استانا. 4 ماۋسىم. پولشانىڭ Polska Sztanga پورتالى قازاقستاندىق اۋىر اتلەت يليا ءيليننىڭ وليمپيالىق ويىنداردا جەڭىپ العان التىن مەدالدارىنان ايرىلىپ قالۋى مۇمكىن دەگەن بولجام ءبىلدىردى. بۇل تۋرالى Sports.kz اقپارىنا سۇيەنگەن egemen.kz ءتىلشىسى حابارلادى.
«يلين دوپينگ-تەكسەرىستە وڭ ناتيجە كورسەتكەن كەزەكتى وليمپيالىق ويىندار چەمپيونى بولدى. ادەتتە ول الەمنىڭ بارلىق ۋاقىتتارداعى ۇزدىك زىلتەمىرشىلەرىنىڭ بىرىنەن سانالۋشى ەدى: 2008 جانە 2012 جىلدارعى ويىنداردا التىن مەدال جەڭىپ الدى, سونداي-اق, الەم چەمپيوناتتارىندا 4 رەت جەڭىسكە جەتتى. بۇدان بۇرىن قىتاي باق-تارى بۇل تىزىمگە ون سپورتشىنىڭ ىلىنگەنىن, ارالارىندا ءيليننىڭ دە بار ەكەنىن جاريالاعان ەدى», – دەپ جازادى باسىلىم.
ەسكە سالا كەتەيىك, مۇنىڭ الدىندا قازاقستاننىڭ تاعى ءبىر وليمپيالىق ويىندارداعى چەمپيونى – لوندوندا التىن مەدال جەڭىپ العان ءزۇلفيا چينشانلونىڭ دوپينگ-تەكسەرىسى وڭ ناتيجە بەرگەنى حابارلانعان بولاتىن.
تالعات رايىمبەك.
دەرەك, فوتو: Sports.kz.