2015 جىلعى 13 مامىر, استانا قالاسى
قازاقستان رەسپۋبليكاسى ازاماتتارىنىڭ جانە ورالمانداردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 77) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ازاماتتارىنىڭ جانە ورالمانداردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 13 مامىرداعى №344 بۇيرىعىمەن بەكىتىلگەن
قازاقستان رەسپۋبليكاسى ازاماتتارىنىڭ جانە ورالمانداردىڭ تەگىن مەديتسينالىق
كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ قاعيدالارى
1. جالپى ەرەجەلەر
1. وسى ازاماتتاردىڭ جانە ورالمانداردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ قاعيدالارى قازاقستان رەسپۋبليكاسى ازاماتتارىنىڭ جانە ورالمانداردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ ءتارتىبىن ايقىندايدى.
2. تەگىن مەديتسينالىق كومەكتىڭ كەپىلدىك بەرىلگەن كولەمى مەنشىك نىسانىنا قاراماستان مەديتسينالىق ۇيىمداردا ولاردىڭ ليتسەنزيادا ايقىندالاتىن قىزمەتىنىڭ باعىتىنا سايكەس تەگىن كورسەتىلەدى.
3. قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ تىزبەسىنە سايكەس تەگىن مەديتسينالىق كومەكتىڭ كەپىلدىك بەرىلگەن كولەمىنە:
1) جەدەل مەديتسينالىق كومەك پەن سانيتاريالىق اۆياتسيا;
2) مىنالاردى:
مەديتسينالىق-سانيتاريالىق العاشقى كومەكتى (بۇدان ءارى - مساك);
مەديتسينالىق-سانيتاريالىق العاشقى كومەك مامانىنىڭ جانە بەيىندى مامانداردىڭ جولداماسى بويىنشا كونسۋلتاتسيالىق-دياگنوستيكالىق كومەكتى (بۇدان ءارى - كدك) قامتيتىن امبۋلاتوريالىق-ەمحانالىق كومەك (بۇدان ءارى - اەك);
3) ۋاكىلەتتى ورگان ايقىندايتىن ەمدەۋگە جاتقىزۋ جاعدايلارىنىڭ جوسپارلانعان سانى شەڭبەرىندە - مساك مامانىنىڭ نەمەسە مەديتسينالىق ۇيىمنىڭ جولداماسى بويىنشا, شۇعىل كورسەتىلىمدەر بويىنشا جولدامانىڭ بولۋىنا قاراماستان كورسەتىلەتىن ستاتسيونارلىق مەديتسينالىق كومەك;
4) مەديتسينالىق ۇيىمنىڭ مەديتسينالىق-سانيتاريالىق العاشقى كومەك مامانىنىڭ جولداماسى بويىنشا ستاتسيوناردى الماستىراتىن مەديتسينالىق كومەك;
5) قالپىنا كەلتىرۋ ەمى جانە مەديتسينالىق وڭالتۋ;
6) پاللياتيۆتىك كومەك جانە مەيىرگەر كۇتىمى كىرەدى.
2. قازاقستان رەسپۋبليكاسى ازاماتتارىنىڭ جانە ورالمانداردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ ءتارتىبى
4. جەدەل مەديتسينالىق كومەك (بۇدان ءارى - جمك):
1) شۇعىل ايعاقتار بويىنشا مەديتسينالىق كومەك كورسەتۋدى;
2) شۇعىل ايعاقتارى بويىنشا پاتسيەنتتەردى مەديتسينالىق ۇيىمدارعا جەتكىزۋدى;
3) دەنساۋلىق ساقتاۋ سالاسىنداعى ۋاكىلەتتى ورگانمەن نەمەسە جەرگىلىكتى اتقارۋشى ورگانمەن كەلىسىم بويىنشا اۋداندىق, وبلىستىق, رەسپۋبليكالىق ماڭىزى بار بۇقارالىق ءىس-شارالاردى (قوعامدىق, مادەني-بۇقارالىق, سپورت جانە باسقا) مەديتسينالىق قامتاماسىز ەتۋدى قامتيدى.
5. سانيتاريالىق اۆياتسيا پاتسيەنتتىڭ تۇرعان جەرىندەگى مەديتسينالىق ۇيىمدا مەديتسينالىق جابدىقتىڭ نەمەسە ءتيىستى بىلىكتىلىگى بار مامانداردىڭ بولماۋى سالدارىنان مەديتسينالىق كومەك كورسەتۋ مۇمكىن بولماعان كەزدە حالىققا شۇعىل مەديتسينالىق كومەك كورسەتۋ ءۇشىن بەرىلەدى.
سانيتاريالىق اۆياتسيا نىسانىندا مەديتسينالىق كومەك ۇسىنۋ ءار ءتۇرلى كولىك تۇرلەرىمەن بىلىكتى مامانداردى مەجەلى جەرگە جەتكىزۋ نە ناۋقاستى ءتيىستى مەديتسينالىق ۇيىمعا تاسىمالداۋ جولىمەن جۇزەگە اسىرىلادى.
