قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №285

  2015 جىلعى 28 ءساۋىر استانا قالاسى الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق-الەۋمەتتىك كومەك كورسەتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 92) تارماقشاسىنا, 43-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق-الەۋمەتتىك كومەك كورسەتۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە بەلگىلەنگەن زاڭنامالىق تارتىپتە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ www.mzsr.gov.kz رەسمي ينتەرنەت-رەسۋرسىنا ورنالاستىرۋدى; 4) وسى بۇيرىقتى وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىنا مالىمەت ءۇشىن جەتكىزۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى №285 بۇيرىعىمەن بەكىتىلگەن الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق-الەۋمەتتىك كومەك كورسەتۋ قاعيدالارى 1. جالپى ەرەجەلەر 1. وسى قاعيدالار (بۇدان ءارى – قاعيدالار) الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق-الەۋمەتتىك كومەكتى ۇيىمداستىرۋ جانە كورسەتۋ ءتارتىبىن ايقىندايدى. 2. مەديتسينالىق-الەۋمەتتىك كومەك – «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 89) تارماقشاسىنا (بۇدان ءارى – كودەكس) سايكەس تىزبەسى ايقىندالاتىن الەۋمەتتىك ءمانى بار اۋرۋلارمەن ناۋقاستانعان ازاماتتارعا كورسەتىلەتىن مەديتسينالىق جانە الەۋمەتتىك-پسيحولوگيالىق كومەك. 3. الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق كومەك پروفيلاكتيكالىق, ەمدەۋ-دياگنوستيكالىق قىزمەتتەردى, قالپىنا كەلتىرۋ ەمىن, مەديتسينالىق وڭالتۋدى, پاللياتيۆتىك جانە الەۋمەتتىك-پسيحولوگيالىق كومەكتى قامتيدى. 4. مەديتسينالىق ۇيىمداردا الەۋمەتتىك ءمانى بار اۋرۋلاردان زارداپ شەگەتىن ازاماتتارعا مەديتسينالىق-الەۋمەتتىك كومەك كودەكستىڭ 6-بابىنىڭ 7-تارماعىنا سايكەس تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلەدى. 2. مەديتسينالىق-الەۋمەتتىك كومەكتى كورسەتۋ ءتارتىبى 5. الەۋمەتتىك ءمانى بار اۋرۋلاردان زارداپ شەگەتىن ازاماتتارعا مەديتسينالىق-الەۋمەتتىك كومەك مىناداي نىسانداردا ۇسىنىلادى: 1) امبۋلاتوريالىق-ەمحانالىق كومەك (كونسۋلتاتسيالىق-دياگنوستيكالىق كومەك); 2) ستاتسيونارلىق كومەك; 3) ستاتسيوناردى الماستىراتىن كومەك; 4) قالپىنا كەلتىرىپ ەمدەۋ جانە مەديتسينالىق وڭالتۋ; 5) پاللياتيۆتىك كومەك جانە مەيىرگەر كۇتىمى; 6) الەۋمەتتىك-پسيحولوگيالىق كومەك. 6. الەۋمەتتىك ءمانى بار اۋرۋلاردان زارداپ شەگەتىن ازاماتتار انىقتالعان جاعدايدا جالپى پراكتيكا دارىگەرلەرى, ۋچاسكەلىك تەراپەۆتەر جانە پەدياترلار ولاردى بەيىندى ماماندارعا, پسيحولوگقا جانە الەۋمەتتىك قىزمەتكەرگە كونسۋلتاتسياعا جىبەرەدى. 7. الەۋمەتتىك ءمانى بار اۋرۋلاردان زارداپ شەگەتىن ازاماتتارعا كونسۋلتاتسيالىق-دياگنوستيكالىق كومەك مەديتسينالىق كومەك كولەمىن قامتيدى, ول تيىمدىلىگى بارىنشا دالەلدەنگەن پروفيلاكتيكالىق, دياگنوستيكالىق جانە ەمدەۋ ءىس-شارالارىنىڭ نەگىزىندە مەديتسينالىق كورسەتىلىمدەر بويىنشا ايقىندالادى. 