حالىق • 17 ءساۋىر, 2024
ۇلتتىق ۇلان كومەك كۇشىن ەسەلەدى
ىشكى ىستەر ءمينيسترى ەرجان سادەنوۆتىڭ بۇيرىعىمەن ۇلتتىق ۇلاننىڭ 3 مىڭنان اسا اسكەري قىزمەتشىسى قوسىمشا كۇش رەتىندە سۋ تاسقىنىنان زارداپ شەككەن ەلىمىزدىڭ باتىسى مەن سولتۇستىگىندە بەلسەندى كومەك كورسەتىپ جاتىر.
قوعام • 16 ءساۋىر, 2024
جاڭا نورما جاسىرىن قىلمىسقا جول بەرمەيدى
تۇرمىستىق زورلىق-زومبىلىق تۋرالى قۇجات قوعام تاراپىنان قىزۋ پىكىرتالاس تۋعىزىپ, زاڭ شىعارۋشى ورگاننىڭ الدىنان دا بىرنەشە رەت ءوتتى. كەشە مەملەكەت باسشىسى قاسىم-جومارت توقاەۆ ەلدە ەڭ كوپ تالقىلانعان زاڭعا قول قويدى. ويتكەنى ايەل قۇقىعى اياققا تاپتالىپ, بالا قاۋىپسىزدىگى باس قايعىعا اينالعان قوعامدا قىلمىستى بۇدان ءارى قىلمىسسىزداندىرۋعا بولمايتىنى انىق بايقالىپ وتىر. زاڭعا سايكەس ايەلدەر مەن بالالارعا قاتىستى كەز كەلگەن سيپاتتاعى زورلىق-زومبىلىققا جاۋاپكەرشىلىك قاتاڭداتىلىپ, وتباسى ينستيتۋتىن, كامەلەتكە تولماعانداردىڭ قاۋىپسىزدىگىن نىعايتاتىن جاڭا نورمالار ەنگىزىلدى.
قوعام • 15 ءساۋىر, 2024
سولتۇستىك قازاقستان وبلىسىنداعى سەرگەەۆ سۋ قويماسىنداعى سۋدىڭ سىيىمدىلىعى نورمادان اسىپ كەتكەن. مۇنداعى سۋ كولەمى ادەتتەگىدەن 160%-عا ارتىق. بۇل سۋ كولەمىنىڭ شەكتى دەڭگەيى ەمەس. قازىرگى ساتتە جينالعان سۋدىڭ بيىكتىگى 3,5 مەتردەن اسقان. ءوڭىردىڭ 8 اۋدانىندا جاعداي ءالى دە كۇردەلى. كوپ اۋىلدى سۋ باسۋ قاۋپى بار. وڭىردەگى ەلۋ جولدى سۋ شايىپ كەتتى. سۋ باسقان اۋداندارداعى قاۋىپسىزدىكتى باقىلاۋ جانە جەرگىلىكتى تۇرعىندارعا كومەك قولىن سوزۋ ءۇشىن وڭىرگە مىڭداعان ۇلتتىق ۇلاننىڭ اسكەري قىزمەتشىسى مەن پوليتسيا قىزمەتكەرى قىزمەت اتقارىپ ءجۇر.
زەردە • 11 ءساۋىر, 2024
اسلانبەك قانسارباەۆ: تاريح – ۇرپاقتى تاربيەلەيتىن دايەكتى قۇرال
ۇرپاقتىڭ ءبىلىم كوكجيەگىن كەڭەيتىپ, تانىم-تۇيسىگىن قالىپتاستىرۋدا, ۇلتتىق قۇندىلىقتى دارىپتەۋ مەن تاريحىمىزدى تانىتۋدا الەۋمەتتىك جەلىنىڭ دە الار ورنى زور. بىزدە «الەۋمەتتىك جەلىدە حايپ قۋعاندار ءجيى وتىرادى» دەگەن تۇسىنىك قالىپتاسقان. بىراق شىندىعىن ايتۋ كەرەك, مۇنداعى قالىڭ جۇرتتىڭ اراسىندا حالقىمىزدىڭ وتكەنىنە, عىلىم مەن بىلىمگە قىزىعاتىن وقىرمان كوپ. ماسەلەن, تاريحشى اسلانبەك قانسارباەۆتىڭ Youtube ارناسىنا جازىلعان 200 مىڭعا جۋىق جازىلۋشى تىڭ دەرەكتى تالقىلاپ, ۇسىنىس-پىكىرىن بىلدىرۋدەن جالىققان ەمەس. جاقىندا «اك-79» دەگەن اتاۋمەن بەلگىلى ارنا اۆتورىمەن سۇحباتتاسۋدىڭ ءساتى تۇسكەن ەدى.
