قوعام • 23 تامىز, 2024
«كىتاپ وقۋ – مادەنيەتتىڭ بيىگى»
«Baurzhan Foundation» قورىنىڭ نەگىزىن قالاپ, ەلىمىزدەگى بىرقاتار الەۋمەتتىك ءساتتى جوبانىڭ باستاماشىسى بولىپ جۇرگەن جۇلدىز وماربەكتىڭ ەسىمى كىتاپسۇيەر قاۋىمعا ەتەنە تانىس. ونىڭ مەنەدجەرلىك قىرىنىڭ ارقاسىندا ومىرگە كەلگەن ادەبي ءھام الەۋمەتتىك جوبالار كەيىنگى ونجىلدىقتا زور قارقىن الىپ, باسپاگەرلەر مەن قالامگەرلەر اراسىن جالعاعان التىن كوپىرگە اينالدى. بيىل قوعام بەلسەندىسىنىڭ يدەياسىمەن ومىرگە كەلگەن ىرگەلى جوبالاردىڭ ءبىرى «KitapFest» كىتاپ فەستيۆالىنىڭ 10 جىلدىق مەرەيتويى اتالىپ وتىلمەك. وسى رەتتە تاجىريبەلى مامانمەن وتاندىق ادەبي نارىق, كىتاپ وقۋ مادەنيەتى توڭىرەگىندە از-كەم اڭگىمە ءوربىتىپ, سالانى دامىتۋ تەتىكتەرى تۋرالى سۇراق-جاۋاپ الماسقان ەدىك.
تەاتر • 19 تامىز, 2024
«ايەل تۇرماي, ەركەك ويانبايدى». ەر مەن ايەل تابيعاتىن ءبىراۋىز سوزبەن تۇيىندەگەن ع.مۇسىرەپوۆتىڭ ايگىلى «ۇلپان» رومانى وسى ەپيگرافپەن باستالاتىن. ءوز ورتاسىنان وزىپ تۋعان قازاق ايەلىنىڭ سونى بەينەسى سومدالعان تاريحي تۋىندى ۇلتتىق ادەبيەتتىڭ ۇلكەن تابىسى سانالدى, سونىمەن قاتار ادەبيەتتىڭ ءبىر قاناتى – تەاتر رەجيسسەرلەرىنىڭ دە نازارىنان قاعىس قالمادى.
مادەنيەت • 31 شىلدە, 2024
الماتىدا تسيرك ونەرىنىڭ بۇگىنگى جەتىستىگى مەن جاڭالىعىن ايگىلەيتىن ءىى حالىقارالىق «Almaty Circus Festival» دوداسى مارەسىنە جەتتى. قازاقستان, قىتاي, جاپونيا, ارگەنتينا, برازيليا, پورتۋگاليا, يسپانيا, يتاليا, رەسەي, ۆەتنام, بەلارۋس, وزبەكستان, ۋكراينا, ارمەنيا, تاجىكستان, ياكۋتيا, قىرعىزستان, ەفيوپيا سەكىلدى الەمنىڭ 18 ەلىنەن كەلگەن 80-نەن اسا تسيرك ونەرىنىڭ مىقتىلارى ءۇش كۇن بويى تالانتىن تارازىعا سالىپ, حالىقارالىق قازىلار القاسى مەن كورەرمەندەردىڭ الدىندا تاۋەكەل مەن ەپتىلىككە قۇرىلعان ونەردى ءتۇرلى قىرىنان تانىستىردى. ءدال فەستيۆال اشىلعان كۇنى قازاق مەملەكەتتىك تسيركىنىڭ ىرگەتاسى قالانعانىنا 54 جىل تولىپ, جارتى عاسىردان استام تابىستى ەڭبەك ەتىپ كەلە جاتقان ۇلتتىق ونەر وشاعىنىڭ وزىنە عانا ءتان ءتول فەستيۆالىنىڭ بولۋى زاڭدى ەكەنىن شەتەلدەن كەلگەن مەيماندار دا ورىندى اتاپ ءوتتى.
