قاراعاندى. 26 مامىر. قاراعاندىداعى نازارباەۆ زياتكەرلىك مەكتەبىنىڭ تۇلەگى ايجان احمەتجانوۆا Princeton University (پرينستون, اقش) تولىق گرانتىنا يە بولىپ, شاقىرتۋ الدى. بۇل تۋرالى وبلىستىق ءبىلىم بەرۋ باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«ايجان احمەتجانوۆا مىناداي حالىقارالىق ەمتيحانداردى تاپسىردى: SAT Reasoning – 2140/2400, Physics, Maths, Chemistry – 800/800. TOEFL PBT -657/677, IELTS 8.5/9.0», – دەلىنگەن حابارلامادا.
نازارباەۆ زياتكەرلىك مەكتەبىن حيميا-بيولوگيا باعىتى بويىنشا بىتىرگەن تۇلەك اقش-تا وقۋ ءوزىنىڭ بالا كۇننەن كەلە جاتقان ارمانى ەكەنىن ايتادى. ۋنيۆەرسيتەتتە «قالا قۇرىلىسى ينجەنەرياسى» ماماندىعى بويىنشا وقيتىن ايجان بولاشاقتا دوكتورلىق دارەجەگە قول جەتكىزۋدى الدىنا ماقسات ەتىپ قويعان.
ايتا كەتەيىك, پرينستون ۋنيۆەرسيتەتى الەمدە پليۋششا ليگاسىنا ەنەتىن سەگىز وقۋ ورنىنىڭ ءبىرى.
قايرات ءابىلدينوۆ.
دەرەك, فوتو: قاراعاندى وبلىستىق ءبىلىم بەرۋ باسقارماسىنىڭ ءباسپاسوز قىزمەتى.