ۋنيۆەرسيتەت • 10 ءساۋىر, 2024
تۇرار رىسقۇلوۆ ەسىمىن ۋنيۆەرسيتەتكە قايتارۋ – كوپتىڭ قالاۋى
قازىرگى جوعارى مەكتەپ – عىلىم-ءبىلىم مەن وتانشىلدىقتىڭ وشاعى. بىزدە قالىپتاسقان داستۇرگە سايكەس, ۇلتتىق جانە وڭىرلىك ۋنيۆەرسيتەتتەردىڭ ءاربىرى تاريحىمىزداعى ءىرى تۇلعالاردىڭ ەسىمىن العان. سونداي وقۋ ورىندارىنىڭ ءبىرى ت.رىسقۇلوۆ اتىنداعى ۇلتتىق ەكونوميكا ۋنيۆەرسيەتى ەدى. «ەدى» دەگەندى امالسىز ايتىپ وتىرمىز. ەل تاۋەلسىزدىگىنە ەڭبەك سىڭىرگەن شەرحان مۇرتازا, ءابىش كەكىلباەۆ, كامال سمايىلوۆ سىندى زيالىلاردىڭ, مولديار سەرىكباەۆ سەكىلدى قوعام جانە عىلىم وكىلدەرىنىڭ باستاماسىمەن 2000 جىلى بۇرىنعى حالىق شارۋاشىلىعى ينستيتۋتى (نارحوز) ۇلتتىق ەكونوميكالىق ۋنيۆەرسيتەتكە اينالىپ, وعان كورنەكتى تاريحي تۇلعا تۇرار رىسقۇلوۆتىڭ ەسىمى بەرىلگەن. كوپ كەشىكپەي وقۋ عيماراتى الدىنان قايراتكەردىڭ ەسكەرتكىشى بوي كوتەردى. 2013 جىلعا دەيىن وسى اتپەن الەمگە تانىلدى. جىلدا ەكونوميكالىق ت.رىسقۇلوۆ فورۋمى (وقۋلارى) ءوتىپ تۇردى... بۇدان كەيىن بۇل وقۋ ورنى جەكەمەنشىككە ءوتىپ, تاۋەلسىزدىك مۇراتىمەن كەلگەن باستامانىڭ ءبارى تاس-تالقان بولدى. باس عيمارات الدىنداعى ەسكەرتكىش تە جاسىرىن الىنىپ تاستالدى. ەڭ سوراقىسى, بەيداۋا نارىق «اكۋلالارى» جەكشەلەندىرگەن وقۋ ورنى كەڭەستىك ەكونوميكا اتاۋىن («نارحوز») تاڭداپ, ۋنيۆەرسيتەت سايتىنداعى تاريحىنان ت.رىسقۇلوۆقا قاتىستى دەرەكتىڭ ءبارىن جويدى. مۇنى قازاقشا – قاسيەتسىزدىك, ورىسشا – «كوششۋنستۆو», اعىلشىنشا «blasphemy» دەمەي تۇرا المايمىز. ءبىز وسى ماتەريالدى جازۋ بارىسىندا «Egemen Qazaqstan» گازەتىنىڭ قالىپتاسۋى مەن دامۋىنا ەڭبەك سىڭىرگەن ت.رىسقۇلوۆتىڭ (باسقارعان ۋاقىتى – 1926 جىل), شەرحان مۇرتازانىڭ (1989-1992), ءابىش كەكىلباەۆتىڭ (1992-1993) ارۋاعى الدىنداعى پارىزىمىزدى دا قاپەرگە الدىق.
كينو • 09 ءساۋىر, 2024
رەجيسسەر رينات بالعاباەۆتىڭ «بۇۇ-ايەلدەر» قۇرىلىمىنىڭ قولداۋىمەن تۇسىرىلگەن «گورگونا» دەرەكتى ءفيلمىنىڭ كورسەتىلىمى ميلليون قارالىم جيناعان. بۇل تۋرالى استانادا وتكەن ءباسپاسوز ءماسليحاتىندا ايتىلدى. تۋىندى بۇگىنگى قوعامنىڭ وزەكتى تاقىرىبىنا اينالعان سەكسۋالدىق زورلىق-زومبىلىق ماسەلەسىن قاۋزاپ قانا قويماي, تاعدىرى ۇقساس كەيىپكەرلەردىڭ بويىنداعى وزىنە دەگەن سەنىمدىلىكتى ارتتىرۋعا ۇندەيدى.
