وليمپيادا • 15 قازان, 2023
شىمكەنت قالاسى ءوز الدىنا بولەك مەگاپوليس اتانعالى ۇلكەن سپورتتىق دودادا تۇڭعىش رەت ۇلكەن ناتيجەگە قول جەتكىزىپ وتىر. ايتپاقشى بولعانىمىز – كەشەگى قىتايدا وتكەن ءحىح ازيا ويىندارى. وسى ءدۇبىرلى جارىستا قازاقستان 10 التىن, 22 كۇمىس, 48 قولا مەدال ەنشىلەدى. سونىڭ ىشىندە 5 التىن, 10 كۇمىس, 11 قولا مەدال – شىمكەنتتىڭ ۇلەسىندە. وسىنشاما جۇلدە بويىنشا مەگاپوليس التىن, كۇمىس, قولانىڭ سانى جاعىنان رەسپۋبليكا وڭىرلەرىندە ءبىرىنشى ورىن الدى.
كاسىپكەر • 13 قازان, 2023
شىمكەنتتە 2023-2025 جىلدارعا ارنالعان وڭدەۋ ونەركاسىبىن دامىتۋ جوسپارى اياسىندا اكىمدىك شەتەلدىك ينۆەستورلار مەن ترانسۇلتتىق كومپانيالاردى مەگاپوليسكە ينۆەستيتسيا سالۋعا تارتىپ جاتىر.
شىمكەنت • 13 قازان, 2023
«باس جارىلسا – بورىك ىشىندە, قول سىنسا – جەڭ ىشىندە» دەمەكشى, ءتۇرلى وتباسىلىق, الەۋمەتتىك كيكىلجىڭنەن تۋىنداعان داۋ-دامايلاردى سوتقا جەتكىزبەي, جۇرتقا جايماي شەشۋدىڭ جولىن وسى كۇندە مەدياتسيا جاقسى اتقارىپ كەلەدى. ءتۇرلى ەتنوسارالىق تۇسىنبەۋشىلىكتەر دە اراعايىندىق كومەگىمەن جارياعا جار سالماي شەشىلىپ كەتىپ جاتىر. وسى ءۇشىن دە مەدياتسيانىڭ قۇقىقتىق ءتارتىپتى قامتاماسىز ەتۋدەگى قىزمەتى زور بولىپ تۇر. سوندىقتان بىتىمگەرلىك كاسىبىندە نان تاۋىپ جۇرگەن مامانداردىڭ قۇقىقتىق ساۋاتتىلىعىن ارتتىرۋ, تاجىريبەسىن شىڭداۋ – ماڭىزدى ءىستىڭ ءبىرى ەكەنى داۋسىز. سول سەبەپتى مەدياتورلاردىڭ كاسىبي بىلىكتىلىگىن كوتەرۋ ماقساتىندا شىمكەنت قالاسىنداعى قازاقستان حالقى اسسامبلەياسىنا قاراستى دوستىق ۇيىندە ارنايى سەمينار-ترەنينگ ءوتتى.
شىمكەنت • 11 قازان, 2023
ءبىلىم كورمەسىنىڭ جاڭا كوكجيەگى
الەمنىڭ 60 ەلىنىڭ وقۋ ورىندارى شىمكەنتتە باس قوسىپ, ءبىلىم بەرۋ سالاسىنداعى جەتىستىكتەرىن كەلۋشىلەر نازارىنا پاش ەتتى. ۋنيۆەرسيتەتتەر ۇزدىك تاجىريبەلەرىن ورتاعا سالىپ, قانداي ءتيىمدى ۇسىنىستارى بار ەكەنىن جاستارعا جان-جاقتى تانىستىرىپ بەردى. اسىرەسە مەكتەپ وقۋشىلارى مەن ستۋدەنتتەرگە تۇركيا, بىرىككەن اراب امىرلىكتەرى, چەحيا, وڭتۇستىك كورەيا, مالايزيا ەلدەرىنىڭ ۋنيۆەرسيتەتتەرى مەن ولاردىڭ وقۋ جۇيەلەرىندەگى ءبىلىم گرانتتارى ەرەكشە قىزىقتى بولدى. مەگاپوليس تورىندە وتكەن ۇلكەن ءىس-شاراعا قالاداعى جوعارى وقۋ ورىندارى مەن مەكتەپتەردەن كەلگەن جاستار مەن جاسوسپىرىمدەردىڭ جالپى سانى 1 مىڭعا جۋىقتادى.
زەردە • 10 قازان, 2023
جامالبەك شايمەردەنوۆ – كەڭەستىك ءداۋىر تۇسىندا مەملەكەتتىك جانە قوعامدىق قىزمەتتەر اتقارعان بەلگىلى تۇلعا. ول 1963 جىلى شىمكەنت وبلىستىق پارتيا كوميتەتىنىڭ ەكىنشى حاتشىسى بولدى. ەكى جىلدان كەيىن شىمكەنت وبلىستىق حالىق دەپۋتاتتارى كەڭەسى اتقارۋ كوميتەتىنىڭ توراعاسى بولىپ سايلاندى. وسى قىزمەتتى 1983 جىلعا دەيىن اتقاردى. 18 جىلدىق جوعارى لاۋازىمدىق قىزمەتىندە ءوڭىردى وركەندەتۋ باعىتىندا ەڭبەك ەتىپ, تەر توكتى. جالپى, وتكەن عاسىردىڭ 60-80-جىلدارىن كەڭەس وكىمەتىنىڭ التىن ءداۋىرى دەسە بولادى. اۋىل شارۋاشىلىعى, ءوندىرىس وسى كەزەڭدە دامىدى. وسىنىڭ ءبارى كەڭەستىك ەكونوميكانىڭ وسۋىنە الىپ كەلدى. حالىقتىڭ جاعدايى تۇزەلىپ, سوعىستان كەيىنگى قيىندىقتار مەن تۇرمىس تاۋقىمەتى ادامدار ساناسىنان ۇمىتىلا باستاعان شاق. ەل ەڭسەسىنىڭ تىكتەۋىنە ۋاقىتپەن ساناسپاي كۇندىز-ءتۇنى ەڭبەك ەتكەن ج.شايمەردەنوۆتەي ازاماتتاردىڭ بۇعان, البەتتە, ۇلەسى كوپ بولدى.
