مۋزەي • 11 قازان, 2024
«اناعا قۇرمەت» – ايرىقشا مۋزەي
وسى ۋاقىتقا دەيىن انا مەن بالانىڭ, وتباسىلىق قۇندىلىقتاردىڭ ماڭىزىن ناسيحاتتاپ, ۇلتتىق ءداستۇردى جاڭعىرتۋعا ۇلەس قوسىپ جۇرگەن «اناعا قۇرمەت» مۋزەيى بيىل العاشقى 10 جىلدىق مەرەيلى بەلەسىن اتاپ ءوتتى.
ارحيۆ • 07 قازان, 2024
الەم ەلدەرىنىڭ ارحيۆشىلەرى الماتىدا
1-4 قازان ارالىعىندا الماتىدا قازاقستان رەسپۋبليكاسى پرەزيدەنتىنىڭ ءارحيۆى ۇيىمداستىرعان «مۇرا ينستيتۋتتارى قوعامدى ورنىقتى دامىتۋ جولىندا» تاقىرىبىنداعى ءىى ارحيۆشىلەر كونگرەسى ءوتتى. ارحيۆشىلەر كونگرەسىنىڭ قازاقستان-بريتان تەحنيكالىق ۋنيۆەرسيتەتى عيماراتىنىڭ «تاۋەلسىزدىك زالىندا» ءوتۋىنىڭ تاريحي ءمانى زور. وسى زالدا 1990 جىلى مەملەكەتتىڭ «ەگەمەندىك تۋرالى» دەكلاراتسياسى قابىلدانعان. بيىل ەكىنشى رەت وتكىزىلىپ وتىرعان كونگرەسس قاتىسۋشىلارىنىڭ قاتارى بۇۇ, يۋنەسكو, حالىقارالىق ارحيۆتەر كەڭەسىنىڭ لاۋازىمدى تۇلعالارىمەن تولىقتى. كونگرەسس جۇمىسى تمد, ورتالىق ازيا, وڭتۇستىك-شىعىس ازيا, تاياۋ شىعىس, ەۋروپالىق وداق, اقش – جالپى سانى 20 ەلدەن كەلگەن ارحيۆ قىزمەتىنىڭ باسشىلارى مەن قىزمەتكەرلەرىنىڭ, عالىمدار مەن جەتەكشى ساراپشىلاردىڭ باسىن قوستى. سونداي-اق ءتورت كۇنگە سوزىلعان ءدۇبىرلى جيىنعا ەلىمىزدىڭ 150-دەن اسا ورتالىق جانە وبلىستىق ارحيۆ, ءبىلىم بەرۋ مەكەمەلەرىنىڭ باسشىلارى مەن قىزمەتكەرلەرى قاتىستى.
مادەنيەت • 03 قازان, 2024
تورقالى تويدا 126 ارداگەر ماراپاتتالدى
1934 جىلى ۇلتتىق, الەمدىك كلاسسيكالىق مادەني مۇرانى ناسيحاتتاۋ ماقساتىندا قۇرىلعان اباي اتىنداعى قازاق ۇلتتىق وپەرا جانە بالەت تەاترى ءوزىنىڭ 90-ماۋسىمىن تاريح بەتىنە ورنەكتەدى. 90 جىلدىق تاريحىندا 300-دەن اسا شىعارمانى ساحناعا شىعارعان قازاق ونەرىنىڭ قارا شاڭىراعى مەرەيلى بەلەسىن تىڭعىلىقتى دايىندىقپەن قارسى الىپ وتىر. اتاۋلى كۇنگە وراي سانالى عۇمىرىن كيەلى ساحناعا, شىعارماشىلىققا قىزمەت ەتۋگە ارناعان تەاتردىڭ 126 مايتالمان مامانى ارنايى توسبەلگىمەن ماراپاتتالىپ, باعالى سىيلىقتار تابىستالدى.