ءبىلىم • 27 شىلدە, 2024
ەلىمىزدىڭ ەكونوميكالىق دامۋى ءۇشىن جۇمىسسىزدىق دەڭگەيى تومەندەپ, ءبىلىم ساپاسى جوعارى بولۋى كەرەك ەكەنى بەلگىلى. اسىرەسە ايماقتاردى, سونىڭ ىشىندە ءبىر سالانىڭ ءوندىرىسى توڭىرەگىنە شوعىرلانعان مونوقالالاردىڭ الەۋەتىن كوتەرۋ اسا ماڭىزدى. وسى ورايدا «قازمۇنايگاز» ۇق اق قولداۋىمەن ماڭعىستاۋ ءوڭىرى مەن جاڭاوزەن جاستارى ءۇشىن ىسكە اسىرىلىپ جاتقان «جارقىن بولاشاق» باعدارلاماسىنىڭ ورنى بولەك. ىرگەلى جوبانىڭ ماقساتى مەن ەرەكشەلىگى تۋرالى حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلى اڭگىمەلەپ بەردى.
تەاتر • 16 شىلدە, 2024
كانادا كورەرمەندەرىن تامساندىردى
الماتى مەملەكەتتىك قۋىرشاق تەاترى كانادانىڭ وتتاۆا قالاسىندا وتكەن ءى حالىقارالىق «وتتاۆا» قۋىرشاق تەاترلار فەستيۆالىنە قاتىسىپ, «رومەو مەن دجۋلەتتا» قويىلىمى ءۇشىن گران-پري جۇلدەسىنە يە بولدى.
قوعام • 05 شىلدە, 2024
«دونور بۇيرەكپەن ءجۇرىپ دومبىرا ءۇنىن كوككە سامعاتتى»
تۇلعالاردىڭ ورنى مەن داڭقىنىڭ ۋاقىت وزعان سايىن بيىكتەي تۇسەتىنى بار. ونىڭ ەڭ ۇلكەن سەبەبى, سوڭىندا قالدىرعان مۇراسىنىڭ مولدىعىندا ەمەس, قۇندىلىعى مەن قۇنارلىلىعىندا, ماڭىزدىلىعى مەن قالىڭ قاتپارىندا بولۋى كەرەك. قازاق حالقىنىڭ اسىل قازىناسى قوس ىشەكتى قارا دومبىرانى ومىرىنە سەرىك ەتىپ, ال قالاقتاي جۇرەگىن تيەك ەتىپ, سيقىرلى ساۋساعىنان سورعالاعان كۇيىمەن جىلاعاندى جۇباتىپ, قۇلازىعاندى قۋانتقان قارشىعاسىن قازاق ەشقاشان ۇمىتپاق ەمەس. كۇمبىرلەگەن ءۇننىڭ كەرەمەتى دارىپتەلەتىن وسىناۋ اتاۋلى كۇننىڭ قارساڭىندا ايگىلى كۇيشىنى ەسكە الساق, ۇلت ونەرىندە ۇمىتىلۋى مۇمكىن ەمەس ەسىمدى جاڭعىرتىپ وتىرۋدى پارىز ساناعاننان. قىزىقتى ەستەلىك سۇراپ, قولقا سالعاندا, قيماس جان تۋرالى ساعاتتاپ سويلەۋدەن تالمايتىن جارىنان ارتىق كىمدى تابارسىڭ؟ نۇربيكە احمەدياروۆا – قازاق ونەرىن كۇيمەن كومكەرگەن ايگىلى كۇيشى, داۋلەسكەر دومبىراشى, قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى قارشىعا احمەدياروۆتىڭ قىرىق جىل وتاسقان جارى. قىرىق جىل مەديتسينا سالاسىندا تالماي قىزمەت اتقارعان دەنساۋلىق سالاسىنىڭ ارداگەرى, تاجىريبەلى پەدياتر دارىگەر. ەڭبەك جولىن قاراپايىم ۋچاسكەلىك دارىگەرلىكتەن باستاپ, ەمحانانىڭ باس دارىگەرىنە دەيىن كوتەرىلىپ, ۇجىم باسقارعان بىلىكتى باسشى دا بولعان.