ايبىن • 08 ءساۋىر, 2024
تۇرمىستىڭ تاۋقىمەتىنە ارقا توسىپ, ەڭبەككە ەرتە ارالاسقان سەرجانت شاحرۋحقوجا ابدۋرازاكوۆ وزگە بالالار ويىن الاڭىندا ۋاقىت وتكىزىپ جۇرگەندە, ماقتا مەن جۇگەرى تەرىپ, اتا-اناسىنا قولعابىس, باۋىرلارىنا قامقورشى بولدى. ال وتان الدىنداعى بورىشىن وتەۋ ونىڭ ءومىرىن تۇبەگەيلى وزگەرتتى. ۇلتتىق ۇلان ساپىنا قوسىلعان ول قازىر 3660 اسكەري ءبولىمىنىڭ 2-اتقىشتار روتاسى 4-ۆزۆود 2-بولىمشەسىنىڭ كومانديرى قىزمەتىن اتقارىپ ءجۇر. بولاشاقتا ارنايى جاساق قاتارىندا قىزمەت ەتۋدى ماقسات تۇتقان جىگىتتىڭ جوسپارى كوپ.
ۇكىمەت • 04 ءساۋىر, 2024
جىلۋ ەنەرگەتيكاسىن رەتتەيتىن قۇجات
كەشە ءماجىلىس سپيكەرى ەرلان قوشانوۆتىڭ توراعالىعىمەن پالاتانىڭ جالپى وتىرىسىندا سەگىز قۇجات قارالدى. ونىڭ ىشىندە مەملەكەتتiك ناگرادالار, جىلۋ ەنەرگەتيكاسى مەن مەملەكەتتىك ساتىپ الۋ ماسەلەسىنە قاتىستى زاڭ جوبالارى بار. سونداي-اق «قازاقستان رەسپۋبليكاسى مەن ۆەتنام سوتسياليستىك رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى», اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن وزگەرىستەر مەن تولىقتىرۋلار تالقىعا سالىنىپ, ساتىپ الۋ جانە زاڭنامالىق اكتىلەردى نورمالاردىڭ ارتىق (شامادان تىس) زاڭنامالىق رەگلامەنتتەلۋى تۇرعىسىنان رەۆيزيالاۋ تۋرالى قۇجات ءبىرىنشى وقىلىمدا قارالدى.
قوعام • 04 ءساۋىر, 2024
وسى كۇنى وزگەنىڭ قايعىسىن ءوز پايداسىنا اينالدىرعان الاياقتار مەن ساۋاپتان سىباعا دامەتىپ, جومارت جانداردىڭ ارقاسىندا قالتاسىن قالىڭداتىپ جاتقانداردىڭ سانى ارتتى. جەتىم مەن جەسىردىڭ كوز جاسىن ءسۇرتىپ, كەمباعالداردىڭ قاجەتتىلىگىنە قارايلاسۋ – قايىرلى ءىس.
قوعام • 28 ناۋرىز, 2024
جىلى سوزگە ءزارۋ قوعامدا وزگەلەردىڭ ومىرىنە اراشا بولىپ, ەرلىك كورسەتكەن ادامداردىڭ ارەكەتىنە جوعارى باعا بەرۋ ادىلەتتى. ايتكەنمەن ءار نارسەدەن ىلىك ىزدەيتىندەر جاقىنى ەمەس, جاتقا جاساعان جاقسىلىققا دا جاقسى ءسوز ايتۋعا اسىقپايدى. اسىرەسە اڭگىمە قۇقىق قورعاۋ قىزمەتىنە كەلگەندە «بۇل ولاردىڭ تىكەلەي مىندەتى» دەيتىنىمىز دە بار. بىراق ولاردىڭ دا ەت پەن سۇيەكتەن جاراتىلىپ, وزگەلەر سەكىلدى تۇيسىك پەن سەزىم بەرىلەتىنىنە باس اۋىرتا بەرمەيمىز. ءبىز اڭگىمە ەتكەلى وتىرعان پوليتسيا مايورى نۇرلان باۋىرجان ۇلى دا انتىنا ادال, مىندەتىنە ءمىنسىز قىزمەتكەر.