8. الەۋمەتتىك ءمانى بار اۋرۋلاردان زارداپ شەگەتىن ازاماتتارعا ديسپانسەرلىك باقىلاۋ جۇرگىزىلەدى. 9. مەديتسينالىق كورسەتىلىمدەر بولعان جاعدايدا ماماندار الەۋمەتتىك ءمانى بار اۋرۋلاردان زارداپ شەگەتىن ازاماتتاردى تاۋلىك بويى مەديتسينالىق باقىلايتىن مەديتسينالىق ۇيىمعا جىبەرەدى. 10. ستاتسيونارلاردا مەديتسينالىق كومەكتى قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 26 قاراشاداعى № 799 بۇيرىعىمەن (نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 5949 بولىپ تىركەلدى) بەكىتكەن مەديتسينالىق كومەكتىڭ تۇرلەرى جانە كولەمى بويىنشا ماماندار الەۋمەتتىك ءمانى بار اۋرۋلاردان زارداپ شەگەتىن ازاماتتارعا كورسەتەدى. 11. باستان وتكەرگەن ءجىتى اۋرۋلاردان كەيىن, سوزىلمالى اۋرۋ اسقىنعان جانە جىتىلەۋ اۋرۋ نىساندارى كەزىندە الەۋمەتتىك ءمانى بار اۋرۋلاردان زارداپ شەگەتىن ازاماتتارعا قالپىنا كەلتىرۋ ەمى جانە مەديتسينالىق وڭالتۋ كومەگى كورسەتىلەدى. 12. قالپىنا كەلتىرۋ ەمى جانە مەديتسينالىق وڭالتۋ, ونىڭ ىشىندە بالالاردى مەديتسينالىق وڭالتۋ مىناداي جاعدايلاردا: 1) ءجىتى اۋرۋدى (كونسەرۆاتيۆتىك, وپەراتسيالىق) قارقىندى ەمدەگەننەن كەيىن جانە اۋرۋدىڭ جىتىلەۋ كەزەڭىندە; 2) تۋا بىتكەن جانە جۇرە پايدا بولعان اۋرۋلار كەزىندە, سونداي-اق ءجىتى, سوزىلمالى اۋرۋلار مەن جاراقاتتاردىڭ سالدارىنان بولعان اۋرۋلار كەزىندە, ناۋقاستىڭ فيزيكالىق, پسيحيكالىق جانە الەۋمەتتىك الەۋەتىن وڭتايلى ىسكە اسىرۋعا قول جەتكىزە جانە ونى قوعامعا بارىنشا بارابار ىقپالداستىرا وتىرىپ, اۋرۋ ساقتالعان كەزەڭدە; 3) وپەراتسيادان كەيىن اسقىنۋلار بولماعان جاعدايدا جۇرگىزىلەدى. 13. الەۋمەتتىك ءمانى بار اۋرۋلاردان زارداپ شەگەتىن ازاماتتار قالپىنا كەلتىرە ەمدەيتىن جانە مەديتسينالىق وڭالتاتىن, ونىڭ ىشىندە بالالاردى مەديتسينالىق وڭالتاتىن مەديتسينالىق ۇيىمداردا ەم الۋى ءۇشىن, امبۋلاتوريالىق-ەمحانالىق ۇيىمنىڭ جوعارى مەديتسينالىق ءبىلىمى بار مەديتسينا قىزمەتكەرىنەن جولداما, سونداي-اق ۋاكىلەتتى ورگان بەكىتكەن نىسان بويىنشا امبۋلاتوريالىق كارتانىڭ ءۇزىندى كوشىرمەسى بولۋى قاجەت. 14. ءجىتى جانە سوزىلمالى الەۋمەتتىك ءمانى بار اۋرۋلاردان زارداپ شەگەتىن ازاماتتارعا پاللياتيۆتىك كومەك پەن مەيىرگەر كۇتىمى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 53-بابىنىڭ 3-تارماعىنا سايكەس كورسەتىلەدى. 15. تۇرعىن ءۇي-تۇرمىس جاعدايلارى ناشار جانە وتباسىنداعى جانجالدى جاعدايلاردا توسەكتىك رەجيمدى قاجەت ەتەتىن الەۋمەتتىك ءمانى بار اۋرۋلاردان زارداپ شەگەتىن ازاماتتارعا كۇندىزگى ستاتسيونار جاعدايىندا جانە ءۇي جاعدايىنداعى ستاتسيوناردا پاللياتيۆتىك كومەك پەن مەيىرگەر كۇتىمىن كورسەتۋگە جول بەرىلمەيدى. 16. الەۋمەتتىك ءمانى بار اۋرۋلاردان زارداپ شەگەتىن ازاماتتارعا الەۋمەتتىك-پسيحولوگيالىق كومەك كورسەتىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11226 بولىپ ەنگىزىلدى.