استانا. 22 مامىر. سولتۇستىك كورەيانىڭ 33 جاستاعى ليدەرى كيم چەن ىن تەمەكىگە قارسى ۇلتتىق كومپانيانى قولداۋعا شەشىم قابىلدادى. بۇل تۋرالى Reuters دەرەگىنە سۇيەنگەن egemen.kz ءتىلشىسى حابارلادى.
مۇنىڭ الدىندا كيم چەن ىن ناعىز شىلىمقور بولعان ەكەن. ونىڭ قولىنا تەمەكى ۇستاپ تۇرعان ساتتەرى كوپتەگەن رەسمي جيىندار مەن قابىلداۋلار بارىسىنان تۇسىرىلگەن سۋرەتتەردەن دە كورىنەدى. الايدا, بيىلعى جىلعى ناۋرىز ايىندا ول تەمەكى شەگۋدى تاستاۋعا بىردەن شۇعىل شەشىم قابىلداپتى. وسىلايشا تەمەكىگە قارسى ۇلتتىق كومپانيانى قولداپ كەتكەن.
وڭتۇستىك كورەياداعى دەرەككوزدەردىڭ مالىمەتتەرىنشە, كيم چەن ىن كوپشىلىك الدىنا كحدر ناۋرىزدىڭ ورتاسىندا بالليستيكالىق راكەتانى سىناقتان وتكىزگەن ۋاقىتتان بەرى تەمەكىمەن شىقپاعان.
بۇكىلالەمدىك دەنساۋلىق ساقتاۋ ۇيىمىنىڭ اقپارى بويىنشا, سولتۇستىك كورەيانىڭ ەرلەر قاۋىمىنىڭ جارتىسىنان استامى تەمەكى شەگەدى.
تالعات رايىمبەك.
دەرەك, فوتو: Reuters.