قازاقستاندىق تەننيسشى يۋليا پۋتينتسەۆا ۇلكەن شلەم ءتۋرنيرى – «رولان گارروستىڭ» شيرەك فينالىنا شىعۋ ارقىلى ءوزىنىڭ ايەلدەر تەننيس اسسوتسياتسياسىنداعى جەكە رازرياد رەيتينگىسىندە 35-ورىنعا كوتەرىلىپ, ريو-دە-جانەيرو وليمپيا ويىندارىنا جولداما جەڭىپ الدى.
وسىلايشا, رەيتينگىدە 60-ورىننان 35-ساتىعا بىردەن جەتكەن پۋتينتسەۆا قازاقستان تەننيسشى قىزدارى اراسىنداعى ەڭ ۇزدىگى قالپىنشا قالدى. سوڭعى جارىستا ياروسلاۆا شۆەدوۆا 5 ساتى تومەن ءتۇسىپ, 94-قاتارعا باردى, زارينا دياس 95-ءشى بولىپ تۇر. كاميلا كەرىمباەۆا ءتورتىنشى جۇزدىككە ەنىپ, 396-شى بولىپ جۇرسە, گالينا ۆوسكوبوەۆا 451-ءشى ورىنمەن بەسىنشى جۇزدىكتىڭ شەڭبەرىنەن كورىنەدى. ال جەكە رازرايادتا كوشتى امەريكالىق سەرەنا ۋيليامس باستاپ كەلەدى. ەكىنشى ورىن يسپان قىزى گاربين مۋگۋرۋزادا بولسا, ءۇشىنشى بەلەس پولياك اگنەشكا راۆدۆانسكاعا بۇيىرعان.
ال يۋليا پۋتينتسەۆا قازاقستاننان ريوعا باراتىن 89-شى سپورتشى بولىپ وتىر.
رۋسلان يگىلىك