ونەر • 19 ماۋسىم, 2024
قىرىق جىلدان سوڭ قايتا جاڭعىردى
اباي اتىنداعى قازاق ۇلتتىق وپەرا جانە بالەت تەاترىنداعى تالعامى بيىك كورەرمەن سۇرانىسىنا ساي ساحنادان تۇسپەي كەلە جاتقان ايگىلى «سيلفيدا» بالەتى قىرىق جىلدان سوڭ قايتا جاڭعىردى. «سيلفيدا» بالەتىنىڭ العاشقى نۇسقاسى 1984 جىلى 31 ناۋرىزدا ەلزا-مارياننا فون روزەنىڭ وڭدەۋىمەن مارين تەاترىنىڭ ءسوليسى, بالەتمەيستەر جانە رەسەيدىڭ ەڭبەك سىڭىرگەن پەداگوگى كسەنيا تەر-ستەپانوۆانىڭ ساحنالاۋىمەن قازاق كورەرمەنىنە ۇسىنىلعان بولاتىن.
قوعام • 15 ماۋسىم, 2024
تسيفرلاندىرۋ – اقپاراتتىق قوعامنىڭ اجىراماس بولىگى
2017 جىلدان باستاپ جىل سايىن قازاقستان رەسپۋبليكاسى پرەزيدەنتىنىڭ ءارحيۆى مەن ءال-فارابي اتىنداعى قازاق ۇلتتىق ۋنيۆەرسيتەتى جانە رەسەي مەملەكەتتىك گۋمانيتارلىق ۋنيۆەرسيتەتى بىرلەسە وتىرىپ, جاس ارحيۆشىلەردىڭ حالىقارالىق جازعى مەكتەبىن وتكىزىپ كەلەدى. بيىلعى جاس ارحيۆشىلەردىڭ VII حالىقارالىق جازعى مەكتەبى قازۇۋ-دىڭ ءال-فارابي كىتاپحاناسىندا سالتاناتپەن اشىلىپ, اۋقىمدى ءىس-شارا 100-دەن اسا قاتىسۋشىنىڭ باسىن قوستى. حالىقارالىق فورۋم قازاقستان پرەزيدەنتى ءارحيۆىنىڭ 30 جىلدىعىنا جانە ءال-فارابي اتىنداعى قازۇۋ-دىڭ 90 جىلدىعىنا ارنالعان مەرەيتويلىق ءىس-شارالار اياسىندا وتكىزىلدى.
كينو • 15 ماۋسىم, 2024
«ويجۇمباقتىڭ» تاعدىرى ءوز قولىمىزدا
توعىز جىل بۇرىن ءتۇسىرىلىپ, جارىققا شىعا سالا «جىلدىڭ ۇزدىك ءفيلمى» اتانىپ, وسكاردى يەلەنىپ, شارتاراپتاعى كينوسۇيەر قاۋىمدى ءالى كۇنگە تامساندىرىپ كەلە جاتقان «ويجۇمباق» انيماتسيالىق تۋىندىسىنىڭ جالعاسى بولاتىنى جاريالانعاندا, الەم كورەرمەنى ونى اسىعا كۇتتى. اتاعى دۇركىرەگەن ءفيلمنىڭ ءبىرىنشى ءبولىمىن الەمنىڭ كوپتەگەن ەلى جالما-جان ءوز تىلىنە اۋدارىپ الىپ, ۇرپاعىنىڭ دۇرىس دامۋىنا كادەگە جارايتىن كومەكشى قۇرال ەسەبىندە ۇسىنىپ جاتتى. الەمدىك كينەماتوگرافيانىڭ تابىستى تۋىندىلارىنىڭ ءبىرى سانالاتىن «ويجۇمباق 2» ءفيلمىنىڭ قازاق تىلىنە ءتارجىمالانىپ, قازاقتىلدى اۋديتورياعا جول تارتۋى – رۋحانياتىمىزداعى ەلەۋلى وقيعا. كينو الەمىنە ناعىز جاڭالىق بولىپ ەنگەن ءفيلمدى قازاقتىلدى كورەرمەنگە جەتكىزۋ ءۇشىن Disney ستۋدياسى دۋبلياجدى العاش رەت ءوز ەسەبىنەن قارجىلاندىرىپ وتىر.
ونەر • 08 ماۋسىم, 2024
ءبىر-بىرىنە مۇلدە ۇقسامايتىن ەكى مۋزىكالىق جۇيەنى, ەكى ءتۇرلى مۋزىكا ءتىلىن – ەۋروپانىڭ وپەراسى مەن قازاقتىڭ ءداستۇرلى مۋزىكالىق مادەنيەتىن بىرىكتىرىپ, ۇلتتىق كلاسسيكالىق تۋىندى جازۋ جانە ونى ساحنالاۋ استە وڭاي ەمەس.
