استانا. 22 مامىر. كەشە اقش پرەزيدەنتى باراك وبامانىڭ باستى رەزيدەنتسياسى – اق ءۇيدىڭ ماڭىندا اتىس بولدى. بۇل تۋرالى Reuters اقپارىنا سىلتەمە جاساعان egemen.kz ءتىلشىسى حابارلادى.
ينتسيدەنت ورىن العان كەزدە باراك وباما ءوزىنىڭ رەزيدەنتسياسىندا بولماپتى. وسى كەزدە ول ەندريۋستەگى اۆيابازادا جۇرگەن ەكەن.
اتىس وقيعاسىنان كەيىن اق ءۇيدى پوليتسەيلەر قورشاۋعا الىپ, بولعان جايتتىڭ جاي-جاپسارىن تەكسەرۋگە كىرىسىپ كەتتى.
CNN تەلەارناسىنىڭ قۇقىق قورعاۋ ورگاندارىنداعى دەرەككوزى حابارلاعانداي, باقىلاۋ-وتكىزۋ بەكەتىنىڭ جانىندا قۇپيا قىزمەت قىزمەتكەرلەرى قولىنا قارۋ الىپ, شاۋىپ جۇرگەن ەر كىسىنى اتىپ تۇسىرگەن. كۇدىكتى ەركەك وسىعان بايلانىستى قارنىنان جاراقات الىپ, جەرگىلىكتى اۋرۋحاناعا جىبەرىلگەن. ونىڭ جاعدايى اۋىر دەپ باعالانىپ وتىر.
وسىدان كەيىن اق ۇيدە ارنايى قاۋىپسىزدىك رەجىمى ەنگىزىلدى. كىرەر ەسىكتەر تۇگەل جابىلدى, دەپ حابارلايدى جۋرناليستەر.
تالعات رايىمبەك.
دەرەك, فوتو: Reuters.