استانا. 4 ماۋسىم. الەمنىڭ كوپتەگەن ەلدەرىنە تاراعان قاۋىپتى زيكا ىندەتى قازاقستانعا دا تارالۋى مۇمكىن. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
وتاندىق ۆيرۋسولوگ ماماندارى اتالعان ىندەتتىڭ تاياۋدا قىتايعا كەلگەنىنەن قاۋىپتەنىپ وتىر. سونىمەن قاتار, پاۆلودار وبلىسىنداعى جاعداي دا الاڭداۋشىلىق تۋدىرۋدا. سەبەبى, بۇل ايماقتا ماسا مەن شىبىن-شىركەي شەكتەن تىس كوبەيىپ كەتكەن. ال پروفەسسور اندرەي بوگوياۆلەنسكي ماسانىڭ ۆيرۋس تاسىمالداۋعا بەيىم ەكەنىن مالىمدەدى.
«قازاقستانداعى جوعارى ىلعالدىلىق پەن اۋا رايىنىڭ تىم ىستىق بولۋىنا بايلانىستى كەيبىر ماسا تۇرلەرى وڭتۇستىك-شىعىس ازيادان كەلۋى مۇمكىن. تارالىپ كەتەدى دەپ سەنىمدى تۇردە ايتا المايمىن. الايدا, ونداي جاعدايلار ورىن الۋى مۇمكىن», – دەدى اندرەي بوگوياۆلەنسكي.
دۇنيەجۇزىلىك دەنساۋلىق ساقتاۋ ۇيىمى زيكا ۆيرۋسىن الەمدىك اۋقىمداعى ىندەت قاتارىنا جاتقىزدى. قازىرگى تاڭدا ول 70-كە جۋىق مەملەكەتكە تارادى.
ايان ءابدۋالي.
دەرەك, فوتو: inform.kz.