كەشە ينۆەستيتسيالار جانە دامۋ مينيسترلىگى مەملەكەتتىك قىزمەت ىستەرى ۆەدومستۆوسىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى توراعاسىنىڭ ورىنباسارى اليك شپەكباەۆتىڭ قاتىسۋىمەن بەينەكونفەرەنتسيا رەجىمىندەگى كەڭەيتىلگەن كەڭەس وتكىزدى. اتالعان شاراعا ەلىمىزدىڭ ون ءتورت وبلىسى مەن الماتى قالاسىنداعى ءتيىستى ورگاندار تىكەلەي رەجىمدە قوسىلدى.
وتىرىستا ەلىمىزدىڭ ينۆەستيتسيا جانە دامۋ سالاسىنداعى سىبايلاس جەمقورلىقتىڭ الدىن الۋ جانە سىبايلاس جەمقورلىققا قارسى ساياسات جۇرگىزۋ ماسەلەسى تالقىعا ءتۇستى. 2015-2025 جىلدارعا ارنالعان سىبايلاس جەمقورلىققا قارسى كۇرەس ستراتەگياسى ەلباسىنىڭ «قازاقستان-2050» ستراتەگياسىنداعى العا قويعان مىندەتتەرىن ءىس جۇزىندە جۇزەگە اسىرۋعا باعىتتالعان. ەڭ باستى مىندەت – قوعامدا سىبايلاستىققا توزبەۋشىلىك ورتا قالىپتاستىرۋ, ازاماتتاردىڭ قۇقىقتىق سانا-سەزىمىن ارتتىرۋ, بيزنەستە ءوزارا سەنىمگە قۇرىلعان جاۋاپكەرشىلىك پەن ارىپتەستىك نەگىزدە اتالعان الەۋمەتتىك كەسەلمەن كۇرەسۋ. بۇل ماقساتتا ينۆەستيتسيالار جانە دامۋ مينيسترلىگى تاراپىنان 2015-2017 جىلدارعا ارنالعان سىبايلاس جەمقورلىقپەن كۇرەس شارالارى قاراستىرىلعان. وندا مەملەكەتتىك قىزمەت كورسەتۋ ساپاسىن ارتتىرۋ, ەلەكتروندى فورماتتاعى رۇقسات قۇجاتتارىن بەرۋ جايىن وڭايلاتۋ, كولەڭكەلى ەكونوميكامەن كۇرەس سياقتى ماڭىزدى مىندەتتەر قامتىلىپ وتىر. بۇل رەتتە 2015 جىلى مينيسترلىك تاراپىنان كوررۋپتسياعا قارسى كۇرەس كەڭەسى قۇرىلعاندىعىن قاپەرگە سالا كەتكەن ءجون. ۆەدومستۆولار مەن وڭىرلەردەگى سىبايلاستىققا قاتىستى دەرەكتەر بويىنشا 2015 جىلى سىبايلاس جەمقورلىق قىلمىسى ءۇشىن 21 قىزمەتكەر, ال 2016 جىلدىڭ بەس ايى ىشىندە قىلمىستىق جازاعا 7 ادام تارتىلعان. مۇنىڭ بارلىعى باقىلاۋشى ورگان مەن شاعىن بيزنەس سۋبەكتىلەرى اراسىنداعى تىكەلەي بايلانىستان وسىنداي سىبايلاس جەمقورلىق ارەكەتتەرىنىڭ تۋىندايتىندىعى بەلگىلى بولدى. سوندىقتان دا, بارلىعىن اۆتوماتتاندىرۋ, ناقتى باقىلاۋ ورناتۋ مەن ۋاقىت بەلگىلەۋ ماسەلەلەرى جان جاقتى تالقىعا ءتۇستى.
«ەگەمەن-اقپارات»