استانا مەن تەمىرتاۋ قالالارىنداعى SOS بالالار ۇيلەرىنىڭ تاربيەلەنۋشىلەرى VII قىسقى ازيا ويىندارىنىڭ جانكۇيەرلەرى بولۋ باقىتىنا كەنەلدى. ازيادانىڭ اشىلۋ سالتاناتىنا قاتىسقان بالالار ەندى ەلوردا ستاديوندارىن ارالاپ, جارىستاردى تاماشالايتىن بولادى.
بالالار ءۇشىن مۇنى تاعدىر سىيى دەسە دە بولادى. ولار مۇنداي قۋانىشقا «ENRC قازاقستان» كومپانياسىنىڭ ءوزىنىڭ «ENRC-كومەك» قايىرىمدىلىق قورىمەن بىرلەسىپ جۇزەگە اسىرعان قايىرىمدىلىق شاراسى ارقاسىندا قول جەتكىزىپ وتىر. اتالمىش قور SOS بالالار اۋىلىنداعى تاربيەلەنۋشىلەر ءۇشىن ازيا ويىندارىنا بيلەتتەر ساتىپ اپەردى.
ومىردە بالالارعا كەيدە اتا-انالارى دا جاساي المايتىن جاقسىلىقتار جاساپ تۇراتىن ادامدار مەن بۇتىندەي ءبىر كومپانيالاردىڭ بولعانى قانداي عانيبەت! سولاردىڭ اراسىندا ENRC كومپانياسى وسىدان ءبىراز جىل بۇرىن قازاقستاندىق ءۇش SOS اۋىلىن ءوز قامقورلىعىنا العان بولاتىن. بۇگىندە ءار ۇيدە ينتەرنەتكە جالعانعان كومپيۋتەرلەردىڭ بولۋى, بالالاردىڭ جازدا لاگەرلەرگە بارىپ دەمالىپ قايتۋعا مۇمكىندىك الۋى سونىڭ ارقاسى. بۇلدىرشىندەردىڭ قولدارىنان شىققان وزىق دەگەن تۋىندىلار كونكۋرس ارقىلى ىرىكتەلىپ الىنىپ, كومپانيانىڭ كورپوراتيۆتىك اشىق حاتتارىنىڭ سىرتقى بەزەندىرىلۋى رەتىندە دە پايدالانىلۋدا.
بالالار ۇيلەرى تاربيەلەنۋشىلەرى اراسىنداعى كەزەكتى كوركەمونەرپازدار بايقاۋى الداعى ناۋرىز مەرەكەسى كۇندەرى وتپەكشى.
س.الماسوۆ.