فۋتبولدان ەۋروپا چەمپيوناتىنىڭ F توبىندا ونەر كورسەتەتىن پورتۋگاليا مەن يسلانديا قۇراما كوماندالارى سەنت-ەتەن قالاسىنداعى «جوففرۋا گيشار» ستاديونىندا كەزدەستى. ماتچ 1:1 ەسەبىمەن تەڭ اياقتالدى.
پورتۋگاليا – يسلانديا 1:1
پورتۋگاليا: رۋي پاتريسيۋ, ۆيەيرينيا, پەپە, ريكاردۋ كارۆاليۋ, رافاەل گەررەيرو, دانيلۋ پەرەيرا, جواۋ ماريۋ (ريكاردۋ كۋارەجما 76), اندرە گوميش (ەدەر 84), جواۋ موۋتينيۋ (رەناتۋ سانشەش 71), لۋيش ناني, كريشتيانۋ رونالدۋ
يسلانديا: حاننەس حادلدوۋرسسون, بيركير سايۆارسسون, راگنار سيگۋردسسون, كاري ارناسون, اري سكۋلاسون, ارون گۋننارسسون, گيلفي سيگۋردسسون, يوحانن گۋدمۋندسسون (تەودور بيارناسون 90), بيركير بيارناسون, كولبەينن سيگتورسسون, يون بيودۆارسسون
گولدار: لۋيش ناني 31 – بيركير بيارناسون 50
ەۋروپا چەمپيوناتىندا تاعى ءبىر كۇتپەگەن جايت ورىن الدى. جانكۇيەرلەر كريشتيانۋ رونالدۋ باستاعان پورتۋگاليا قۇراماسىنىڭ جەڭىسىنە سەنىمدى ەدى, الايدا يسلانديا ءوزىنىڭ وسال ەمەستىگىن كورسەتتى. ازۋلى كوماندامەن تەڭ ءتۇسىپ, ايدى اسپاننان شىعاردى.
كەزدەسۋ بارىسىندا حاننەس حادلدوۋرسسوننىڭ قاقپاسىنا بىرنەشە قاۋىپتى شابۋىل جاسالدى. لۋيش ناني, كريشتيانۋ رونالدۋ, ريكاردۋ كۋارەجما سىندى فۋتبولشىلار دەر كەزىندە سوققىلار جاساعانىمەن, قارسىلاس قاقپادان ساڭىلاۋ تابا المادى.
ماتچتىڭ 30-مينۋتىندا لۋيش ءنانيدىڭ سوققان گولى پورتۋگاليانىڭ ءبىر ۇپاي الۋىنا عانا سەپتىگى ءتيدى. سەبەبى, ساۋاتتى قورعانىپ, شابۋىلعا ۋاقىتىندا شىعىپ جۇرگەن يسلانديا قۇراماسى 50-مينۋتتا بيركير بيارناسوننىڭ كومەگىمەن تارازى باسىن تەڭەستىرىپ كەتتى. وسىدان كەيىن گول سوعىلار ساتتەر كوپ بولعانىمەن, تابلوداعى ەسەپ وزگەرىسسىز قالدى.
ايان ءابدۋالي.
فوتو, ۆيدەو: vk.com.
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e