ءوز با­سىم وسىن­داي باعا بەرەر ەدىم. ۇلتتىق اۋەن­دەرى­ڭىز ماعان قاتتى ۇنادى. مۇنىڭ ءبارى سىزدەردىڭ شە­جىرە­لەرىڭىزبەن, تاريحي-مادەني قۇن­دى­لىق­تارى­ڭىز­بەن تىكەلەي باي­­لانىس­تى ەكەنىن بىردەن اڭ­عارۋعا بولادى. قازاقستانعا كەلمەستەن بۇرىن بۇل ەل تۋرالى ازدى-كوپتى ماع­لۇماتتار بىلەتىنمىن. الايدا, قى­تايداعى ءيۋانىمىزدى سىزدەردىڭ تەڭ­گەلەرىڭىزگە اۋىستىرعان كەزدە اقشالارىڭىزدىڭ قۇندىلىق جا­عى­نان اجەپتاۋىر ايىرما­شى­لىق­تارىن كورگەندە بۇل ەلدىڭ ەكونو­ميكاسى جاعىنان قانداي دا ءبىر قيىندىقتار بار ەكەن-اۋ دەگەن اسەردە بولعان ەدىم. بىراق, اس­تانا­عا كەلىپ, بارلىق نارسەلەردى كوزبەن كورىپ, قولمەن ۇستاعان سوڭ ول ويىمنىڭ مۇلدەم قاتە ەكەنىنە كوزىم جەتتى. نەگىزىندە ءبىزدىڭ قىتاي حالقى سەزىم دەگەن نارسەگە اسا كوڭىل بولەدى. قازاقستانعا كەلگەن ءبىرىنشى كۇننەن باستاپ-اق مەيىرىمدىلىكتىڭ شۋاعىن سەزىندىم. سىزگە مىنانداي ءبىر وقيعا ايتىپ بەرەيىن. وسى جاقىن كۇندەردىڭ بىرىندە سپورتتىق جارىستار اياق­تالىپ, ەندى قوناق ۇيگە قايتايىن دەگەن ويمەن سپورت سارايىنىڭ سىرتىنا شىعىپ مەنى الىپ كەتۋگە ءتيىس اۆتوبۋستى كۇتىپ وتىر­دىم. دالادا مينۋس 20 گرادۋستان تومەن اياز بولىپ تۇر. اۆتوبۋس ءبىراز كەشىگىپ جاتقانداي بولدى. دالادا ءبىر 3-4 ءمينوت تۇرعاننىڭ وزىندە قالتىراپ توڭىپ كەتكەنمىن. قاي­تادان سپورت كەشەنىنە كىرەيىن دەسەم, اراسى ءسال الىستاۋ بولعان سوڭ, كەرى بارعىم كەلمەدى. سول ءسات­تە 10 مەترلىك قاشىق­تىقتا جول ءتارتىپ ساق­شىسى اۆتو­تۇراق­تاردىڭ قوزعا­لى­سىن رەتتەپ تۇر­دى. مەنىڭ انا جەردە توڭعا­نىمدى كورگەن بولۋ كەرەك, قاسى­ما كەلدى دە ءبىر نارسە دەپ ايتا جونەلدى. ءسوزىن ۇقپاسام دا جاق­سىلىقتىڭ نيەتىن سەزىنىپ, ءتۇسى­نە قويدىم. سوندا اۆتوبۋس كەلگەنشە مەندەگى جول ءتارتىپ ساقشى­لارى­نىڭ كولىگىنە بارىپ جىلىنا تۇر, ايازدا تۇرىپ توڭىپ قالىپسىڭ دەگەن ويى قالىپسىڭ تۇسىنە قوي­دىم. ءسويتىپ, اۆتوبۋس كەلگەنشە سول جول ءتارتىپ ساق­شى­سىنىڭ ءما­شي­نەسىندە جىلى­نىپ وتىردىم. سول كەزدەگى جۇرە­گىمنىڭ قانشا­لىق­تى دەڭگەيدە ما­سات­­تان­عانىن, جى­لىن­عانىن ەندى ءتىل­مەن جەت­كىزۋدىڭ ءوزى قيىن. اراي ۇيرەنىشبەكقىزى.