استانا. 4 ماۋسىم. قازاقستاندىق اۋىر اتلەت ءزۇلفيا چينشانلو 2012 جىلى لوندون وليمپيالىق ويىندارىندا العان التىن مەدالىنەن ايرىلاتىن ءتۇرى بار. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى.
قىتاي باسىلىمى جاقىندا حالىقارالىق وليمپيالىق كوميتەت بەيجىڭ مەن لوندون وليمپيالىق ويىندارىنىڭ جەڭىمپازدارىن دوپينگ-تەستىدەن قايتارا وتكىزگەنىن جازادى. سولاردىڭ بىرىندە چينشانلونى تەكسەرۋ وڭ ناتيجە كورسەتكەن, ياعني ونىڭ دوپينگ قولدانعانى انىقتالعان. مۇنداي تۇزاققا بارلىعى 4 سپورتشى ءتۇسىپ قالعان.
China Post مالىمەتىنشە, ەندى ءزۇلفيانىڭ التىن مەدالى ويىنداردا كۇمىس جۇلدەگەر اتانعان تايۆاندىق حسۋ شۋچينگە تاپسىرىلادى. ازىرگە قازاقستان ۇلتتىق وليمپيالىق كوميتەتى بۇل جاعدايعا بايلانىستى ەشقانداي رەسمي جاۋاپ بەرگەن جوق. ال گازەت تايۆان سپورتشىسى جاتتىقتىرۋشىسىنىڭ فەيسبۋكتە وليمپيالىق جوعارى ناگرادانىڭ ءوز شاكىرتىنە بەرىلگەنى تۋرالى پوست جازعانىن, بىراق ارتىنشا جازباسىن الىپ تاستاعانىن باياندايدى.
22 جاستاعى ءزۇلفيا چينشانلو الماتىدا تۋعان. بىراق بالا كەزىندە اتا-اناسىمەن بىرگە قىتايعا قونىس اۋدارادى. ول 2008 جىلى قازاقستانعا ورالىپ, ءبىزدىڭ ەلىمىزدىڭ ازاماتتىعىن الدى. سول ۋاقىتتان بەرى رەسپۋيۋليكا قۇراماسى ساپىندا ونەر كورسەتىپ كەلەدى. ول 2009 جىلى 16 جاسىندا ەرەسەكتەر اراسىندا الەم چەمپيونى اتانىپ, اۋىر اتلەتيكا تاريحىندا رەكورد جاسادى.
چينشانلو 2012 جىلى لوندندا وتكەن وليمپيادادا التىن مەدال جەڭىپ الىپ, حالىقارالىق اۋىر اتلەتيكا فەدەراتسياسىنىڭ بولجامى بويىنشا الەمنىڭ ەڭ ۇزدىك زىلتەمىرشىسى اتاندى.
تالعات رايىمبەك.
دەرەك: ras.kz.
فوتو: sports.kz.