ەقىۇ-نىڭ ءىس باسىنداعى ءتوراعاسى, ليتۆانىڭ سىرتقى ىستەر ءمينيسترى اۋدرونيۋس اجۋباليس قازاقستان پرەزيدەنتى نۇرسۇلتان نازارباەۆتىڭ ءوزىنىڭ وكىلەتتىگى مەرزىمىن ۇزارتۋ جونىندە رەفەرەندۋم وتكىزبەۋ تۋرالى شەشىمىنە قولداۋ ءبىلدىردى. شەشىم كونستيتۋتسيالىق كەڭەس پرەزيدەنتتىڭ وكىلەتتىك مەرزىمىن رەفەرەندۋم ارقىلى ۇزارتۋ تۋرالى زاڭ كونستيتۋتسيالىق ەمەس دەپ تانىعاننان كەيىن قابىلدانعان بولاتىن.
اجۋباليس, سونداي-اق پرەزيدەنت نازارباەۆتىڭ مەرزىمىنەن بۇرىن پرەزيدەنتتىك سايلاۋ وتكىزۋ تۋرالى ۇسىنىسىن قاپەرگە الدى.
«ۇيىمنىڭ سوڭعى 11 جىلدان كەيىن تۇڭعىش رەت وتكىزىلگەن استاناداعى ەقىۇ سامميتىندە ءبىز اقىلعا قونىمدى ارالىقتا دەموكراتيالىق سايلاۋلار وتكىزۋگە قاتىستى ماسەلەنى قوسا العاندا, ەقىۇ مىندەتتەمەلەرىنە ادالدىعىمىزدى تاعى دا قۋاتتاعان بولاتىنبىز. بۇل مىندەتتەمەلەر بارلىق قاتىسۋشى مەملەكەتتەردە ساقتالۋى ءتيىس. مەن قازاقستان باسشىلىعىنا اتالعان ماسەلەدە قولداۋ بىلدىرەمىن», – دەپ مالىمدەگەن ەقىۇ-نىڭ ءىس باسىنداعى توراعاسى.