استانا. 5 ماۋسىم. سيريادا لاڭكەستىك شابۋىلداردان 270 بەيبىت تۇرعىن قازا تاپتى بۇل تۋرالى rg.ru سايتىنا سىلتەمە جاساعان egemen.kz ءتىلشىسى حابارلادى.
ەكسترەميستەردىڭ ارەكەتىنەن تاعى جۇزدەگەن ادام ءتۇرلى دەڭگەيدە جاراقات الدى. ۆەدومستۆانىڭ حابارلاۋىنشا, سيريادا وتكەن تاۋلىكتە وق اتپاۋ رەجىمى 10 رەت بۇزىلعانى انىقتالدى, ولاردىڭ سەگىزى – الەپپو قالاسىندا, ەكەۋى – داماسكىدە.
«دجابحات ان-نۋسرا» لاڭكەستىك ۇيىمىنىڭ سودىرلارى الەپپودا رەاكتيۆ جۇيەسىنەن جانە مينومەتپەن ەكى دۇركىن وق اتتى.
بەيبىت بىتىمگە كەلۋ جونىندەگى ورتالىق, اسكەري ارەكەتتەردى توقتاتۋ تۋرالى جاريالاعان سيرياداعى ۇكىمەت جاساعى وپپوزيتسيالىق اسكەريلەندىرىلگەن قۇرىلىمعا سوققى جاساماعانىن مالىمدەدى. ال سيرياداعى بەيبىت كەلىسىمگە قوسىلۋشى ەلدى مەكەندەردىڭ سانى ءبىر تاۋلىك ىشىندە 133-كە جەتتى.
وسىعان دەيىن بەلگىلى بولعانداي, كۇرد جاساقتارى شەيح-ماكسۋد الەپپو ورامىندا وزدەرى قورعاپ وتىرعان جەرلەرىن تاستاپ كەتكەن. ولار سودىرلاردىڭ توقتاۋسىز جاساعان شابۋىلدارىنان كەيىن شەگىنىس جاساۋعا ءماجبۇر بولدى.
ايان ءابدۋالي.
دەرەك, فوتو: rg.ru.