ارحيۆ • 01 قازان, 2024
ارحيۆكە ارنالعان پوشتا ماركاسى
1-4 قازان كۇندەرى الماتى قالاسىندا وتەتىن «مۇرا ينستيتۋتتارى قوعامدى ورنىقتى دامىتۋ جولىندا» II كونگرەسى قارساڭىندا پرەزيدەنت ءارحيۆىنىڭ 30 جىلدىعىنا ارنالعان مەرەيتويلىق پوشتا ماركاسى ارنايى تانىستىرىلدى. سالتاناتتى ءراسىم پرەزيدەنت ءارحيۆىنىڭ عيماراتىندا ءوتتى. ارناۋلى پوشتا ماركاسىن تانىستىرۋ راسىمىنە پرەزيدەنت ءارحيۆىنىڭ ديرەكتورى ءاليا مۇستافينا مەن «قازپوشتا» اق باسقارما توراعاسى اسەل جاناسوۆا قاتىستى.
يننوۆاتسيا • 27 قىركۇيەك, 2024
ءارحيۆتى جاڭارتاتىن يننوۆاتسيا
بۇگىنگى تاڭدا مەملەكەت باسشىسى ق.توقاەۆتىڭ حالىققا ارناعان جولداۋىندا اتاپ كورسەتىلگەن توعىز باسىم باعىتتى ىسكە اسىرۋ بارلىق سالادا – ەكونوميكا, كولىك, ءوندىرىس, ءبىلىم بەرۋ, مادەنيەت جانە وزگە دە ماڭىزدى سالالاردى تسيفرلىق جاڭعىرتۋ جاعىنان دامىتۋ كوزدەلىپ وتىرعان جاۋاپتى كەزەڭدە IT-تەحنولوگيالاردى قولدانۋ مۇمكىندىگىنىڭ جاڭا كوكجيەكتەرىن اشۋ مىندەتى دە وتكىر سەزىلەتىنىن بايقاۋ قيىن ەمەس. قازاقستان پرەزيدەنتى ءارحيۆى, Satbayev Universiti جانە Yandex Qazaqstan باستاماسىمەن ۇيىمداستىرىلعان «Archive Hack: اقىلدى ارحيۆ» العاشقى ارحيۆتىك حاكاتونى ەل پرەزيدەنتى اتاپ وتكەن ەلەۋلى سالالاردى ساندىق تەحنولوگيامەن بايلانىستى وركەندەتۋ مۇراتىنا قولداۋ بىلدىرە وتىرىپ, تەحنيكالىق ۋنيۆەرسيتەت شاڭىراعىندا ارحيۆ ىسىندەگى جاڭا تسيفرلىق شەشىمدەردى بولاشاق جاس مامانداردىڭ مۇمكىندىگىمەن بىرلەسە ىزدەۋگە شاقىردى.
كورمە • 26 قىركۇيەك, 2024
قولونەرشىلەر وداعىنىڭ مۇشەسى, بەلگىلى زەرگەر, ساندىك-قولدانبالى ونەردىڭ تانىمال وكىلى سەرىكقالي كوكەنوۆ – زەرگەرلىك ونەردەگى كونە ءادىس-تاسىلدەردى قايتا جاڭعىرتىپ, زامانىنا قاراي دەم بەرەتىن دارىن يەسى. ونىڭ تۋىندىلارىندا ءبىزدىڭ داۋىرىمىزگە دەيىنگى ءىV-III عاسىرلاردا قازاق جەرىندە كەڭىنەن قولدانىلعان بۇرتىكتەۋ جانە سىركەلەۋ سىندى كونە ادىستەر باسىم.
قوعام • 18 قىركۇيەك, 2024
كىتاپ الەمىنە اينالعان فەستيۆال
14-15 قىركۇيەكتە الماتىداعى اربات الاڭى اركىم ىزدەگەنىن تاپقان ناعىز كىتاپ پاتشالىعىنا اينالدى. الماتى اكىمدىگى مادەنيەت باسقارماسى جانە قالانىڭ ورتالىقتاندىرىلعان كىتاپحانا جۇيەسىنىڭ قولداۋىمەن «Baurzhan foundation» قورى ۇيىمداستىرعان «Kitap Fest Almaty» كىتاپ فەستيۆالى ءوزىنىڭ ونجىلدىعىن اتاپ ءوتتى. ەلىمىزدىڭ كىتاپ نارىعىنداعى ەڭ ءىرى فەستيۆال قالا كۇنى قارساڭىندا مەگاپوليستىڭ مادەني مازمۇنىن تەرەڭدەتە ءتۇستى. 2014 جىلى باستاۋ العان فەستيۆال بۇگىندە ادەبي مادەنيەتتى ناسيحاتتاۋدىڭ بىرەگەي پلاتفورماسى رەتىندە تانىلعان جانە بۇل داستۇردەن بيىل دا جاڭىلعان جوق. ەرەكشەلىگى سول, فەستيۆال 10 جىلدا العاش رەت ەكى كۇن قاتارىنان ءوتتى, بۇل مەگاپوليستىڭ كىتاپسۇيەر قاۋىمىن قۋانتپاي قويمادى.
