استانا. 4 ماۋسىم. گەرمانيانىڭ مەنديگ قالاسىنداعى اشىق اسپان استىندا Rock am Ring اتتى روك-فەستيۆالى ءوتىپ جاتقان ورىنعا نايزاعاي ءتۇسىپ, ونداعان ادام زارداپ شەكتى. بۇل تۋرالى rosbalt.ru سايتىنا سىلتەمە جاساعان egemen.kz ءتىلشىسى حابارلادى.
وقىس جاعدايدان كەم دەگەندە 42 ادام اۋرۋحاناعا جاتقىزىلدى. ۇيىمداستىرۋشىلاردىڭ ايتۋىنشا, سەگىز ادام اۋىر جارالانعان. ونىڭ بىرەۋىن, ءتىپتى دەر كەزىندە كومەك كورسەتىپ, امان الىپ قالىپتى. وقيعا ورنىنا پوليتسيا قىزمەتكەرلەرى مەن ءورت سوندىرۋشىلەر جەدەل جەتكەن.
اۋا رايىنىڭ قولايسىزدىعىنان ءىس-شارانى شامامەن 1,5 ساعاتقا توقتاتۋعا تۋرا كەلگەن. ال كەيبىر مالىمەتتەردە ازداعان ۇزىلىستەردەن كەيىن فەستيۆالدىڭ قايتا جالعاسقانى حابارلانادى. مۇنداي شەشىم ۇيىمداستىرۋشىلاردىڭ ءتيىس ورگانداردىڭ كەلىسىمىمەن جۇزەگە استى.
بەلگىلى بولعانداي, 3-5 ماۋسىم ارالىعىندا وتەتىن فەستيۆالگە بارلىعى 90 مىڭ ادام كەلەدى.
ايان ءابدۋالي.
دەرەك, فوتو: rosbalt.ru.