شىمكەنت. 21 مامىر. بۇگىن تۇندە وڭتۇستىك قازاقستان وبلىسىنىڭ ورتالىعى – شىمكەنت قالاسىنىڭ 11-شاعىن اۋدانىنداعى «يساتاي» جابىق بازارى تولىق جانىپ كەتتى. بۇل تۋرالى TVK تەلەارناسىنىڭ اقپارىنا سۇيەنگەن egemen.kz ءتىلشىسى حابارلادى.
«21 مامىرعا قاراعان ءتۇنى 00:39 ساعاتتا شىمكەنتتەگى ەڭبەكشى اۋدانىنداعى ءۋاليحانوۆ كوشەسى بويىنداعى «يساتاي» ماگازينى جانىپ جاتقانى تۋرالى دايۋىل ءتۇستى. شاقىرۋ ورنىنا 6 اۆتوتسيستەرنالى ءورت ءسوندىرۋشى بىرلىگى, اۆتوساتى, اپاتتىق-قۇتاقرۋ ءاۆتوموبيلى, ءورت ءسوندىرۋشى كەزەكشى قىزمەت جانە ءورت سوندىرۋشىلەردىڭ جەكە قۇرامىنان 34 ادام, سونداي-اق مەديتسينالىق اپات ورتالىعى, ءورت زەرتحاناسى سىناعى بولىمشەسى جىبەرىلدى», - دەلىنگەن
ساۋدا ءۇيىنىڭ جانىپ جاتقان الاۋى الىستان كورىنىپ تۇرعان. ءورت ساعات 01:52-دە ءسوندىرىلىپ, ساعات 02:23-تە تولىق جويىلعان.
توتەنشە جاعدايلار دەپارتامەنتىنىڭ مالىمەتىنشە, ورتتەن زارداپ شەككەندەر جوق.
وقيعا ورنىندا بارلىعى 23 تەحنيكا بىرلىگى ىسكە قوسىلعان, جەكە قۇرامداردان 115 ادام جۇمىس جاساعان. ءورت ورنىندا پلاستيكتەن جاسالعان ساۋدا بۋتيكتەرى, كيىمدەر, اياقكيىمدەر, سىرا ساۋداسىمەن اينالىساتىن دۇكەن, «مانحەتەن» كافەسىنىڭ شاتىرى جانىپ كەتكەن. ءورتتىڭ جالپى اۋماعى 1980 شارشى مەتردى قۇرايدى. ءورت كەزىندە 50 ليترلىك ءبىر گاز باللونى جارىلعان. تاعى سونداي 1 باللون, 2 وتتەگى باللونى قاۋىپسىز جەرگە شىعارىلعان.
ءورتتىڭ سالدارىنان زارداپ شەككەندەر جوق. جاقىن ماڭداعى بەس قاباتتى ۇيلەردىڭ تۇرعىندارى قاۋىپسىز جەرلەرگە جەتكىزىلگەن.
باقتيار تايجان.
دەرەك, فوتو: TVK.