استانا. 21 مامىر. بۇگىن فۋتبولدان ماسكەۋدىڭ «دينامو» كومانداسىنىڭ پرەمەر-ليگادان شىعىپ قالعانى بەلگىلى بولدى. بۇل تۋرالى ر-سپورت اقپارىنا سۇيەنگەن egemen.kz حابارلادى.
«دينامو» رەسەي چەمپيوناتىنىڭ سوڭعى, 30-تۋرىندا ماسكەۋ تۇبىندەگى حيمكي قالاسىنىڭ ستاديونىندا سانكت-پەتەربۋرگتىڭ «زەنيتىن» قابىلداپ, 0:3 ەسەبىمەن جەڭىلدى. بيىل چەمپيوناتتا قولا جۇلدەگەر اتانىپ وتىرعان جەڭىمپازدار ساپىنان ارتەم دزيۋبا (59-مينۋت), الەكساندر كوكورين (62) جانە دومەنيكو كريشيتو (90, پەنالتي) مەرگەندىكتەرىمەن كوزگە ءتۇستى.
وسى جەڭىلىس كوماندانىڭ جوعارى ديۆيزيوندا قالۋ-قالماۋ جونىندەگى تاعدىرىن دا شەشىپ كەتتى. ءسويتىپ, 30 ويىننان 25 ۇپاي عانا جيناعان كوماندا 15-ورىنعا تۇراقتادى. وسى بەلدەۋ ەندى ونى جوعارى ەشالونمەن قوشتاسۋعا ءماجبۇر ەتتى.
سوناۋ كەڭەس زامانىنا بەرى تەك جوعارى توپتا ونەر كورسەتىپ كەلە جاتقان كلۋب وسىلايشا ءوزىنىڭ 93 جىلدىق تاريحىندا ءبىرىنشى رەت جوعارى ءبىرىنشى ليگادا وينايتىن دارەجەگە جەتتى.
رەسەي چەمپيوناتىنىڭ پرەمەر-ليگاسىنان ماسكەۋلىكتەرمەن بىرگە سوڭعى, 16-ورىنداعى «موردوۆيا» دا ءتۇسىپ قالدى. ول بۇگىن ماسكەۋدە جەرگىلىكتى «لوكوموتيۆتەن» 0:3 بولىپ تىزە بۇكتى.
چەمپيونات قورىتىندىسىندا ماسكەۋدىڭ تسسكا كومانداسى بەسىنشى رەت چەمپيوندىق اتاققا قول جەتكىزدى. ول 2003, 2005, 2006, 2013, 2014 جانە 2016 جىلدارى التىن جۇلدەگەر اتاندى. ال ەڭ تيتۋلى كوپ كوماندا اتاعى «سپارتاكتا» قالىپ تۇر. ول 9 مارتە بىرىنشىلىكتە توپ جارعان بولاتىن.
ەكىنشى ورىنعا سوڭعى تۋردا گروزنىيدىڭ «تەرەگىن» 2:0 ەتىپ ۇتقان دونداعى روستوۆتىڭ «روستوۆى» ورنالاستى. وتكەن جىلدىڭ سوڭىندا پرەمەر-ليگادان شىعىپ قالعالى تۇرعان بۇل كوماندانى بەلگىلى فۋتبول مامانى قۇربان بەردىەۆ ءبىر جىلدىڭ ىشىندە چەمپيوندىققا تالاساتىن ۇجىم ەتىپ شىعاردى.
تالعات رايىمبەك.
دەرەك. فوتو: ر-سپورت.