استانا. 6 ماۋسىم. كەشە, سەنبى كۇنى قىرعىزستان استاناسى – بىشكەك قالاسىنىڭ ماڭىندا گراناتا جارىلىپ, بەس ادام زارداپ شكتى. ولاردىڭ ۇشەۋى بالالار بولسا, ءبىر ءبۇلدىرشىن اۋرۋحانانىڭ جانساقتاۋ بولىمىنە ءتۇستى. بۇل تۋرالى «Sputnik كىرگىزستان» اقپارىنا سۇيەنگەن egemen.kz ءتىلشىسى حابارلادى.
شۋ وبلىسى, الامادۋن اۋدانى, پريگورودنوە سەلوسىندا ورىن العان بۇل وقىس وقيعانىڭ بولۋ سەبەبىن ىشكى ىستەر ءبولىمىنىڭ قىزمەتكەرلەرى تەكسەرۋگە كىرىستى.
«سەنبى كۇنى شامامەن ساعات 12 كەزىندە ميليتسيا بولىمىنە پريگورودنوە ايىلىنداعى ماي قۇيۋ ستانساسىندا جارىلىس بولعانى تۋرالى دابىل ءتۇستى. وقيعا ورنىنا بارعان جەدەل-ىزدەستىرۋ توبى جارىلىس بەلگىلەرىن تاپقان جوق, الايدا, باسقا جەردە – كولباسا تسەحىنىڭ ىشىندە گراناتا جارىلعانىن انىقتادى», – دەلىنگەن حابارلامادا.
الدىن الا بولجام بويىنشا, جارىلىس مەتالل وڭدەۋ تسەحىنىڭ قۇرىلىسى ءۇشىن دايىندىق جۇمىستارى ءجۇرىپ جاتقان جەردە ورىن العان. وسىندا جۇمىس ىستەيتىندەر وزدەرى تاۋىپ العان شۋلى گراناتانى قويماعا قويادى. ونى جالال-اباد وبلىسى, سوزاق اۋدانىن 1984 جىلى تۋعان ا. ن. دەگەن جۇمىسشى جىگىت قولىنا الىپ, ويناپ وتىرعانىندا جارىپ الادى. ول جارىلعىش قارۋدىڭ چەگىن بايقاماي سۋىرىپ الادى.
قازىر شۋ اۋداندىق ىشكى ىستەر ءبولىمىنىڭ قىزمەتكەرلەرى جارىلعىش قوندىرعىنىڭ شىققان تەگى مەن ءتۇرىن انىقتاپ جاتىر. وسىعان بايلانىستى سوت-بالليستيكالىق جانە جارىلىس-تەحنيكالىق ساراپتاماسى تاعايىندالدى. بولعان وقيعانىڭ سەبەبىن انىقتاۋ جۇمىسى جالعاسۋدا.
تالعات رايىمبەك.
دەرەك, فوتو: Sputnik كىرگىزستان.