2010 جىلعى 29 قازان, الماتى قالاسى
قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتەۋ جونىندەگى قۇجاتتاماسىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى
№ 49 قاۋلىسىنا وزگەرىستەر مەن تولىقتىرۋ ەنگىزۋ تۋرالى
ەكىنشى دەڭگەيدەگى بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ قىزمەتiن رەتتەيتىن نورماتيۆتىك قۇقىقتىق اكتiلەردi جەتiلدiرۋ ماقساتىندا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ (بۇدان ءارى – اگەنتتىك) باسقارماسى قاۋلى ەتەدى:
1. اگەنتتىك باسقارماسىنىڭ «كرەديتتەۋ ءجونىندەگى قۇجاتتاماسىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى № 49 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №4602 تىركەلگەن, 2007 جىلعى ناۋرىز-ءساۋىر ايلارىندا قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعىندا, 2007 جىلعى 25 ساۋىردە «زاڭ گازەتى» گازەتىندە №62 (1091) سانىندا جاريالانعان) مىناداي وزگەرىستەر مەن تولىقتىرۋ ەنگىزىلسىن:
اتالعان قاۋلىمەن بەكىتىلگەن كرەديتتەۋ جونىندەگى قۇجاتتاماسىن جۇرگىزۋ ەرەجەسىندە:
3-تارماقتا:
2-1) تارماقشا الىپ تاستالسىن;
بەسىنشى, التىنشى جانە جەتىنشى بولىكتەر مىناداي رەداكتسيادا جازىلسىن:
«كرەديت بەرۋ تۋرالى شارتقا مىندەتتى تۇردە قوسا بەرىلەتىن جانە كرەديت بەرۋ تۋرالى شارتتىڭ تاراپتارى قول قوياتىن كرەديتتى وتەۋ كەستەسىندە كرەديت بەرۋ تۋرالى شارتتىڭ ءنومىرى مەن جاسالعان كۇنى, كرەديت سوماسى مەن ۆاليۋتاسى, وتەۋ كۇندەرى جانە نەگىزگى بورىشتى وتەۋ, سىياقى سومالارى جانە ولاردىڭ جيىنتىق ءمانى كورسەتىلگەن كەزەكتى تولەمدەردىڭ مولشەرلەرى, كەلەسى وتەۋ كۇنىندەگى نەگىزگى بورىش قالدىقتارى, سونداي-اق تولەنۋى ءتيىس كرەديت پەن سىياقىنىڭ جيىنتىق سومالارى جانە ولاردىڭ جيىنتىق ءمانى, كرەديتتى وتەۋ كەستەسى جاسالعان كۇن كورسەتىلەدى.
سىياقى ستاۆكاسى وزگەرمەلى بانكتىك زاەم شارتى بويىنشا كرەديتتى وتەۋ كەستەسى كرەديتتىڭ بەرىلۋ كۇنىنە جاسالادى جانە ودان كەيىن كەزەكتى تولەمدەردىڭ مولشەرلەرى تۇزەتىلەدى جانە كرەديت بەرۋ تۋرالى شارتتا بەلگىلەنگەن تارتىپتە زاەمشىعا (تەڭ زاەمشىعا) مالىمەت ءۇشىن جەتكىزىلەدى.
جەكە تۇلعا – زاەمشىعا (تەڭ زاەمشىعا) كرەديت بەرۋ تۋرالى شارتتى جاساسقانعا دەيىن كرەديتتى وتەۋ ءادىسىن تاڭداۋ ءۇشىن تانىسۋعا ءار ءتۇرلى ادىستەرمەن ەسەپتەلگەن الدىن الا كرەديتتى وتەۋ كەستەلەرىنىڭ جوبالارى بەرىلەدى.»;
مىناداي مازمۇنداعى سەگىزىنشى, توعىزىنشى, ونىنشى جانە ون ءبىرىنشى بولىكتەرمەن تولىقتىرىلسىن:
«ەگەر زاەمشى (تەڭ زاەمشى) جەكە تۇلعا بولعان جاعدايدا كرەديت بەرۋ كۇنىنە جاسالعان كرەديتتى وتەۋ كەستەسىندە سونداي-اق زاەمشىنىڭ (تەڭ زاەمشىنىڭ) تاڭداعان ءادىسى تۋرالى بەلگىسى بار بانك ۇسىنعان وتەۋ ادىستەرىنىڭ تىزبەسى بولادى.
كرەديتتىڭ كرەديتتى وتەۋ كەستەسىن وزگەرتۋگە الىپ كەلەتىن تالاپتارى وزگەرگەن كەزدە جاڭا تالاپتار ەسكەرىلگەن جاڭا كەستە جاسالادى.
وسى تارماقتىڭ بەسىنشى, التىنشى, جەتىنشى, سەگىزىنشى جانە توعىزىنشى بولىكتەرىنىڭ تالاپتارى تولەم كارتوچكاسى بويىنشا كرەديتتىك جەلى اياسىندا بەرىلگەن كرەديتتى, وۆەردرافت كرەديتىن قوسپاعاندا, كرەديت بەرۋ تۋرالى شارتقا, سونداي-اق ونىڭ اياسىندا كرەديت بەرۋ تۋرالى شارتتى (شارتتاردى) جاساسۋ قاجەت بولاتىن كرەديتتى الۋ ءۇشىن كرەديتتىك جەلىنى اشۋ تۋرالى كەلىسىمدەرگە قولدانىلادى.
ەگەر نەگىزگى بورىشتى نەمەسە سىياقىنى وتەۋ كۇنى دەمالىس نە مەرەكە كۇنىنە تۇسەتىن بولسا, وندا زاەمشى سىياقىنى نەمەسە نەگىزگى بورىشتى تولەۋدى ودان كەيىنگى جۇمىس كۇنى جۇرگىزەدى.».
2. وسى قاۋلى ءبىرىنشى رەت رەسمي جاريالانعان كۇننەن كەيىن ەكى اي وتكەن سوڭ قولدانىسقا ەنگىزىلەدى.
وسى قاۋلىنىڭ 1-تارماعىنىڭ ءتورتىنشى ابزاتسىنىڭ قولدانىلۋى اگەنتتىك باسقارماسىنىڭ «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتەۋ جونىندەگى قۇجاتتاماسىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى №49 قاۋلىسىنا تولىق تىرۋلار ەنگىزۋ تۋرالى» 2010 جىلعى 29 ناۋرىزداعى №38 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6186 تىركەلگەن) قولدانىسقا ەنگىزىلگەنگە دەيىن تۋىنداعان قۇقىقتىق قاتىناستارعا قولدانىلادى.
ءتورايىم ە.باحمۋتوۆا.
––––––––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 12 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6662 بولىپ ەنگىزىلدى.