قوعام • 29 قازان, 2019
ونەر قالىپقا باعىنبايدى. تەاتر تالعامدى, ساحنا جاڭاشىلدىقتى سۇيەدى. حاس سۇلۋدىڭ كوز جاسىنداي ءمولدىر ونەرگە (ع.مۇسىرەپوۆ – اۆت.) ءتان وسى ءبىر دارالىقتى تۋ ەتكەن ەلىمىزدىڭ ەرەكشە تەاترلارىنىڭ ءبىرى – نۇر-سۇلتان قالاسىنىڭ جاستار تەاترى ءحىىى تەاتر ماۋسىمىنىڭ شىمىلدىعىن ۋيليام شەكسپيردىڭ «اساۋعا تۇساۋ» كومەدياسىمەن ءتۇردى.
رۋحانيات • 16 قازان, 2019
قازاق ساحناسىنا ايگىلى يتاليا كومپوزيتورى دجۋزەپپە ۆەرديدىڭ «دون كارلوس» وپەراسى تۋرا 40 جىلدان كەيىن قايتا ورالدى. وتكەن اپتادا «استانا وپەرا» تەاترىندا قويىلىم پرەمەراسى زور تابىسپەن ءوتتى.
رۋحانيات • 11 قازان, 2019
ابايعا تاعزىم: قاللەكي تەاترى جاڭا ماۋسىمىنىڭ شىمىلدىعىن ءتۇردى
ەلوردانىڭ باس تەاترى – ق.قۋانىشباەۆ اتىنداعى اكادەميالىق قازاق مۋزىكالىق دراما تەاترىنىڭ باعزىدان بۇلجىماس قاعيداعا اينالىپ, ەرتەدەن كەلە جاتقان ادەمى ءداستۇرى بار. ول – قوڭىر كۇزبەن جاراسا شىمىلدىعىن تۇرەر ءار ماۋسىمىن مۇحتار اۋەزوۆتىڭ ايگىلى «اباي» قويلىمىمەن اشىپ, ءدال سول سپەكتاكلمەن جەمىستى شىعارماشىلىق جۇمىسىن تۇيىندەۋ. جاڭالىققا تولى كەزەكتى ءححىح تەاتر ماۋسىمىن ۇلى اقىن رۋحىنا تاعزىم ەتۋدەن باستادى.
كينو • 01 قازان, 2019
اقان ساتاەۆ: «توميريس» – رەجيسسەرلىك تاجىريبەمدەگى ۇلكەن مەجەم
رۋحانيات • 30 قىركۇيەك, 2019
ۇلى دالا رۋحىن تىرىلتكەن تۋىندىنىڭ پرەمەراسى نەگە قازاق تىلىندە وتپەدى؟
قازاقتىڭ جانىن ۇلتتىق رۋحپەن سۋارعان تاعى ءبىر تاماشا تۋىندى كوپشىلىككە جول تارتتى. كورەرمەنىن ەكى جارىم جىلدان بەرى تاعاتسىزداندىرا توستىرعان ء«توميريستىڭ» ۇلكەن ەكرانداعى تۇساۋى كەسىلدى. ەلوردانىڭ «قازاقستان» ورتالىق كونتسەرت زالىندا وتكەن فيلم پرەمەراسىنا ءتول تاريحىن تانۋعا ۇمتىلعان حالىق ينە شانشار ورىن قالدىرماي, لىق تولدى.
كينو • 24 قىركۇيەك, 2019
ءالميرا تۇرسىن: مەنىڭ ىشىمدە ءوز ءتوميريسىم ءومىر سۇرەدى
ءتۇبى ءبىر تۇركى جۇرتىنىڭ تۇتاستىعى جولىنا عۇمىرىن ارناپ, تاعدىرىن قيعان داڭقتى قولباسشىلار, جاۋجۇرەك باتىرلار تۇلعاسى تاريح ءۇشىن قاشاندا قاستەرلى. ۋاقىت-اعزام الاقانىندا الدەقاشان جازىلىپ قالعان اقيقات كەيىنگى ۇرپاققا عۇمىرلىق تاعىلىم دەسەك تە, سول دالا دانىشپاندارىن لايىقتى دەڭگەيدە ۇلىقتاي الىپ جاتىرمىز با؟! بۇعان ەلباسى نۇرسۇلتان نازارباەۆ تا « ۇلى دالانىڭ جەتى قىرى» باعدارلامالىق ماقالاسىندا ەرەكشە توقتالىپ: ء«بىزدىڭ داڭقتى باتىرلارىمىز, ويشىلدارىمىز بەن ەل بيلەۋشىلەرىمىز – تەك قازاقستان عانا ەمەس, سونداي-اق بۇكىل الەم بويىنشا ەلىكتەۋگە لايىقتى تۇلعالار» – دەپ, وسكەلەڭ ۇرپاقتىڭ تانىمىن تاعىلىمدى تاريحپەن سۋارىپ, پاتريوتتىق رۋحتا تاربيە الۋىنا, جاس وسكىندەر ساناسىنا ۇلت قاھارماندارىن ۇلگى تۇتۋ ءۇردىسىن قالىپتاستىرۋعا جول اشاتىن ساپالى فيلمدەر مەن ساحنالىق قويىلىمداردى جارىققا شىعارۋ جۇمىستارىنا بارىنشا نازار اۋدارۋ كەرەكتىگىن ايرىقشا اتاپ وتكەن بولاتىن. ۇسىنىس باياندى باستامالارعا ارقاۋ بولىپ, ۇلتتىق كينەماتوگرافيا بىرنەشە ساپالى كوركەم تۋىندىمەن تولىعىپ ۇلگەردى. سونىڭ ءبىرى – «توميريس» ءفيلمى. «توميريس» كينو تىلىندە سويلەيدى» دەگەن اقجولتاي حاباردى ەستىگەننەن باستاپ-اق پرەمەرا كۇنىن كوپشىلىك قاۋىم اسىعا كۇتتى. اسىرەسە باستى ءرولدى سومدايتىن اكتريسانىڭ تاڭدالۋى قىزۋ تالقىعا تۇسكەنى دە ۇمىتىلا قويعان جوق. قازاقستاندى بىلاي قويعاندا, اتاعى كۇللى تۇركىنى شارلاپ كەتكەن تۋىندى حالىقتىڭ ءتول تاريحىن تانۋعا دەگەن ىنتا-ىقىلاسىن ايگىلەپ بەردى. ساناۋلى كۇننەن كەيىن وتاندىق رەجيسسەر اقان ساتاەۆتىڭ كوركەم ساراپتاۋىندا كوپشىلىكپەن قاۋىشقالى وتىرعان كارتينادا باستى ءرولدى كينو الەمىندەگى جاڭا ەسىم – ءالميرا تۇرسىن سومدايدى. اتى اڭىزعا اينالعان ايگىلى ساق پاتشايىمىن ءوز بيىگىندە بەينەلەۋ جولىندا تەر توككەن اكتريسامەن فيلم تۇساۋكەسەرى الدىندا جولىعىپ, از-كەم وي ءبولىسۋدىڭ ءساتى تۇسكەن ەدى.
رۋحانيات • 17 قىركۇيەك, 2019
فاريزا... فاريزا – جىر... فاريزا – تاعدىر...
– اپكە, ارتىق بيلەتىڭىز جوق پا؟ قانشا بولسا دا ساتىپ الامىن... – دەپ قيىلدى ستۋدەنت قىز. – جوق, ءوزىم دە بيلەت تاپپاي, نە ىستەرىمدى بىلمەي تۇرمىن, – دەدى بالا جەتەكتەگەن ورتا جاستاعى كەلىنشەك كۇمىلجي. بۇل – م.اۋەزوۆ تەاترى الدىنداعى «فاريزا» سپەكتاكلىنىڭ پرەمەراسى كۇنگى كورىنىس. الماتىنى قانشا جەردەن مادەنيەتتىڭ ورداسى دەسەك تە, ءدال وسىنداي ەسىككە ەنتەلەي ىشكە كىرۋگە ۇمتىلعان ەسەپسىز كورەرمەننىڭ قاراسىن كورمەگەلى كوپ بولىپ ەدى. قۋاندىق ءھام ويلاندىق. حالىق اقىنىن ساعىنىپتى...
رۋحانيات • 13 قىركۇيەك, 2019
قاراعاندى وبلىسىنىڭ قارقارالى وڭىرىنە جولى تۇسكەن كەز كەلگەن جولاۋشىنىڭ قالانىڭ اسەم تابيعاتىمەن تانىسۋ ساپارىنداعى ەڭ ءبىرىنشى قوياتىن ساۋالى بۇل. قيسىنسىز ەمەس. ويتكەنى اتى عانا ەمەس, زاتى دا تالاي تىلسىم مەن جۇمباققا ارقاۋ بولعان اۋليەكولدىڭ شايتانكولگە اينالعانعا دەيىنگى تاريحىندا ادام تۇيسىگى ءتۇسىنىپ بولماس قانشاما سىر جاتىر.
رۋحانيات • 06 قىركۇيەك, 2019
كيەلى قارقارالى توپىراعى كورسە كوز سۇيسىنەر اسەم تابيعاتى, تامىرىن تەرەڭگە تارتقان تاعىلىمدى تاريحىمەن عانا ەمەس, تالاي عۇلاما عالىمداردىڭ تابانىنىڭ ءىزى قالعان سىرعا تولى شەجىرەسىمەن دە قاستەرلى. مۇنى كەزىندە قازاقتىڭ ءبىرتۋار پەرەزەنتى قانىش ساتباەۆ: «التايدان كارپاتقا دەيىنگى ۇلان-بايتاق دالادا ءدال قارقارالى توپىراعىنداي قاسيەتتى جەر جوق» دەپ ءدوپ باسىپ باعالاعان بولاتىن. مىنە, وسى ءبىر كيەلى مەكەننىڭ قاسيەتىنە قاسيەت, تاريحىنا تاعىلىم ۇستەيتىن ەسىمدەردىڭ بىرەگەيى – قۇنانباي قاجى مەن حاكىم اباي تۇلعاسى.
رۋحانيات • 04 قىركۇيەك, 2019
تاريحپەن تىلدەسكىڭ كەلسە – مۋزەيگە بار. ويتكەنى تاعىلىمدى مەكەن تورىنەن ورىن العان شەجىرە تۇنعان جادىگەرلەر گالەرەياسى تاريح تارامدارىن كونە زاماننان بۇگىنگە دەيىن شەبەر تارقاتادى. وسى داستۇردەن جاڭىلماي جۇمانىڭ كەشىندە ءبىز دە ەلورداداعى ۇلتتىق مۋزەيگە قاراي باعىت بۇردىق.