مەديتسينا • 09 قازان, 2023
شىمكەنتتەگى دياگنوستيكالىق ورتالىق ادام اعزاسىنداعى بۇكىل اۋرۋدى انىقتاپ بەرەتىن ەڭ وزىق, زاماناۋي مەديتسينالىق مەكەمە سانالادى. بۇل ورتالىقتىڭ جۇمىس ىستەپ, حالىققا قالتقىسىز قىزمەت كورسەتىپ كەلە جاتقانىنا قانشاما جىل بولدى. بويداعى دەرتتى تابۋ وتە قيىن جاعدايعا سوقتىرعان كەزدە نەمەسە كەشەندى تەكسەرۋدى قاجەت ەتكەن جاعدايدا ناۋقاستار دارىگەرلەردىڭ جولداۋىمەن وسى ورتالىققا كەلىپ اعزاداعى كىناراتتاردى انىقتاپ كەتىپ جاتادى.
شىمكەنت • 04 قازان, 2023
جۋىردا شىمكەنتكە ەنەرگەتيكا ۆيتسە-ءمينيسترى جاندوس نۇرماعانبەتوۆ ارنايى ىسساپارمەن كەلىپ كەتتى. سالا وكىلىنىڭ توراعالىعىمەن قۇرىلعان كوميسسيا قالا اكىمى عابيت سىزدىقبەكوۆپەن بىرگە شاھاردىڭ قىسقى جىلىتۋ ماۋسىمىنا دايىندىعىن تەكسەردى.
باعا • 03 قازان, 2023
باعانىڭ تۇراقتىلىعى قاداعالانادى
شىمكەنت قالاسى اۋىل شارۋاشىلىعى باسقارماسىنىڭ مالىمەتىنشە بيىل مەگاپوليس شارۋالارى 27,5 مىڭ گەكتارعا ەگىن ەكتى. ەگىستىكتەن ءداندى داقىلدار-11,4 مىڭ گا, مايلى داقىلدار-3,6 مىڭ گا, مال ازىقتىق داقىلدار-8,9 مىڭ گا, كارتوپ-0,5 مىڭ گا, كوكونىس پەن باقشا داقىلدارى-3,1 مىڭ گا قۇرايدى. بۇگىنگى تاڭدا شارۋالار 83,2 مىڭ توننا ءونىم جيناپ ۇلگەردى. جيىن-تەرىم ناۋقانى اياقتالعانشا ءونىم 87,1 مىڭ تونناعا وسەدى دەگەن بولجام بار. تارقاتىپ ايتساق ءداندى داقىلداردان-16,9 مىڭ توننا, مايلى داقىلداردان- 2,9 مىڭ توننا, كوكونىس پەن باقشادان-42,4 مىڭ توننا, كارتوپتان – 5,2 مىڭ توننا, مال ازىعى داقىلدارىنان – 15,8 مىڭ توننا ءونىم الىندى.
تەحنولوگيا • 02 قازان, 2023
وتاندىق تەحنولوگياعا ارقا سۇيەگەن كاسىپورىن
ونەركاسىپ جانە قۇرىلىس مينيسترلىگى وڭىرلەردە «وتاندىق ءوندىرىس» مەدياجوباسىن قولعا الدى. جوبا ماقساتى – وتاندىق ءوندىرىستى ناسيحاتتاۋ جانە كاسىپورىنداردىڭ بەدەلىن كوتەرۋ. سوعان وراي باق وكىلدەرى اراسىندا ءباسپاسوز تۋرى ۇيىمداستىرىلا باستادى. جۋرناليستەر جۋىردا مەدياجوبا ءىس-شاراسىمەن «Alageum Electric» حولدينگتىك كومپانياسىنىڭ قۇرامىنا كىرەتىن «كەنتاۋ ترانسفورماتور زاۋىتى» اق مەن شىمكەنتتەگى «Asia Trafo» جشس-دا بولىپ قايتتى.
شىمكەنت • 02 قازان, 2023
پرەزيدەنت جولداۋىندا مونوپوليانىڭ تابىسىن ينفراقۇرىلىمداردى جاڭارتۋعا جۇمساۋدى قامتاماسىز ەتۋ تاپسىرىلعان ەدى. وسىعان وراي ء«تاريفتى ينۆەستيتسياعا ايىرباستا» تاريفتىك ساياساتى قابىلداندى. ويتكەنى بۇگىنگى تاڭدا ەلىمىزدە ينفراقۇرىلىمدىق جۇيەلەردىڭ جارتىسىنان استامىنىڭ توزىعى جەتكەن. بۇلاردى تاريف ەسەبىنەن جاڭالاۋ كۇن تارتىبىندەگى ماسەلەگە اينالدى.