كينو • 06 قىركۇيەك, 2024
Baiqonyr – ورتالىق ازياداعى دەبيۋتتىك جانە قىسقامەترلى فيلمدەردى تانىستىراتىن بىرەگەي حالىقارالىق فەستيۆال. الماتىدا 3-8 قىركۇيەك ارالىعىنا جوسپارلانعان حالىقارالىق Baiqonyr كينوفەستيۆالى توعىزىنشى رەت ءتۇرلى باعىتتاعى رەجيسسەرلەردىڭ جارقىن تۋىندىلارىن توپتاستىرىپ, كوپشىلىككە جاڭالىعى مول كينو جارمەڭكەسى ىسپەتتى ۇسىنىپ وتىر. كينوگەرلەر اراسىندا تانىمالدىعى ارتىپ كەلە جاتقان كينوفەستيۆالگە قاتىسۋعا بيىل 670 ءوتىنىم كەلىپ تۇسكەن. فەستيۆال ءۇش باعىتتى قامتيدى: قىسقامەترلى كوركەم فيلمدەردىڭ حالىقارالىق بايقاۋى, كوركەم جانە دەرەكتى فيلمدەردىڭ ۇلتتىق بايقاۋى جانە بۇعان دەيىن «ويىن جانرىنداعى دەبيۋتتىك فيلمدەر» باعدارلاماسى رەتىندە وتكىزىلىپ كەلگەن باعىت بيىل بولەك بايقاۋ رەتىندە قاراستىرىلادى.
قوعام • 03 قىركۇيەك, 2024
شىعارما تاعدىرىن وقىرمان شەشەدى
سوڭعى جىلدارى رۋحاني الەمدە ەلەۋلى وقيعاعا اينالىپ, وقىرمان قاۋىمنىڭ وڭ باعاسىنا يە بولعان Mecenat.kz ادەبي سىيلىعىنىڭ ەڭ ماڭىزدى كەزەڭى كەشە مارەسىنە كەلىپ جەتتى. جوبا مۇشەسى, مودەراتور الىشەر راحاتتىڭ ايتۋىنشا, بيىل ۇيىمداستىرىلعان تاۋەلسىز بايقاۋعا 40-تان اسا شىعارما قاتىسقان, ونىڭ 17-ءسى قازاق تىلىندە, 23 شىعارما – ورىس تىلىندە, اراسىنان تەك التاۋى عانا ىرىكتەلىپ شىققان, 1 جازۋشى الىس شەتەلدەن قاتىسسا, اۆتورلاردىڭ اراسىندا 10 كاسىبي جازۋشى بولعان.
ونەر • 23 تامىز, 2024
«ەvigilatio» – ابستراكتىلى كوركەمسۋرەت جانرىن جانداندىرىپ جۇرگەن سۋرەتشى نارگيس راحمانوۆانىڭ كەزەكتى كورمەسىنىڭ اتاۋى. 2016 جىلى ءا.قاستەەۆ اتىنداعى مەملەكەتتىك ونەر مۋزەيىندە وتكەن كورمەسىمەن سالىستىرعاندا, بۇل كورمەنىڭ ەلەۋلى ەرەكشەلىگى بار – سۋرەتشى ويۋ-ورنەك پىشىندەرى مەن قۇرىلىمدارىنىڭ ماڭىزىن ءتۇرلى كوزقاراس تۇرعىسىنان قاراستىرىپ, بەلگىلەر مەن دىبىستارعا ەرەكشە كوڭىل ءبولىپ, ونى ماتەريالدىق الەمنىڭ ءونىمى رولىنەن جاسامپازدىق كۇشى بار كيەلى ۇعىممەن الماستىرادى.
