سەنبىدەگى سەرپىن

ءىس-شارادا مەملەكەتتىك قىزمەت­شىلەر, كاسىپكەرلەر, ەرىكتىلەر, ءماسلي­حات دەپۋتاتتارى, قوعامدىق كەڭەس مۇ­شەلەرى, ارداگەرلەر مەن تۇرعىندار بەلسە­ن­دىلىگىمەن كوزگە ءتۇستى. تۇرعىن­دارعا كوممۋنالدىق مەكەمە قىز­مەت­كەرلەرى كومەكتەسىپ, 50-دەن اسا تەحنيكا جۇمىلدىرىلدى. اكتسيا قارا­شا ايىندا دا جالعاسادى. ءار سەنبىدە قۋراعان اعاشتاردىڭ ورنىنا جاسىل جەلەك وتىرعىزى­لىپ, تازارعان اۋماقتار كوگالداندىرىلادى. بۇل تۋ­را­لى قالالىق جايلى ورتانى دامىتۋ باس­قارماسى باسشىسىنىڭ مىندەتىن اتقا­رۋشى ابىلقايىر وڭعار ايتتى. 

جاسى سەكسەننەن اسقان ەڭبەك ار­دا­گەرى وركەن ابدىرەەۆ تازالىق اكتسياسى­نا ءدان ريزا. اقساقال فوسفور­شى­لار سارايى­نىڭ ماسەلەسىن ءجيى كوتەرە­تىن. ونىڭ قازىرگى احۋالىنا كوڭى­لى ءتۇسىپ, اكىم­دىكتىڭ ەسىگىن تالاي قاقتى. سول ءوتىنى­شى­نىڭ ورىندالعانىنا ەندى قۋانىشتى. 

ءال-فارابي اۋدانى اكىمىنىڭ ورىنباسارى مارات تاجىباەۆ فوسفورشىلار سارايىنىڭ ماڭىن تازالاۋعا قول كۇشى جەتپەي جۇرگەنىن  ايتتى. سەنبىلىكتىڭ تالايى ءوتتى. بىراق تازالاۋعا كوممۋ­نال­شىلار مەن تۇرعىندار كوپ قاتىس­پايتىن. بۇل جولى ادام دەگەن كوپ بولدى. تەحنيكا دا جەتىپ جاتتى.

جاۋاپتى ماماندار اكتسيا سوڭىندا تازالىق جۇمىستارىنا قاتىسقان بارشا ازاماتتارعا العىستارىن ءبىلدىرىپ, شاھاردى كورىكتى ۇستاۋعا, شىمكەنتتى جاسىل قالا دەگەن اتقا شىن مانىندە لايىقتى ەتۋگە شاقىردى.

شىمكەنت