6. مساك ادام, وتباسى جانە قوعام دەڭگەيىندە كورسەتىلەتىن, قولجەتىمدى مەديتسينالىق قىزمەتتەر كەشەنىن:
1) نەعۇرلىم كەڭ تارالعان اۋرۋلاردى, سونداي-اق جاراقاتتانۋلاردى, ۋلانۋلاردى جانە باسقا دا كەيىنگە قالدىرۋعا بولمايتىن جاي-كۇيلەردى دياگنوستيكالاۋ مەن ەمدەۋدى;
2) ينفەكتسيالىق اۋرۋلار وشاقتارىندا سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى;
3) حالىقتى گيگيەنالىق وقىتۋدى, وتباسىن, انانى, اكەنى جانە بالانى قورعاۋدى;
4) حالىقتى قاۋىپسىز سۋمەن جابدىقتاۋ جانە ونىڭ كەنەۋلى تاماقتانۋى جونىندەگى ءتۇسىندىرۋ جۇمىستارىن قامتيتىن, تاۋلىك بويى مەديتسينالىق باقىلاۋ بولمايتىن, دارىگەرگە دەيىنگى نەمەسە بىلىكتى مەديتسينالىق كومەك تۇرىندە كورسەتىلەدى.
مساك كورسەتەتىن ۇيىمداردىڭ قىزمەتى قازاقستان رەسپۋبليكاسىنىڭ ازاماتتارىنا جانە ورالماندارعا مەديتسينالىق ۇيىمدى ەركىن تاڭداۋ قۇقىعى ەسكەرىلە وتىرىپ, ولاردىڭ تۇرعىلىقتى جانە (نەمەسە) بەكىتىلگەن جەرى بويىنشا مەديتسينالىق كومەكتىڭ قولجەتىمدىلىگىن قامتاماسىز ەتۋ ماقساتىندا اۋماقتىق پرينتسيپ بويىنشا قۇرىلادى.
مساك-تى ۋچاسكەلىك تەراپەۆتەر, پەدياترلار, جالپى پراكتيكا دارىگەرلەرى, فەلدشەرلەر, اكۋشەرلەر, دەنساۋلىق ساقتاۋ سالاسى بويىنشا الەۋمەتتىك قىزمەتكەرلەر جانە مەيىرگەرلەر كورسەتەدى.
مەديتسينالىق-سانيتاريالىق العاشقى كومەكتى ۇيىمداستىرۋدى جەرگىلىكتى مەملەكەتتىك باسقارۋ ورگاندارى جۇزەگە اسىرادى.
7. كدك تاۋلىك بويى مەديتسينالىق باقىلاۋسىز, مامانداندىرىلعان مەديتسينالىق كومەك تۇرىندە كەرسەتىلەدى.
بەيىندى ماماننىڭ كونسۋلتاتسيالىق-دياگنوستيكالىق كومەك كورسەتۋى مساك مامانىنىڭ جانە بەيىندى مامانداردىڭ جولداماسى بويىنشا جۇزەگە اسىرىلادى.
8. ستاتسيونارلىق كومەك تاۋلىك بويى مەديتسينالىق باقىلاۋ جاساي وتىرىپ, بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەك نىسانىندا ۇسىنىلادى.
ستاتسيونارلارعا جاتقىزۋ:
1) مساك مامانىنىڭ جانە مەديتسينالىق ۇيىمنىڭ جولداماسى بويىنشا;
2) جمك جانە سانيتاريالىق اۆياتسيا قىزمەتى ارقىلى;
3) شۇعىل جاعدايلار كەزىندە وزدەرى كەلگەندە جۇزەگە اسىرىلادى.
9. ستاتسيوناردى الماستىراتىن كومەك مەديتسينالىق باقىلاۋ جاساي وتىرىپ, دارىگەرگە دەيىنگى, بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەك تۇرىندە ۇسىنىلادى.
10. قالپىنا كەلتىرۋ ەمى جانە مەديتسينالىق وڭالتۋ تۋا بىتكەن جانە جۇرە كەلە پايدا بولعان اۋرۋلاردان, سونداي-اق قاتتى, سوزىلمالى اۋرۋلار جانە جاراقاتتار سالدارىنان زارداپ شەگەتىن قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەدى.
11. ادامدارعا پاللياتيۆتىك كومەك جانە مەيىرگەرلىك كۇتىم نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10576 بولىپ تىركەلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 25 اقپانداعى № 96 بۇيرىعىمەن بەكىتىلگەن حالىقتىڭ پاللياتيۆتىك كومەك جانە مەيىرگەر كۇتىمى كورسەتىلۋى ءتيىس ساناتتارىنىڭ تىزبەسىنە سايكەس كورسەتىلەدى.
12. تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتارمەن قامتاماسىز ەتۋ:
1) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 1-بابىنىڭ 1-تارماعىنىڭ 33) تارماقشاسىندا كوزدەلگەن تارتىپپەن دەنساۋلىق ساقتاۋ ۇيىمىنىڭ باسشىسى بەكىتكەن دارىلىك فورمۋليارلارعا سايكەس جەدەل, ستاتسيونارلىق جانە ستاتسيوناردى الماستىراتىن كومەك كورسەتۋ كەزىندە;
2) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7306 بولىپ تىركەلگەن قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 4 قاراشاداعى № 786 بۇيرىعىمەن بەكىتىلگەن بەلگىلى ءبىر اۋرۋلارى (جاي-كۇيى) بار ازاماتتاردىڭ جەكەلەگەن ساناتتارىن تەگىن جانە (نەمەسە) جەڭىلدىكتى قامتاماسىز ەتۋ ءۇشىن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە امبۋلاتوريالىق دەڭگەيدە بەلگىلى ءبىر (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە بەيىمدەلگەن ەمدىك ونىمدەردىڭ تىزبەسىن بەكىتۋ تۋرالى» سايكەس امبۋلاتوريالىق-ەمحانالىق كومەك كورسەتۋ كەزىندە جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11361 بولىپ ەنگىزىلدى.